ليش الارااانب يموتون بسرعه كل ارنب ايبه يمموت

[frawla_ana]

بنات شريت اول ارنب من حولي بارك
ثلاث ايام قعد عندي وبعدين مات كان شحلاته مافيه شي انا قلت يمكن ليش انه خليته تحت وتحت كانوا قاعدين يصبغون يمكن مات من الريحه
بس تكررت ثاني مره ويبت ارنب ثاني من عندهم ومات بعد اسبوع اهني عرفت انه عمره جذي مو معقوله ماصار له جم يوم ومات
واخر ارنب ياني هديه همن مات بنفس الفتره بس اخر واحد كنت احسه قاعد يصارع لا ياكل ويخاف وايد
شنو سالفتهم ليش يموتون بسرعه ؟

 

[VET-Nour]

انا شريت اثنينه واحد قعد عندي اسبوع و مات و السبب مجهول ,
و الثاني مات عقب الاول باسبوعين لانه كنت ماخذته المزرعه و كانو الجهال يمسكونه و من ايد لي ايد , فَ الضاهر تعبت واستبردت ,, و عقب رديتها البيت و صار فيها اسهال كرمج الله و ماتت ,
بيني و بينج بجيت عليهم ,
و توه قبل ثلاث اسابيع رحت شريت ارنب صغيير ,
و عرفت انه السراميك اهو يسبب اسهال و لازم يكون بمكان دافي , فَ حطيته بمكان دافي ,
و بعدها بيومين مآتت ,
,,
الي عرفته من تجاربي الفاشله انه الارانب ماتعيش بالبيوت
لانه خالتي كان عندها واحد و كل يوم تشتريله جيس خضره اشكبره و ياكله كلاا بيوم واحد ,
و عقبها عطته اخوي وداه المزرعه و كبر , و عقبها مات < سنةة الحياه

,

قبل تشترين اي حيوان سوي سيرج عن تربيته أو اسالي البنات احسن بدال لا يموت

 

[7alom]

الارانب تعيش وطول بس المشكلة البيت ما ينفع ان مافيه تراب ومشكلة الارنب انه ياكل ومايوقف لو ان شا الله ياكل من الصبح ليمن الليل عادي
وتعرفين طبع اليهال كل شوي معطينه يا جزر يا خس يا خيار ومو معقولة بياكل 24 ساعة وما يموت اكيد بيموت

اغلبنا يحط الارنب بقفص او كرتون علبوا لا يوصخ البيت لانه مو نفس القطوة او الجلب تعلمينهم على اللتربوكس ( اعتقد الجلب يتعلم بعد ) فعلبوا لا يوصخون ينحبسون واكيد طبيعة الارنب حرج ويبي يركض وينط وفجاة بينحبس فبيموت

ولاتنسين درجة الحرارة همن البرد مو زين له

هذا الي اعرفه لان عندنا ارانب بس ليمن نخليهم عندنا يموتون بس ليمن نوديهم لعمتي ( ماعندها يهال ) ومخليتهم يسرحون ويمرحون بحوشها على كيفهم يعمرون

 

[ام وسمية]

اختي شاريه ارنب من حولي بارك قعد عندنا حوالي شهرين ونص بعدين صار كبير و يخوف مانقدر نشله
خلينه أبوي يبيعه يمكن انت ماتخلينه يلعب ولا يتحرك

 

[7alom]

انا شايفة ارنبين شكبرهم و شعرهم وايد طويل مادري شسمهم بس جنهم قطوة شيرازية اذكر سالت البياع شنو هلقطوة ضحك وقالي هذا ارنب وقالي اسمه
انا ماحب الارانب

 

[بتبوتااا]

مره شريت ارنب صغير وخلبته بقفص بالبلكونه وتم عندي يمكن تسع شهور صار كبير وشمتنه وماشاءالله كان ياكل وايد خس وجزر وخضار وعيش وخبز وجذي بس بصراحه متعب وله رييحه /: فتوبه اربي ارانب :/

 

[ربي رجوتك]

مساكين
الارانب تعيش فى الجحور وباطن الارض مره دافي حتى بعز الصيف تدخل جحرها لان درجة حرارة جسمها غير عنا يالبشر
وانتي حطيتيهم بالبيت اظن ان الجو العام مايناسبهم يحتاجون تراب وزرع وجحر