لو زوجك خانك ومتاكده من خيانته

[عيون سارة]

ما ادري اشلون ابدا بالموضوع او اناقشكم فيه
بس ابي رايكم
خصوصا الى تبي تحافظ على بيتها وعلى عيالها
لو اكتشفتي ان زوجك خاين وقاعد يكلم بنات
شتسوين
تواجهين زوجك
ام تتجاهلي الموضوع
واذا واجهتي زوجك شنو رده فعلج على الي بيصير

واذا عندج رقم الحقيره الى تكلمه شنو تسوين تكلمينها او ماتنزلين نفسج لها المستوى

 

[Dancing^Queen]

السلام عليكم
الله يعينج اختي اذا اهي مشكلتج
بالنسبه لي
اواجهه المشكله مع صاحبها
يعني اكلم ريلي
ما اكلم البنت او البنات شنو بتسفيد ! اهو اللي قاعد يكلم مو قاصين عليه او جابرينه!

 

[زبده]

الله يسخر لنا ازواجنا

 

[هيفاء 966]

اول شي الحقيره اللي تكلمه. دقي عليها وشرشحيها وهدديها بالفضيحه وعرفي اسمها بالكامل وقولي لها يا بنت الفلان بفضحك وحاولي تدقين على بيت اهلها ووتقولين لهم. واهوا لو انا منج ما اقعد عنده. واذا تبينه رعبي وروحي بيت اهلك فتره لين يتأدب

 

[ام كوثر2007]

اول شي الحقيره اللي تكلمه. دقي عليها وشرشحيها وهدديها بالفضيحه وعرفي اسمها بالكامل وقولي لها يا بنت الفلان بفضحك وحاولي تدقين على بيت اهلها ووتقولين لهم. واهوا لو انا منج ما اقعد عنده. واذا تبينه رعبي وروحي بيت اهلك فتره لين يتأدب

حبيبتي انتبهي قبل لا تتكلمين .. لا تحسبين ريلج مثل ريلها ولا ريلها مثل غيره ..


يمكن بنصيحتج هذى انها تروح بيت اهلها والروحه تكون روحه

ما خفتي وانتي تكتبين هالكلام انه ريلها من النوع العنيد .. ومن النوع اذا شافها راحت بيت اهلها احتمال وارد يركب راسه ويطلقها ؟؟؟؟؟؟؟؟؟



ليش تحطون بذمتكم وتعطون نصايح فيها خراب بيوت ؟؟


حبيبتي صاحبه المووضوع اذا عندج رقم البنت

دقي عليها .. عقب ما تطلعين اسمها وعنوانها ..

وقوليلها انج زوجته وكلميها بأسلوب راقي لا تنزلين لمستواها.

وقوليلها انا كلمتج بالطيب هالمره وعندي رقم بيتكم وعنوانج .

لا تخليني اطق عباتي وايي لي باب بيتكم واكيد بيكون عندج ابو

واذا ما عندج بيكون عندج اخو . واذا مافي اكيد بيكون في رياال ينقاله حركاتج هذى

طبعا هالكلام تقولينه لها اذا كانت بنت وحده بحياته وبالطريقه هذى راح تبعدينه .. ولا تتصلين من تلفونج طبعا .


اما اذا كانو حرييييييم .. فا انا اقولج الرياييل اتييلهم فتره يهبوون بالسالفه هذى .. حقريه ولا تفتحين معاه الموضووع .. الا بالشديد القوي

تقدرين تدخلين له من باب الدين والدنيا دواره .وقوليله انا ضامنه انك زوجي ولي لكن انا اخاف من الحوبه ..

خايفه انه اييي اليوم اللى ينلعب بعرضك وعرضك انا وبناتك مثل ما انته قاعد تسوي ببنات الناس ..

صدقيني هالجمله هزت وايد ريااييل وتابوا عقبها .لكن اقولج ملزومه تكلمينه بكل هدووء عشان ما تنقلب السالفه عليج

وعسى الله يوفقج .​

 

[Loloki]

اواجهه واذا ثال لا ما لا يكون انا متخذه رقم بنت الي يكلمها وادق عليها اقوله يالله كلمها ويحط سبيكر اهني

بيبلع العافيه واخلي اروح غرفه قعدي رتبي غرفتج غيري كفر عطريها وقعدي ع لاب او ايباد او اقري قصه

اووووعي ادخلين اهلج او اهله بالموضوع لان انتي وياه بيت تحت سقف واحد يعني لو شيصير ماءلعين سر بيتج لحد حتى لو امج لااا

طبعا اهو بحس بغلطه وراح ايي يعتذر او يقولج امشي خنطلع. طلعي روحي وتفاهمي معاه بالموضوع ليش سويت حذي عرفي منه نقطه ليش خانج

بس دربالج لا تعايرين بهالسالفه لان ريال مايحب لمعاير وبسرعه يطق جبده واهو تزوجج علشان يرتاح معاج الانسان مو خالي من خطا كلنا نغلط. بس

مصيبه ان يستمر بالغلط او العكس صحيح لازم فيها حلول وسياسه اهم شي سياسه بالحياه زوجيه علشان ماتهدمين بيتج بسبت وحده ماتعرف العيب

 

[رنيم الروح]

الموضوع يبيله حكمه وعقل اولا اذا الله لا يقدر طحت عليه وعرفت انا رقم البنت
ماراح اقوله شي بس بتصل عليها من رقم غريب واهددها اعلم اهلها وفضحها اذا مابتعدت عنه وبعدها اذا ماتركته راح اوجهه بس مو بصراخ وهواش لانه في هالحاله راح يعاند ويبي يمشي كلامه لا راح اقوله انه طحت عليك ومن لحظتها طحت من عيني وانت فاهم قصدي وراح اطنشه فتره
ههههههههه بس مادري لو الموضوع جد وش راح يصير

 

[رنيم الروح]

اواجهه واذا ثال لا ما لا يكون انا متخذه رقم بنت الي يكلمها وادق عليها اقوله يالله كلمها ويحط سبيكر اهني

بيبلع العافيه واخلي اروح غرفه قعدي رتبي غرفتج غيري كفر عطريها وقعدي ع لاب او ايباد او اقري قصه

اووووعي ادخلين اهلج او اهله بالموضوع لان انتي وياه بيت تحت سقف واحد يعني لو شيصير ماءلعين سر بيتج لحد حتى لو امج لااا

طبعا اهو بحس بغلطه وراح ايي يعتذر او يقولج امشي خنطلع. طلعي روحي وتفاهمي معاه بالموضوع ليش سويت حذي عرفي منه نقطه ليش خانج

بس دربالج لا تعايرين بهالسالفه لان ريال مايحب لمعاير وبسرعه يطق جبده واهو تزوجج علشان يرتاح معاج الانسان مو خالي من خطا كلنا نغلط. بس

مصيبه ان يستمر بالغلط او العكس صحيح لازم فيها حلول وسياسه اهم شي سياسه بالحياه زوجيه علشان ماتهدمين بيتج بسبت وحده ماتعرف العيب

كلامك حلووووو وعين العقل

 

[ناتشوو]

والله شقول لج
كل زوج له اسلوب
في واحد ممكن بينحرج ويرد وهو ندمان
وفي شين وقوي عين
وكل زوجة لها اسبابها بالمواجهة ولا الصمت ولا الزعل عند اهلها
وحتي الاهل يختلفون هل يستقبلون بنتهم ويشجعونها ع الزعل ولا لا
كذلك وجود العيال صغار ولا عندهم مدارس
بس البنت اللي يكلمها مادري ماتوقع اكلمها
عالاقل ف البداية مايطري علي اكلمها
مافي موقف واحد الكل يمشي عليه
كل وحدة وظروفها
الله ييسر كل امر يارب
ويفرج الهموم

 

[Patcholli]

حبيبتي كل وحده وطريقة تقبلها للموضوع
في زوجه ممكن تسامح وتعالج المشاكله وفي زوجه من اول خيانه تشيل قشها وتطلب الطلاق

بالنسبه لي مستحيل استمر معاه لان راح اعيش بدائرة الشك والكره والنفور منه وماراح اقدر انسى خيانته
بس احس انج من النوع الثاني واللي تقدرين تتغلبين على المشكله

ماقدري انصحج بشي لاني ماعرف نظام زوجج
بعض الازواج لما ينجك يخاف ويتوب
وبعضهم يتمادى ويقول مدام سامحتني مره خل اخليها اشكره طالما انها تسامح وترضى بسرعه
يعتمد على زوجج وطريقته واسلوبه

 

[انثى عاشقة]

طبعا اواجهه واكلم البنت الي يكلمها بعد
في بنات اساسا مايدرون ان الي يكلمونه متزوج
يكون قاص عليها انه عازب او الحجة المشتركة مالتهم مطلق
وفاقد للحنان ويبي من تفهمه بهالدنيا |:
وتلاقينه ببيته عايش امير مع زوجته بس فراغة عين
الله يهديهم ويصلحهم ​

 

[Gifts&Occaions]

أكيد اواجهه

 

[Loloki]

كلامك حلووووو وعين العقل

شكرا يا قلبي هذا صح المفروض تسويه

واذا استمر اهني تصير تصرف ثاااني

والله يا بنات لما الريال يتعود ع شغله من مرته ويفقدهااا واهيا تكون زعلانه عليه والله براضيها

واي شي بنت تبيه بسويلها ياه بس مايفقد شي الي يحبه من مرته :>

 

[أحمرجوري]

اواجه وازعل منه بس ما اترك بيتي علشان ما اخلي يسرح ويمرح علي كيفه واخليه يندم ويتوب

 

[بطوووطة$بيضة]

حبيبتي

البنت اللي يكلمها مالها شغل

هذا اذا مو مجذب عليها وقايلها انا عزوبي

وحدة اعرفها كلمت واحد جان يقولها مرتي ميته انا ارمل

ثاني يوم ولامرته داقه عليها وكانت هاديه جان تقولها انا مادري ان متزوج

قالتلها لا عادي انا متعوده عليه الله يستر عليج

حبيبتي ريلج اذا هد هاذي بكلم غيرها

العيب ابريلج مو بلبنات

انشالله فتره وتعدي

 

[رمانة الكويت]

صارت معاي وكلمتها على اني خطيبته مو زوجته وخرت لي كل شي .. والمشكلة عطتني نصايح عنه ههههههههه


بس فصل خطه وانتهى الموضوع .. والحمد لله عدت الامور على خير ..يارب لا تعودها من ايام

 

[زعنوفه]

حبيبتي تبين نصيحتي سكتي ولا تواجهين
اول شي اغلب الرياييل يخونون بس في الي زوجته تدري وفي الحريص الي زوجتهما تدري وترى حتى الي يحب زوحته ويموت عليها هم ممكن يخون هذا طبع اغلب الرياييل
ثانيا اذا واجهتي اكيد بيدافع عن نفسه وممكن يطلعج انتي الغلطانه
ان من رايي ان السكوت احيانا يكون ابلغ من الكلام بدال ما تواجهين وممكن انج بعد ما تواجهين تنقثين اكثر خصوصا اذا قلب عليج
تقدرين بهالفتره تهتمين بنفسج اكثر وتدلعينه اكثر وبين فتره والثانيه ساليه انا مقصره بحقك؟ علشان تفشلينه
في شي تتمناه وتبيه وما لقيته عندي؟ خليه يفهم انج تبين رضاه علشان يانبه ظميره
بعدين هم قطي عليه قطات استعبطي .. يعني مثلا قوليله الايه الي تقول الطيبون للطيبات والخبيثون للخبيثات هذي معناها ان الريال اذا خاين معناته لازم بعد زوجته تكون خاينه؟
صدقيني شنو ما كان طبع ريلج لوكان ما كان جذيه كلامج وموقفج راح ياثر فيه اكثر من المواجهه

بعدين البنت شكو تكلمينها العيب بالريال مو فيها انتي ما راح تربين الناس ممكن تكون تدري انه متزوج وما عندها مانع حتى لو كلمتيها وخافت بيلقى غيرها هذا مو حل انج تكلمينها
بس اذا سويتي الي قلتلج عليه اهو الي راح يتادب وبهالطريقه ما تفتحين له مجال حتى انه يدافع عن نفسه لان اذا دافع معناته انه غلطان وبيركب نفسه الغلط

صدقيني مو دايم المواجهه صح قلتلج احيانا السكوت ابلغ
والله يعينج ويسخر لج ادري الي قلته لج يمكن صعب شوي بس حطي في بالج انج بتربينه بهالطريقه
والله يهديه ويسخره لج​

 

[أدب عربي]

طبعا اواجهه واكلم البنت الي يكلمها بعد

في بنات اساسا مايدرون ان الي يكلمونه متزوج
يكون قاص عليها انه عازب او الحجة المشتركة مالتهم مطلق
وفاقد للحنان ويبي من تفهمه بهالدنيا |:
وتلاقينه ببيته عايش امير مع زوجته بس فراغة عين

الله يهديهم ويصلحهم ​

صاجة والله
اعرف وحدة كلمت البنت وقالت لها عيب تكلمين ريال متزوج
وعنده وعيال ومرتاح بحياته بس انتي للتسلية كانت مستغربة
الكلام الظاهر ماتدري انه متزوج
وهددتها اذا ما بعدت عنه تروح لبيتهم وتقول لاهلها
من يومها تركته

 

[! بــدويه وآآيــد !]

،


انا من ناحيتي اسامح كل شي الا الخيااانه وانتي قلتي بسأل الي تبي تحافظ على بيتها
انا احافظ على بيتي لكن اذا زوجي خان وحط رأسي برأس بنت شوارع احافظ على بيت واحد جذي؟ لااا اخليه بكبره لها بعد ما افضحهم اثنيناتهم

 

[Mrs Al-Nasser]

انا بالنسبه لي مستحيل مستحيل أسكت !
لو شنو يصير وما اقدر أتجاهل الموضوع

أكيد بواجهه بغلطه
ومن الحره بعد بتهور وبكلم البنيه حتى لو مالها ذنب بس من القهر بزفها !

والله لا اييب هاليوم انشالله
وحبيبتي لازم تسامحين وتغفرين له
بس مو بسهوله
يعني مو على طول جنه ماصار شي ويقعد يخون من الحين لي باجر وانتي ياغافلين لج الله
لأ !
تواجهينه وتبينين الغلط الكبير اللي اهوا سواه
وتزعلين جم يوم عشان يحس بالذنب
بس بعدين لا راضاج شوي شوي طخي
عشان تحافظين عليه وعلى بيتج وهم بنفس الحزه يكون حس بغلطه
​