لو عندج هالخدامه تخلينها ولا تردينها المكتب؟؟حددي محتاره

[silver cat]

شلونكم بنات بدش بالموضوع على طول انا خدامتي النيباليه توها واصله ماصارلها يومين اهي نظيفه وكل شي بس امس صار موقف خلاني أتردد فيها بغينا نروح المستوصف قلت لها يلا امشي قالت أوكي بس ببدل ملابسي قلت أوكي توقعت راح تلبس يونيفورم ثاني انا شاريتلها شكثر إلا الاخت طالعتلي بجينز وبدي قصير قلت لها شنو هذا قالت هذا لبسي حق الطلعه قلت بس إحنا بالكويت خداماتنا مايلبسون جذي قالت خلاص مابي اروح اووديني المكتب قلت لها خلاص خليج على لبسج وراح تشوفين الخدامات شنو يلبسون بالمستوصف وفعلا شافت وانا كل ماشفت وحده أقولها ها شفتي؟ المهم طخت بس انا مو مرتاحه الحين خليتها تروح مع العيال بيت اهلي وقعدت افتش بغراضها تخيلو شنو لقيت مكياج وحمر وكحل وكريم اساس وكريمات ترطيب للجسم معطره والبوم صور لها لما كانت تشتغل بلبنان حددها فري بلبسها البديات العلاق والقصير حييل فوق الركب بنات احس انها حييل فري وتهتم بنفسها ومو جايه حق شغل أنتو شرايكم بنات والله محتاره شلون اخليها عندي وانا موظفه وأخليها بالبيت خصوصا ان زوجي دوامه شفتات يعني ساعات طول النهار بالبيت وانا بالدوام بلييييز هلب مي:yaaaaaarb:

 

[ليـmــونة وردية]

رد : لو عندج هالخدامه تخلينها ولا تردينها المكتب؟؟حددي محتاره

مادري انا مكانك فعلا ماارتاح لها
بس هم لاتقطعين رزقها انا من رايي استخيري واللي يكتبه ربي بيصير:eh_s(17):​

 

[كلنا عشاق لكن]

رد : لو عندج هالخدامه تخلينها ولا تردينها المكتب؟؟حددي محتاره

ماأشوف هذا عيب إهناكـ تعودت بحكم المكان وإهنية عوديها طالما إنها أتطاوعج
وحتى أغراضها حطيهم بمكان ثاني لين إتسافر وتاخذهم وإشتري لها اللي يناسبكم
أما إذا عاندت فموجاية للشغل وبدليها

​

​

 

[om al ghaleen]

امم شوفي خدامتي اللي راحت جذيه اول ماياتني لابسه تنوره قصيره وبدي ضيج والكعب العالي
والعلج يعني كآنها موظفه .. قلت لريلي خلاص ماابيهااا تقعد عندي ولادقيقه

لانه شكلها مو للشغل ابدا
قالي ذكري الله وكلميها يمكن ماتعرف شنو نظامنا
كلمتها وشرطت عليها لبس اليونيفورم ومسكينه سمعت كلآمي وحتى حجاب لبست ماعارضت
وكانت خوٌش وحده ..

فآنتي كلميها اذا عاندت وشفتي منها حركات وديها بعد اهي اقطعت رزقها بنفسها
والصراحه مو حلو مظهر الشغاله بلس المعزبه "

\\

 

[::كيك وعسل::]

رد : لو عندج هالخدامه تخلينها ولا تردينها المكتب؟؟حددي محتاره


مادري شقول !!!
بس جد جريئه!!!

 

[silver cat]

شاكره مروركم خواتي وآرءكم الحلوه مثلكم:33_1185028183:

 

[الكويت حياتي]

جربيها وشوفي خدامتي كانت بلبنان بعد وشفت الصور نفسج بقيت اهون عنها اثيوبيه ولبست نفس ما ابي صبري شوي راح تتعود عليج وعلى نظامج بس نصيحه لا تشدين عليها بشي دقي المكتب خل يكلمونها بس لا يزفونها حببيها فيج كسبيها اول شي

 

[cheese cake 84]

شوووفي اهو كل الخدامات لي يوووج لازم هاللبس وهالشي سكتي خدامه خالتي اندونيسيه يايبه معاها صراويل وخيييط لووووووووووووول عمه بعييينج حق شنوو بوخيط خالتي قطتهم كلهم وقالتلها هذا نظامي يونيفورم وكبوس وكاهي تهببببل حتى الدريشه ما اطل منها انتي فهميها ان تلبس يونيفورم بالطلعه ماتبي ماتشوف شر خل ادور بيت تلبس فيه بديات وبلاوي قطيعه

 

[جك جك جك]

نصيحه وديها ماتصلح هذي من النووع الي تكشخ

مبين عليها تهتم بنفسها واايد

لاتحط ريلج براسها وانتي بالدوام تلبس وتتكشخ وتتمكيج عنده

افتكي من هالاشكال الخدم وااايد دوري وحده ثانيه ....

 

[*ماي الورد*]

رد : لو عندج هالخدامه تخلينها ولا تردينها المكتب؟؟حددي محتاره

فنااااااااااااقر

 

[lovely jojo]

طبعا اردها على طووول

 

[أم حمودي**MALL**]

لا تردينها ولا شي
جربي اول تكلمينها بالهداوه وخلي المكتب يعلمها بعد ان لبنان غيييير والكويت غير
اللي يمشي هناك مايمشي اهني وفهميها لو بتروح اي بيت ثاني هم ماراح يرضون بهالشي لانه عندنا عادات وتقاليد
والله يسخرها لج

 

[ذبحني صمتي]

رد : لو عندج هالخدامه تخلينها ولا تردينها المكتب؟؟حددي محتاره

نفسسسسس سالفه شغالتنا اثيوبيه مشتغله بلبنان جينزز وبدياات وصبغ اظاافر ...ومطربه عمرها الاخت

لا والنكته ثاني يوم جايتني ..تقولي ميييس انتي والمستر ماتلعبوو سبورت هههههههههههههههههههههههه

وربي نقدتني ع حالي ....

بس لايطووفج مرت ع ابووي واخواني طاارت عيوونهم @@ وطبعا وروها شغل الله

<< بيتهم بالجهرا هههههههههههههه

ومنها تأدبت وعقلت حتى الحجاب لبسناها ...

 

[يسود الصمت]

على قولت المثل الباب الي يجيك منه الريح سده وستريح
انا كنت مثل حالتج كان عندي اثيوبيه جننتني كانت مشتغله بلبنان كل ماطلعت لبست لي هلجينز والبدي القصير
ويالله تعدلت بلبس بعدين طلعت لي سالفة العطور بطت راسي من عطورها حشى عروس مو خدامه ولوشناتها اخر شي تقول لي تبيني جذيه والا وديني المكتب يوم جيت اوديها المكتب طلعت الاخت معاها قمصان نوم وانواع المكياج والعطور اطقم مع لوشناتها ومعها تلفون طلعت الاخت كل لليله سهرانه ويا سايق جيرانا وانا ياغافل لك الله

 

[برونزية رشيقة]

شلونكم بنات بدش بالموضوع على طول انا خدامتي النيباليه توها واصله ماصارلها يومين اهي نظيفه وكل شي بس امس صار موقف خلاني أتردد فيها بغينا نروح المستوصف قلت لها يلا امشي قالت أوكي بس ببدل ملابسي قلت أوكي توقعت راح تلبس يونيفورم ثاني انا شاريتلها شكثر إلا الاخت طالعتلي بجينز وبدي قصير قلت لها شنو هذا قالت هذا لبسي حق الطلعه قلت بس إحنا بالكويت خداماتنا مايلبسون جذي قالت خلاص مابي اروح اووديني المكتب قلت لها خلاص خليج على لبسج وراح تشوفين الخدامات شنو يلبسون بالمستوصف وفعلا شافت وانا كل ماشفت وحده أقولها ها شفتي؟ المهم طخت بس انا مو مرتاحه الحين خليتها تروح مع العيال بيت اهلي وقعدت افتش بغراضها تخيلو شنو لقيت مكياج وحمر وكحل وكريم اساس وكريمات ترطيب للجسم معطره والبوم صور لها لما كانت تشتغل بلبنان حددها فري بلبسها البديات العلاق والقصير حييل فوق الركب بنات احس انها حييل فري وتهتم بنفسها ومو جايه حق شغل أنتو شرايكم بنات والله محتاره شلون اخليها عندي وانا موظفه وأخليها بالبيت خصوصا ان زوجي دوامه شفتات يعني ساعات طول النهار بالبيت وانا بالدوام بلييييز هلب مي:yaaaaaarb:

أول مرة أدري فيه نيباليات مشغلين في لبنان ؟؟؟؟؟؟؟؟؟؟؟؟؟؟؟؟؟؟؟

 

[صآعده تحت}..]

رد : لو عندج هالخدامه تخلينها ولا تردينها المكتب؟؟حددي محتاره

..

دامها شافت لبس الخدم بالكويت

شوفى اقتنعت تترك لبسها ؟! ولا ملزمه على رايها

اذا ملزمه الله معاها اقرب مكتب ينطرها , اذا اقتنعت قوليلها هاللبس باخذه عندي بدرج

والاغراض والمكياج ولارديتي ديرتج اردلج اغراضج كامله



..

 

[نور بوبيان]

ديري بالج منها خاصه النيباليات مثل الأندونيسيات والفلبن ....

 

[الغلاااااا]

لو انا مكانج اردها المكتب على طول
معروفين اي جنسية خدم مشتغله بلبنان جريئات حيل ومومال شغل

 

[كوستا]

والله الخوف اخلي وحدة كشيخة معريلي بالبيت بروحه
اذا قطت روحها عليه شنو اسوي حزتها!!

 

[Hello_kitty]

يعني سالفه المكياج والأغراض اللي لقيتها عندها ما فيها شي ياربي شنو ترى اهي انسانه من حقها تهتم بنفسها كيفها مو علشان قدرها

تصير خدامه نبيها تدفن نفسها...انه وايد القى شغلات عند خدامتي كريمات وخرابيط حتى سوالف العنايه بالبشره والتنحيف والجسم

بس هذا من حقوقها حرام علي ادخل فيها مدامها تسوي واجبها ومومقصره معاي..

حلوه حركتج انج خليتها تروح المستوصف وتشوف بعينها عشان تقتنع

خليها تلبس يونيفورمات بس ما يمنع اذا بتروحون مكان كشخه او عيد او عيد الكرسميس مالهم تخلينها تلبس لبس شوي اكشخ عشان تستانس بعد حرام على طول تقعد باليونيفورم الله يرحمنا برحمته

هذي طريقتي مع خدمي يلبسون يونيفورمات بس ما يمنع احيانا يلبسون تريينغ او يونيفورومات تكون كشخه او شي يحبونه

يعني خدامتي سافرت معاي المطار والله من نفسي شريتلها قميص كشخه واسع وطويل من الأفنيوز وجينز خليتها تستانس وتحس

بوناسه السفر معانا وما يكون شكلها غير الناس كاشخين بالمطار واهي لأ حرااااااااااام

يعني مسكي العصا من النص وخير الأمور الوسط خليها تلبس يونيفورم بس باوقات وامكان معينه ما فيها شي اذا لبست غير عن اليونيفورم