ليديتي بتتزوج !!

[بنت ديرتها]

قوه حبايبي شلوونكم ... ! ~

ابي اتناقش وياكم بموضوع وايد حساس و وايد منتشر عندنا و هالشي قاعد يصدمني يوم عن يوم اكثر !!

اهوا حب البنت للبنت استغفر الله
او حب البويه للبنت !!

والله يا بنات اشياء تشيب الراس

يعني جم مره اسمع سوالف انه بنات كبار فووق ال 20 و اهما ليلحين ماشين بهطريج !!

من جم يوم اسولف مع رفيجتي تقولي تعرف وحده من زمان بويه تقول كلمتني و كانت صاكه فيها الدنيا تقولها قاعده افكر اخاف ايي اليوم الي ليديتي تتزوج !! و يلمسها ريال تقول انصدمت انا عبالي انها ابالها فتره مراهقه و بعدها تعقل و تبطل هالسوالف
استغفر الله والله شي يقشعر له الجسم
و غيرها من سوالف و بلاوي
و مره سألت وحده ماشيه بهالطريج شنو السبب
تقول احسن ما اكلم صبي !! و تخترب سمعتي املي الفراغ العاطفي عندي لما ايي نصيبي ؟ ويييع شي يأرف
ليش لما تحبين بنيه من نفس جنسج و بينكم علاقه مو طبيعيه هالشي ما يأثر على سمعتج ...!!!!!!!!
ما تخافين من ربج الي فوقج كل كلمه و كل شي سويتيه محسوب عليج !!!

والله يا بنات الي قاعد يصير فووق الخيال بين كل 10 بنات 5 ماشين بهطريج و هذا الي اشوفه قبل بالثانويه و المتوسط و غيره

ويين اهلهم عنهم !!!
مافي خووف من الله ؟؟
شي صادمني و ماني عارفه الحل و مادري اهما شلون يفكروون

وبس سامحوني على الأطاله بس صج ضاهره منتشره و بشكل كبير
ابي رايكم و بنظركم شنو الحل !! :eh_s(17)::eh_s(17):

 

[بنت ديرتها]

14 مشاهده ولا رد !!!

 

[المرتاحة]

بصراحه

انا شفت ليديات و بويات من بعيد لي بعيد ولا مرة احتكيت بوحده او سولفت معاها ولا اصلا افكر اكلمهم حتى كلام

علشان جذي مادري شنو يدور بينهم الله يكافينا شوفتهم و شرهم

 

[MissFabulous]

استغفار الله العظيم

إي والله منتشره السالفه ... البنات يسولفون عن المسيله و ليديات اعمارهم بال30 و 29 وربي انصدمت

وووويع و اليوم بالكفتيريا بويه وليديتهآ و حدهآ مستانسين
قلة ادب
لآعت جبدي و الله :&
الله يثبتنا على الفطره السليمه

 

[بنت ديرتها]

بصراحه

انا شفت ليديات و بويات من بعيد لي بعيد ولا مرة احتكيت بوحده او سولفت معاها ولا اصلا افكر اكلمهم حتى كلام

علشان جذي مادري شنو يدور بينهم الله يكافينا شوفتهم و شرهم

اميين و يهديهم انشاءالله

 

[Vous jamais]

حبيبتي المشكلة هذه لا نلوم فيها البنت فقط

نلوم فيها الأهل والمدرسة

مشكلتنا ان اغلب المجتمع مجتمع يفتقد للحب

نعم نحن نضع للحب إطار ضيق جدا ( يبدأ بالمعاكسات وينتهي بأول سنة زواج )

لا مكان للحب ببننا و التعبير عن المشاعر

نقتله بايدينا وكأنه من المحرمات

في حين أن النبي صلى الله عليه وسلم قال :
" إذا أحب الرجل أخاه فليخبره أنه يحبه ( رواه أبو داود )

في مجتمع كمجتمعنا نغص بكلمات الإحباط و السب

وننسى الحب و المودة

أنا مثلا في حياتي لم اسمع كلمة حبيبتي من أمي

في حياتي لم تحضنني أمي بحب ولهفة

لا اكتمك اشتاق لاحتضانها وتقبيلها

لكن اذا كانت هي لا ترغب ولا تبادر فكيف لي أن افعل


سبب المشكلة التربية والبيت والمدرسة

الطالبة في مرحلة المراهقة تحتاج للتميز والحب

لا تجد ذلك في البيت فهو مكان للتحقير

ولا تجده في المدرسة وسط استهزاء بعض المعلمات بها

فتجد التحول إلى صبيك نوع من لفت الإنتباه ..

الحل بتوعية الأسرة بدورها

نريد أم مربية وحاضنة و محبة لإبنائها

نريد مشاعر نريد حب

لا تدعوننا نبحث عنه بالخارج ..

وأنا هنا لا اعمم على كل المجتمع لكن الصورة الأغلب هي تلك

 

[نجداويه نجد]

ـ


السلام عليكم ورحمة الله وبركاته

طرح طيب الله يحفظك ...
أولا من غير من نعرج علي المسأله بصوره شرعيه ..
لنتكلم عنها بصوره فطريه هل من الممكن تتقبلها ايّ فطره سليمه لاتشوبها شائبه ..
الأجابه محتومه ومحسومه أكييد لاء ..؟؟
الان الله جبّلنا وخلقنا بأحسن تقويم ...
حتي الحيوانات لاتتقبل هذا الشذوذ الجنسي فكيف بمن أنحراف عن فطرته واتبع هواه ..!!

الكلام كثير بهالمجال للعل لي مُدخلات إن شالله مُستقبلاً

كُل التحايا

 

[عادت ذكرياتي]

الحمد لله الذي عافانا ..


شي يعور القلب ...


الله يهديهم ...

 

[Şhώasha . . ~]

اووووف انا اشمئز من اللي جذيُ
وصار الامر طبيعي جداً جداً جداً !!!
لدرجه ان وحده قريب قريبا قبل اسبوع اسبوعين جي يعني تسئلني : بويه ولا واحد ..؟؟؟
قلت لها شنو ..؟؟
قالت لي تحبين بويه ولا واحد !!
قلت لها ولا شي وانا مستغربه يعني
الا قالت لي اوكي وتمت تضحك
وسمعتها ذاك اليوم تقول حق وحده بويه ولا واحد جان تقول لها : وآحد (لانها مخطوبه) وهي ماتدري انها مخطوبه
جان تقول لها : باااااااال شخباري قديمه انتي !
يعني انا اهون لي اني اطلع مع واحد ولا اني اطلع مع بويه بسم الله علي !!! .. ليش خيير .. محتويات جسمها نفس محتويات جسمي شكلها نفس شكلي .. اصلا شي يلوع الجبد ومنتشر بقوه يعني البنت المؤدبة المحترمه ماتخلى من هالسوالف !!!
واليوم بعيني جفت وحده تصيح عشان بويتها خانتها !!!! بالله شتسمونه ذي ..؟؟؟

 

[أم عزيزان الحلو]

الله يهديهم
لوعندهم اهل يوقفون معاهم ماصار هالشي

 

[reem93]

الله يهديـــــهم​

 

[منو انت]

الله لايبلاناا

 

[الكوويت حره]

حبيبتي ما يصير تقولين بين كل 10 بنات 5 ماشين بهالطريج

شدعوه يعني نص بنات الكويت ليديات !!!

هم فئة قليله بدأت تنتشر لكن الحمدلله ما يوصلون لحد نص بنات الكويت

والأهل والمدرسه والجامعه والقانون هو السبب في ظهور هالأشكال

حتى بالمسيله والمدينه تلاقين هالأشكال وين الرقابه وين لجنة الظواهر السلبيه اللي بمجلس الأمه ؟!!


الله يحفظ الكويت وبنااااات الكويت ويهدي البويات وليدياتهم

 

[* ملكني الخوف *]

مايخافون يسير فيهم نفس قوم لوط؟؟؟ ولا بس وناسه وخلاص الصراحه لوعه جبد الله يعين ويستر علينا مايخفس فينا سبحانه

 

[MyLittleBerry]

لو الاهل يتخذون موقف

وادارة المدرسه يتخذون موقف

ماكنا بنشوف هالشي يصير

 

[سوزي الشرقية]

بصراحة سوالف البنات تشيب الراس
اعرف وحده اكلمهاعلى المسنجر هي البنت تدرس في جامعة الملك سعودفي الرياض قسم انجليزي
تقول ساعات لمن تجي تتطلع من الكلية نهاية الدوام الرسمي للجامعة تشوف اشكال وانواع من البنات
ومن وهي في فترة البريك في الساحة الخارجية كان تشوف اليكم هذيك الشوف بنت مع بنت وطايحين تحببب وتبوس وتحرشات جنسية وسوالف وبلاوي وماليها نهاية
طبعا اكيد اهلهم موجايبين خبرهم ...الله المستعان

 

[المـــــها]

الله يهديهم يا رب
للأسف ما فيهم تأنيب ضمير
بعدين تغثني هالجملة: أحسن من علاقة مع صبي
لااااااااايبه انا عندي الوحده تكون مع صبي ولا مع بنية تنافي الفطرة
أقول احسن ولا اثنينهم ما أيدهم أبدا ابدا
انا أقول من ضعف الوازع الديني
و من قلة التربية و الرعاية و الاهمال مايدرون بناتهم منو يرافجون منو يكلمون و وين يروحون و شيسوون !!
و في بعضهم لا والله الام فاشلة راضية بهالعلاقة و مستانسة عندها الوضع عاااادي !!!



استغفرالله


ما أقول الا الله يهديهم و يهدي أهلهم

 

[بنووته تكاانه]

استغفر الله العظيم
شنو مايدرون انه بنت لو عاشرت بنت ما يشمون ريحت الجنـه

 

[بنت ديرتها]

اول شي يعطيكم العافيه حبايبي على المروور و انا معاكم بكل كلمه قلتوها

واختي الي قالتلي انه مو معقوله بين 10 بنات 5 باهالطريج
انا ما قلت جذي الا من شي انا شايقته جدام عيني انا توني متخرجه من الثانويه و كنت اشوف بالمدرسه و يقولون لي رفيجاتي عن بنات قسم بالله قلبي يعورني عليهم جمال و اخلاق بس انصدم انه هذا نظامها

و غير سوالف الي تسولفها اخت رفيجتي بالمتوسطه عن البنات و بلاويهم شي مو طبيعي

والله هالشي وايد وايد منتشر و غير الي اسمعه و يسولفون لي
بالمسيله
و السكيتنق
شي مو طبيعي
الله يستر عليهم وعلى جميع بنات المسلمين

 

[بدوردا الأموره]

والله بصراحه مدري كيف تفكير هالبنات الحمدالله والشكر

قبل لا تخافين من المجتمع خافي من ربج اللي خلقج مايقرون قرأن و يقرون قصة قوم لوط

استعفرالله العظيم و ش هالعقول يعني لو وحده تحب واحد صج انه غلط مليون بالميه تكلمه وتطلع معه بس عالاقل عقلها عدل يعني تحبه تبي تتزوج تبي تييب يهال

بنت تحب بنت شنو تبين فيها وشنو نهاية هالعلاقه لمتى بتظلين معها بتتزوجون وتييبون يهال مثلا

استغفرالله صج مصيبه ماخربت عقول البنات غير هالمسلسلات المنحطه والروايات السافله

وتقهرني اللي تقول لأن أمي ماتحضني ولا تبوسني يعني تبين أمج تضم فيج ليل ونهار عشان تثبت انها تحبج ثاني شي في بنات أيتام و أخلاقهم مايحتاج يعني قافدين حنان اكثر من اي احد ثاني وعمرهم مافكروا بهالطريج