ليش اتكهرب واااايد

[الشيهانه83]

مرحباااااااااااااااااا :eh_s(1): بنات ابي اسالكم منو عندها اجابة علمية وصحيحة حق استفساري وايد معقدني والسؤال اهو ليش اتكهرب ووووووايد.. جسمي في شحنات كهربائية زيادة يعني ولا شنو؟ وكل ما امسك شي او المس اي شي اتكهرب واكهرب اللي احوشة ليييييش؟ شنو تفسير الشغلة وهل اهي خطرة ولا لا؟ وهل في ناس مثلي وايد جذي ؟

 

[irresistible]

نفس سؤالج انا مثلج اعاني من هالشغلة اي شي امسكة احس بكهربا

 

[رورو الدلوعة]

الحل
خففي الجلوس بالقرب من الاجهزه اثناء عملها مثل الغساله وغيرها
خففي من استخدام الهواتف النقاله قدر الامكان
افصلي كل الاجهزه من فيش الكهرباء اذا كانت لا تعمل
املئي غرف الجلوس بالنباتات الطبيعيه وضعيها بالقرب من التلفزيون والكمبيوتر لان النباتات تمتص الكهرباء
اكثري من السجود على الرمل اي وقت باليوم
لا تضعي اي نوع من الاجهزه الكهربيه في غرف النوم
اخرجي الموبايلات من غرفة النوم وقت النوم
تناولي العسل على الريق وارقي نفسك صباحا ومساء

بالاضافه سمعت انه اخت كانت تعاني من شحنات زائده ف عملت على ااكل سبع تمرات مع كوب لبن الصبح وحست انه راحت منها للابد المشكله

 

[supermarket]

وانا بعد اعاني من هالشي وشكلي بشتري زرع

 

[كوكب الدرر]

اللي قالته الأخت رورو صحيح
وانا أضيف إذا كنتي تلبسين أشياء مصنوعة من نايلون أو صوف تسوي كهربا بالجسم والأفضل هو القطن
وإذا كنتي تلبسين دلاغ وتمشين على سجاد هم يسوي كهربا خاصة بالشتاء
إذا تقدرين تستخدمين مشط خشب بدل البلاستك يقلل من تكون الشحنات الكهربائية في الشعر

 

[نور بوبيان]

وآنا كذلك نفس المشكله....

وعندي زرع بالغرفه إللي فيها الكمبيوتر...

والصبح على الريق أشرب ملعقة عسل.... وماعندي أجهزه بغرفة النوم ... كلها بغرفة الملابس واهيا منفصله

ولها باب ...

وأمشط شعري بمشط خشب....

والرقيا ما أخليها ...

بس سبع تمرات على الريق ماسويتها...وإن شالله تروح الشحنات ...

وقالولي امشي حافيه على الرمل ....ماجربت

 

[الشيهانه83]

مشكورين على المعلومات

 

[AFRoDiT]

ديروووبالكم حبايبي

انا وايد تضررت من هـ الشي
وصرت اراجع في عيادات الاعصاب


لاتستخدمين موبايل من غير هاند فريي

خففي حييل من فون البيت لأن فيه مغناطيس يأثر على الراس

اذا تستخدمين سماعه بلوتوث خلي البياع يبطلها جدامج شوفي فيها مغناطيس ولا لأ

لا تجابلين الشاشات بشكل فوق المعقووووول يعني تلفزيون أو كومبيوتر


كله أشعه و شحنات مغناطيسيه و كهربائيه



الله يخليكم بناااااااااااات

والله والله والله ما أتمنى أحد يصيرله الي صارلي
سواء الي أعرفه أو الي مااعرفه

بس الي شفته الله لا يوريه لـ أحد



ديرووبالكم على صحتكم

ترى الشحنات الكهربائيه اذا وصلت الراس و زادت يسبب صرع ..اسم الله عليكم الله يحفظكم من الشر

وهذا الي صار فيني بس تداركت الموضوع و عالجت بسرعه
صار فيني أقل أقل و أخف أنواع اصرع

بس الحمدلله صارلي 3 سنوات مافيني شي الحمدلله



بس الله يخليكم لاتهملووون كلامي
ولاتنسون نصايحي

 

[الشيهانه83]

خرعتيني معقولة يوصل للصرع الله يكافينا الشر ..

 

[yam_yam]

مشكورين على المعلومات

 

[مس فرساي]

نفس السؤال

انا لما المس أي احد اتكهرب
لما انزل واسكر باب السياره اتكهرب ... صرت اسكر الباب بالشنطه لووووووول
لما اشغل الرسيفر اتكهرب

يعني لاحظت لما امسك حديد اتكهرب

وفي حاله ثانيه اتكهرب فيها بس احس طبيعيه
اللي هي لما امشي على سجاده صوف
او لما اقوم من النوم و أوخر البطانيه <<< تعالي شوفي الشرار
أو لما البس شراباتوامشي بالبيت
اتوقع من الاحتكاك _03ba:

 

[ريمه الكويت]

امبيه انا بعد الي يسلم علي يتكهرب مني بس تدرون احنا نصلح حق الترشيد اذا انطفت الكهربا يحطون علينا الليتات تشب

 

[qa6wa_q8]

شكلج تحطيين الاب توب بحظنج او ع اريوولج وهلشي يوصل الشحنات من الجهاز لجسمج

 

[منوله كويتيه]

نفس الشي يصير معاي

قريت من فتره عن جهاز يستخدمونه بالسبا المتروسه بتايلند يحطون فيه ماي مادري سائل معين وتحطين ريلج فيه بطريقه معينه ويتوصل مادري شلون ويسحب الشحنات الزايده بالجسم ويظل اللون يحمر ويغمق وعلى اخر الجلسه يصير الون الشفاف احمر صديدي

ومره قريت لوحده كويتيه عندها صالون بالشعب البحري وتكتب اسبوعيا بالنهضه ومغطيه كل والويه ماعدا عيونها وعندها هالجهاز وابي اذكر اسمها مو قادره للأسف وكل ماقول بشتري النهضه وبشوفها تكتب للحين والا لأ انسي

 

[الخط الساخن]

كل جسم توجد فيه شحنات سالبه وموجبة ويجب ان يكون توازن بين هذة الشحنات فأذا زادت شحنه عن اخرى تسبب كهرباء ولكن داخلية اما الكهرباء اللتي تقصدينها فهي ناتجه من الخارج فبعض الملابس او الادوات تسحب الشحنات الخارجية فطبيعي تحسين بكهرباء فأنتبهي من بعض انواع الملابس وبعض الادوات وهذة مساله لاخوف منها وطبيعية

 

[حصوص الكويتية]

امبيييييييييييييييييييييييييييه حتى انا دايما جذيه

لما افتح المبات بالصاله يكهربونى وييييييييييييه

 

[a7La_3eMeYa]

لوووووووول صج ليييش كلله نتكهرب انا عندي حل مو ترشييد اذوونه بمال الكهربه لو انرووح لهم و نعطييهم من كهربتنا مو احسن هههههههههههههه و الله يعيينه لووول بجرب اللي قلتوه