بنات حبايبي شلونكم إن شاء الله بخير حبيت أستشيركم بموضوعي وأتمنى ألقى الحل عندكم
عندنا مرت أخوي الصراحة قاهرتني وباطه جبدي لما تيي بيتنا ما تاكل شي بالمرة كل شي نقدمه لها ما تاخذ حتى لو كانت تحبه
تخيلوا حتى واهي صايمة نشوفها بس تقلب بالعيش عالفطور على أبو إنها قعد تاكل
ومرة أختي مسويه صحن حلو حطته جدامها ياه ولدها الصغير قالها أبي هذا قالت له لأ لأ دودو دودو
صراحة نرفزتني شنو بس اهي النظيفة والعالم كله وصخ
مع إن لما نطلب من المطعم تاكل بشراهة كأنها موشايفة خير وتقول حق عيالها اكلوا اكلوا
ومرة قعد تحط حق ولدها عيش فـ إيدها حاشت الكلاس وكبت الماي وعصبت قالت ( آنا ماني ماكله )
والمشكلة أي أحد يكلمها تزعل وتقول لأخوي وتسوي مشكلة مادري شالحل معاها
الصراحة عيب المفروض تستحي على دمها شوي الواحد متعني وواقف على حيله بالمطبخ ساعات وهو صايم
عشان يرضيها ويسوي لها أكل تحبه تالي ماتبلع شي
وأي غرض تبي تمسكه في بيتنا تمسكه بطرف أصابعها كأنه نجس أو في شي
تصرفاتها موطبيعية بالمرة ووالله لو ناس غيرنا مايسكتون عنها لكن اهي لأنها شايفتنا أقل من مستواها المادي دايستنا
ياريت بنات أسمع رايكم بالموضوع ولو انتو مكاني شلون راح تتعاملون معاها ؟؟
عندنا مرت أخوي الصراحة قاهرتني وباطه جبدي لما تيي بيتنا ما تاكل شي بالمرة كل شي نقدمه لها ما تاخذ حتى لو كانت تحبه
تخيلوا حتى واهي صايمة نشوفها بس تقلب بالعيش عالفطور على أبو إنها قعد تاكل
ومرة أختي مسويه صحن حلو حطته جدامها ياه ولدها الصغير قالها أبي هذا قالت له لأ لأ دودو دودو
صراحة نرفزتني شنو بس اهي النظيفة والعالم كله وصخ
مع إن لما نطلب من المطعم تاكل بشراهة كأنها موشايفة خير وتقول حق عيالها اكلوا اكلوا
ومرة قعد تحط حق ولدها عيش فـ إيدها حاشت الكلاس وكبت الماي وعصبت قالت ( آنا ماني ماكله )
والمشكلة أي أحد يكلمها تزعل وتقول لأخوي وتسوي مشكلة مادري شالحل معاها
الصراحة عيب المفروض تستحي على دمها شوي الواحد متعني وواقف على حيله بالمطبخ ساعات وهو صايم
عشان يرضيها ويسوي لها أكل تحبه تالي ماتبلع شي
وأي غرض تبي تمسكه في بيتنا تمسكه بطرف أصابعها كأنه نجس أو في شي
تصرفاتها موطبيعية بالمرة ووالله لو ناس غيرنا مايسكتون عنها لكن اهي لأنها شايفتنا أقل من مستواها المادي دايستنا
ياريت بنات أسمع رايكم بالموضوع ولو انتو مكاني شلون راح تتعاملون معاها ؟؟
التعديل الأخير:
