لو سمحتو طالبات الاداب فيدوني

[عبوره الحربي]

السلام عليكم شلونكم بنات


​

حبيت اسال عن الفلسفه بالاداب شرايكم فيها صعبه والا سهله انا توني خريجه يقولون ان كلها انقليزي وانا مو كلش بالانقليزي ويقولون راح اطولين فيها تاخذين اكثر من اربع اسنين وان الدكاتره فيها مولحدين مادري ابي رايكم بليييييييييييييييييييييييييز واذا تخرجت اصير مدرسه

وشرايكم بالتاريخ​

 

[KelyAmanii]

وعليكم السلام والرحمه ،

من ناحيه صعبه ولا سهله هذا لا تهتمين له

اذا انتي حابه الفلسفه تخصصيه ،

بس تأكدي انه غير عن فلسفه 12 !! لأن 12 حيل اسهل وبسيطه مو تعمق اكثر !

اما من ناحيه الدكآترهـ قليل زينين ، اللي زينين صج [ الزاواوي / شيخه الجاسم / عبدالله الجسمي / محمد الوهيب ]

طبعا انا جربت محمد الوهيب وسحبت عليه ورسبت !!

اهوا زين هالدكتور يحب اللي تتفلسف معآهـ ، كان إييبلي الصدااع كله يتفلسف بس رووعه


بس ارجع اقولج اذا حابه تخصص الفلسفه وشايفه نفسج تمشين فيه دشيه


،

،

،

بـ النسبه لـ التآريخ حلو هالتخصص

اذا حابته تخصصيه

دكآترته زينين طبعا مو كلهم لكن الأغلب زين

 

[قطامية]

حبيبتي اغلب التخصصات لازم تقعدين اكثر من 4 سنوات
لان في مواد ثقافة عامة وفي مواد ماتفتح الا لما تاخذيت جم مادة قبلها
هذا شي عام بجامعة الكويت
تخصص الفلسفة حلو والدكاترة اللي فيها زيني عدا جم واحد
انا خذيت عند حيدر حسين خذيت عنده a و محمد الوهيب خذيت عنده B+

 

[درر العلم]

بنات أنا محتارة شنو اختار تربية إنجليزي ولا آداب إنجليزي

 

[KelyAmanii]

اداب انقلش وتربيه انقلش > بالنهايه تصيرين مدرسه !!

ممكن التربيه اكثر كرف ، احسن الآدآب

انا كنت بتخصص انقلش وابلاتي قالولي خليج اداب انقلش احسن

 

[درر العلم]

شكرا عالرد كلي أماني بس شنو أتوظف غير مدرسة؟

 

[الجميلـة]

الفلسفه ماكو مواد بالانقلش منو قال :s !!!!!!!!!!!!!!!!

 

[jen2n]

مافي مواد بالانجليزي بقسم الفلسفه واذا حبيتي التخصص بتمشين فيه بس للاسف الدكاتره الزينه راحو ديرهم والزينين دكتورين الزواوي وحسين حيدر

 

[عبوره الحربي]

مشكورين حابايبي ما قصرتو والله يوفقكم يارب