لو ريلج سافر عنج بدون ما تعرفين شو بتسوين ؟؟؟ بكل صراحه..

[قلبي ماركه]

خواتي تخيلوا لو زوج وحده منا سافر وقالها أنا ساير

الدوله الفلانيه بالسياره يعني جريب مال 8 ساعات سفر تقريبا والحقيقه هو مسافر طيران لدوله ثانيه وأكتشفتي هالشي شو

بتسوين بكل صراحه .. أبي ردود حلووووووووه مثلكم.. يالله خواتي




بالبدايه أنا
:23_asmilies-com:


بعصب عليه عدل وبصارخ ألين أخبله .. عاد أنا غير ما فيني صبر.. منو أحسن عني يالله ..ههههههههههه​

 

[قلبي ماركه]

يا مرحبااااااااااااااااا الساااااااااااااااااع حيااااااااااااااااااكم خواااااااااااااتي هههههههههههه

 

[روحي ابوي]

اكيييييد بحس بقهر مووو طبيعي .. وحساابه لي رد

 

[بخـــارى]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

اذبحه
وماراح اسكتله
هذي سفره مو رايح الجمعيه

 

[om al ghaleen]

بطنقر جم يوم وبيراضيني وكأن شي ماصار
بس ما اخليه يفكر يعيدها :weight_lift:

 

[منوة القلب]

اكيد راح ازعل عليه وماراح ارضى بسهوله

ليش يقولي الا بيسوي شي غلط



يعيطك العافيه يالغلا

 

[جوري 2007]

بمد البوز شبرين وماراح اكلمه لين يراضيني عدل عدل

والعدل معناه يقعد شهر يحاجيني وانا ماارد عليه الاسبوع الاول

الاسبوع الثاني من ورا خشمي

الثالث يدوب كلمتين ورد غطاهم

والرابع ثلث كلمات ورد غطاهم

مااحب اتهاوش واصارخ بالعكس مريحة بالي ودايما مااعطي المواضيع اهمية بس طبعا مااطنش واسوي روحي عادي لأ احاسبه عدل مدل

طبعا خلال هالشهر ماكو حقوق زوجية كلش

عقب هالتعذيب راح يحرم يسويها مرة ثانية والحمدلله ادري فيه مايسويها وان سواها راح يتحسف كتير كتير

 

[::: زووغة :::]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

يوووويله خل يكتب وصييييته بس

 

[ياليل مااطولك]

ترا بين الازوج يكون روتين امكن يبي يشتاق لك وراح يغير جو مع زملئة او اصدقائة عادي تبعدون عن بعض يزود الشوق ويكون لك فرصة الاشياء الي ماخرتها لتسوينها تلتهين فيها مثل خروج مع الصديقات او الاسواق

 

[فنكيه]

بزعل وايد وبعصب

 

[معلمة شيسمونه]

خل يسافر بس يقوووووووووووول

لا يا قلبي اذا سافر اوكي ما بعصب ولا شي
بس خل يرجع

ما بعلمه اي شي

بكون رسميه حيل

وبعلمه اني فقدت الثقه فيه فماله داعي يعرف اي شي عني

لحد ما يفتح الموضوع وذيك الساعه ببط الجربه واشوف ان رجع كررها مره ثانيه ساعتها لا تساليني شبسوي

 

[قلبي ماركه]

حلوووووووووووو أبي بعد ردود .. حلوه مثلكم .. يالله ..


خاطري لو سواها .. أبد ما أسكت له ولا أمشي له لأنه كذب علي والي يكذب مره يكذب عشرين مره .. ريايل ينخاف منهم..

 

[أيامي حلوة]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

وليش يجذب ..................؟

اكيد وراه شي

راح اعامله وحده بوحده واكتب له مسج واقوله اللي مايحترمني ماله اي قيمة عندي ,,, وبكمل حياتي عادي

 

[ام شووووق]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

مرة ريلي جذي سافر فجأه ودق علي وهو بالطريق وقال ترى انا مسافر

عصبت وكلمته بنفسيه وهو يقول والله فجأه قلتله اوك بس تصل يصير خير تبي شي يلا باي

جان يدزلي مسج اذا صارلي شي بالطريق ترى كله منج خقت وقمت دقيت عليه وراضيته ويوم وصل رديت مديت البوز وماكلمته كم يوم هع

 

[** باربي **]

قوية اصرااحة راح يصير شي قوي اكييد ومذابح وتغير وايد اشياء ويخسرها

 

[حلوه ولمآحه]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

بيصير ذبح ومذآآبح

 

[الاحساس والطيبة]

رد : لو ريلج سافر عنج بدون ما تعرفين شو بتسوين ؟؟؟ بكل صراحه..

مادري احاول اتخيل الوضع بنصدم اول شي بعدين بزعل وبعدين بتحلطم وبس

 

[بتبوتااا]

. ليش اللف والدوران يعني !
لمن ايي بعطيه كلمتين بالعظام وبوز ومارح ارضى بسهوله وان شاء الله هالشي ما يصير .

 

[q8tyah]

مااخليها تعدى طبعا

اتهاوش معاه هوشه وعقبها اكيد ماراح اصفى النيه نعاه

بعامله مثل مااهوا يعاملنى بالضبط

يعنى ليه رحت بيت اهلى اطلع من غير مادق واستأذن منه

اتصرف بوايد شغلات منى لنفسي من غير مااردله راى

واذا تكلم اذكره بسالفته

بس فتره ازهقه عشان يحس

عقب اسوى روحى ناسيه الموضوع وارد لطبيعتى

عشان الحياة تمشي موعشانه

بس اكيد اتم السالفه بقلبي على طول اتذكرها لان المواقف والكلام الشين اللى يطلع من الزوج جذب ماينسي

 

[لهفة المشتاقه]

ازعل منه اسبوع مااعطيه ويه
لما يحلف لي مايعيدها
فديته مايسويها مستحيل