لو كنتي مكاني شتسوين؟

[انا رائعه]

السلام عليكم

لو كنتي متزوجة وعايشه بمدينه بعيد عن اهل زوجك
وماعشتي اجواء العروس وكشختها لانك من ثاني يوم سافرتي وماكان تجهيزك اصلا حلو المهر قليل وانتي اول بنت تتزوج مافي خبره ابدااا بالتجهيز

ومرت خمس سنوات على زواجك وصار معك طفلين
وتحسن وضعك المادي توظفتي والظروف حكمت انك تسكنين مع اهل زوجك فقط لك غرفة نوم كبيره وحمام ومخزن صغير هل توافقين؟

السؤال الثاني هل تجهزين من اول جديد؟مثلك كثل العروس؟لان صرتي موظفه ولانك اصلا ماتدلعتي بتجهيزك بسبب قلة المهر ؟

كل وحدة تحط نفسها مكاني وتجاوب على السؤالين بكل صراحه

 

[ناتشوو]

اكيد
اصلا
كل وحدة
مهما كانت روعه تجهيزها
بين فترة وثانية
طبيعي
تجدد
باللبس
وستايلها
وتشوف اللي يناسبها من الموضة
والعطور
والقصات للشعر
والمكياج وتطور نفسها فيه
علشان نفسها قبل لا يكون للزوج
لان كل تغيير جديد يونس ويفرفش


بالنسبة للسكن
اذا في مجال ارفض وينسمع رايي بقول
لا
اما اذا مضطرة
الشكوى لله
بس بقسم الغرفة الكبيرة قسمين
غرفة لي وغرفة للعيال

 

[Tom ♥ Jerry]

,


السؤال الأول / لا مآ آوآفق
لازم اليهال بغرفه بروح :/ غرفه وحده مآتكفي

السؤال الثاني أكيد أتدلع بمعاشي :*
و اسوي كل الي بخأطري فيه

 

[ملاكـ الرياض]

سوي كل الي نفسك فيه

 

[عروسه حلوه]

لا ما وافق ععالسؤال الاول والثاني اي ليش ما استانس بحلالي

 

[قـــمـــرهم]

السؤال الاول :

هذا شي راجعلج ما احب ابدي رايي بهالامور

السؤال الثاني :

اي اكشخي والبسي اللي تبين لو صارلج ١٠ سنين

خليج دايما عروس ..

حلو الوحده تهتم بكشختها ولبسها اول شي لنفسها..

مو بس العروس تكشخ

 

["tala"]

غرفة نوم كبيره وحمام ومخزن صغير هل توافقين؟
لا ما اوافق
السؤال الثاني هل تجهزين من اول جديد؟مثلك كثل العروس؟لان صرتي موظفه ولانك اصلا ماتدلعتي بتجهيزك بسبب قلة المهر ؟
اي غيري بين فتره وفتره اذا قدري ^^

 

[Maaax]

مع راي الاخت اللي ردت اول وحده كلامها عين العققل

 

[كليـ دلعـ]

اذا عندج عيال

طبعا لا مايصير تسكنين بدار وحده
ش حادج ع الضيق

انتي ماسكنتي عندهم وانتي بروحج

معقوله تبتسكنين عندهم وانتي عندج عيال!!


لالاتسكنين عندهم خلج مستقله مرتاحه

والسؤال الثاني

اذا مالبستي الحين واستانستي وتهنيتي

عيل متى!؟

ترا. الكفن ماله جيوب

اشتري ولبسي واستانسي

بدون اسراف. لان الله مايرضا فيه

عوضي اللي ماسويتيه. سوييه


والله يهنيج

 

[امـ خــزامـى]

^^
معااها

انا اصلا مااتقبلت فكرة عرروس تسكن ببيت حمولتها كيف متزوجه من زمان وعندها اطفاال
انا اشووف انها جدااااا صعبه

الا اذا طيبين وماارح يطالبون بالطبخ والتنظيف لانهم عندهم خددم
ممكن اوافق عشاان عيالي يكونون بامااان

وطبعا هالشرووط اقولها لهم بكل صررراحه
انا موظفه ومااقدر على الطبخ والتنظييف
انا مسؤله بس عن نظافة غرفتي وزوجي وعيالي

وطبعا اقسمي الغرفه قبل لاتسكنيييييييييين نصيحه


موفقه حبيبتي

 

[انا رائعه]

اولا شكرا لكل اللي ردووو


بالنسبه للسكن مجبورة زوجي عنده التزامات ومدينة اهل زوجي جدا غاليه واصلا وين احط عيالي اذا داومت؟اهلي بالكويت وانا متزوجة بالسعوديه وزوجي رافض اني اخليهم مع الخدامه

اهل زوجي عندهم طباخه وخدامتين وسايق والبيت كله منتعش وشايفين خير ام زوجي اصلا توها متقاعدة وانسانه كشخه حيل بس انا الاحظها قويه

وناس الله معطيهم بس زوجي خلاص مايقدر عالايجار يقول اسكني مع اهلي سنتين وتخلص ديونه لانه راح يضغط نفسه لان انا صارلي لي معاش وبعدها ان شالله نشتري بيت ملك بلا شقه بلاهم الغرفه مقاسها 7في 8 اتوقع كبيره صح؟ومخزن وحمام

بالنسبه للتجهيز انا ناويه اجهز كل شي جديد من الالف الى الياء مثلي مثل العروس لان نفاسي الاول ماكان عندي فلوس واصلا كانت ولادة مبكره وظروف نفسيه جدا صعبه لان راح اجيهم وانا توني مخلصه نفاس
ان شاءالله انا عندي ولد وحامل وموناويه احمل بعد ولادتي الا عقب 3 سنوات

شرايكم بنات؟

 

[mahawe]

أذا في مجال يعطونج غرفة زيادة يكون أحسن وأذا تقدرين أدخلين المخزن مع الغرفة وتقسمينهم بعدين راح يصير عندج مساحة زينة بس كراحة ما راح ترتاحين لأن مو مكانج وتاخذين راحتج فية بس كل شي له حل أما بالنسبة لسؤالج الثاني حلو التغير كشخي وأستانسي حق نفسج بالاول بعدين زوجج وأهلة أهم شي الثقة ومالج شقل بأحد .

 

[انا رائعه]

مهاوي

ايه انا ابي اكشخ لنفسي مو لاهل زوجي لا والله انا ودي استانس بمعاشي ماصدقت اتوظف بس مادري خايفه من القرب

المشكله زوجي قالي لو استاجرنا بيروح جزء كبير من معاشاتنا وانا معاشي اقوى من معاش زوجي بكثير وهو اصلا عليه ديون يعني لو استاجرنا انا اللي بدفع هو ماقصر وياي قبل كنا عايشين بشقه حلوة بس بمدينه رخيصه الايجارات عند اهل زوجي دبل شقتنا القديمه

وبصراحه خلاص زوجي تعب من الضغط المادي وكلها سنتين وخلاص نشتري بيت او نستاجر يكونون عيالي كبرو ادخلهم حضانات

انا ودي اداوم وانا مرتاحه ان عيالي عندهم احد بصراحه هذا هو السبب الرئيسي اللي بيخليني اوافق انا لما اداوم بيكون واحد عمره سنه و3 شهور
والثاني شهرين

انا حاليا ماخذه عذر طبي لان حملي الاول ولدت مبكر

مادري والله خايفه ومحتاره

 

[الأميرة جوري]

السؤال الاول اذا ضروفي صعبه وضروف زوجي اسكن ليمن تعدل اوضاعنا السؤال الثاني اكيد بعوض عن اللي كان نفسي فيه ودلع عمري علشان نفسيتي


بالتوفيق لج يارب

 

[منـــاي]

السؤال الاول لا

السؤال الثاني اجل

 

[**ام نايف**]

بعد الاطفال ارجع اعيش بيت اهل زوجي.......... اكيد لا..تقيد للحرية ودخلتج وطلعتج محسوبة....واذا اشتريتي ياويلج لوماشافوه.. غير المصادامات يوم لزوارة ولا لعبوا لعيال وتهاوشوا حطو عقلهم باليهال..البعيدة غالية وعزيزة..
تشترين الي نفسج فيه هذا اكيد طالما ان عندج راتب يشبع هالشي..وربي يوفقج..

......

 

[انا رائعه]

احترت زيادة مشكورة لكل اللي ردوو

 

[انا رائعه]

ابي اراء اكثر

 

[ام اولاد]

اول سؤال لك بقولك انت ادورين الراحه ماراح تلقينها عندهم ويصير فيه مراقبه دئمه لك بس اذا زوجك يستاهل تحملي عشانه اقولك كذا لاني مجربه السكن معهم وبغرفه وحده ومن بداية الزواج والحين متحلفه باختي اللي يبيها يحطلها بيت بروحها ولا مع السلامه وهل الكلام قلته لاختي وللوالد والوالده قلتلهم مابيها تعيش معاناتي معليش قلت قصة حياتي والحمد الله مابقى شي واطلع لبيتي ان شاء الله على خير
وسؤالك الثاني العمر واحد البسي واكشخي وسوي كل اللي نفسك فيه

 

[فروحته]

بخصوص السؤال: الاول إي اوافق أسكن معاهم بنفس هالظروف.
السؤال الثاني: إي ليش لا ادا حسيت اني محتاجة اتجهز من اول ويديد بدلع نفسي.
بالتوفيق
​