لو كنتم مكاني شتسون ...

[Nothing]

السلام عليكم ورحمه الله وبركاته

شلونكم موظفات..

لو كنتم مكاني شتسون انا اجتهد بشغلي كثير

والتزم بالحظور تطلع تقيمي السنوي من رئيسي اقل

زميلاتي الثنتين الي معاي شي غريب هم يشتغلون صح

بس انا اشتغل ضعفهم اذا غيري ياخذ مرضيات واجازات بدون راتب

يسافرون انا اشتغل حتى بالاجازات كنت ابي اثبت نفسي

وانصدمت بالنتيجة واعتمدت حتى من دون مالرئيس يناقشنا

ادري في ناس وايد تنظلم بالتقييم بس الحل شنوو ؟

هل اغير شغلي أو أكلم رئيسي مع اني ادري هالشي بيزعجة لانه

مايحب حد يكلمة بمثل هالامور شسوي انصحوني ..؟

 

[haya20]

مايخالف كلميه بعدين فكري تغيرين دوامج

 

[Nothing]

أختي haya20

مستحية منه مو عارفة شقولة اخاف يحرجني ويقول انا الرئيس وانا الي اقيم

ربعي يقولون لي هالشي موجود بكل مكان امممم بس انا متضايقة من هالشي

يساوون بين الجهدين ولا يرفعون من الجهد الاقل ليه ..؟!

 

[BaiTotia]

رد : لو كنتم مكاني شتسون ...

إنتي يديدة؟ شكثر صالج؟ لأن مرات ياخذون هالشي بالتقييم ولو إني مو معاهم بس في جهات تاخذ هالشي بعين الإعتبار

إذا مديرج حليو أنصحج تدشين عنده وتكلمينه بكل ثقة إنج ملتزمة بشغلج وحضورج بس المهم لا تعصبين ولا تيبين طاري الزميلات إنتي عليج بنفسج وبس

هالشي من حقج تستفسرين عنه

و لا تتضايقين أو يقل مستواج عن قبل بالعكس خلج مثل ما إنتي

وإذا إنتي مرتاحة بالشغل لا تغيرينه ماتدرين بالشغل الثاني شنو بييج أغلب الأماكن جذي حبيبتي

 

[Nothing]

اختي BaiTotia

صج كلااامج يبرد القلب ويهون علي

هم اقدم مني بست شهور انا مااغار وربي من احد

بس لو كان طلاب مدرسة وطالب يحل الامتحان ودارس

وطالب يخش مو حرام يتساون ..

البعض يغيب ويتهرب ويرمي الشغل على الغير وهالشي مايبين قدام

الرئيس لان في ناس يغطون على بعض

انا علي من نفسي بس صج صج ظلم لي افكر اكلم رئيسي

بس مستحية منه هو يعرف جهدي ويثني علي بس ليه تقيميي كذا

صار لي بالشغل سنة تقريبا ً

الله كريم وحقنا عند الله ماضاع

جزاج الله خير حبوبة

 

[DA3LOoOLA]

كلميه واذا مافاد سوي كتاب تظلم

 

[BaiTotia]

رد : لو كنتم مكاني شتسون ...

لا بالعكس ماقول إنج تغارين أدري إنه يحز بالخاطر

بس كنت بنبهج لاتييبين له طاري البنات خوفج ينفهم غلط وماله داعي عرفتي

ودام تقولين دايما يثني على شغلج ومجهودج أكيد تقييمه كان لأنج يديدة ماله تفسير ثاني

 

[::كيك وعسل::]

لا تستحين كلميه وافهمي منه السالفه
...

 

[نونه العنونه_H]

عيشي حياتج ليش ضاغطه على عمرج جذي؟؟
اشتغلي بالمعقول سوي شغلج بس مو تاخذين شغل غيرج..
اخذي اجازات ليش ما تاخذين؟..
والله مالا داعي هذا مو عقاب هذا دوام..