لو خيروج تختارين منو؟؟؟

[بنت الواوان]

صباح الخير اشلونكم بنات ما ادري ليش جا بالى هالسوال لو خيروج بين انج تقعدين بالبيت وجايلين عيالج وريلج او الداوم تختارين شنو ؟ لو افترضنا بعد يمشيلج نفس الراتب الى تاخذينا من الوظيفة تقعدين بالبيت والا لج راي ثانى

 

[الـوايـلـيـة]

قعدت البيت حلوه وقاعدين نجربها بعطلة الصيف الراتب نازل وماكو دوام
بس ملينا ؟؟
الدوام مو بس علشان راتب
الدوام علشان علاقاتي مع الناس اكون صداقات ...
اشوف الدنيا ...
أما بيتي وزوجي لاحقه عليهم...
واذا قعدت شبسوي كله نوم واكل وطلعات وبعدين .... ماكو هدف؟؟!!

 

[Tom ♥ Jerry]

.


آقعد بالبيت بالبيت أجأبل ريلي و عيال و يمشون لي معآش أوكي
بس عآد أول شي آسآل شي اذآ حلال و لا حرآم > لأنه مو زين

بس انا افضل آني اتوظف ..
لأنه عيالي صبح دوآم و ريلي بالصبح دوآم شسوي آنآ
الوظيفه تشغل حيآه الآنسان و تخلي فيها حركه شوي

.

 

[حبيبتي إختي]

رد : لو خيروج تختارين منو؟؟؟

أوافق ونص .. وايد احس اني مقصرة بحق بيتي وريلي
يعني الوحدة ترد من الدوام منهد حليها وتعبانة.. ومالها خلق احق
هذا غير مشاكل الشغل تنعكس على نفسياتنا وتخرب علينا باقي اليوم
بس لو الوحدة قاعدة بالبيت تقدر تسنع عمرها وتقوم بكل واجباتها .

 

[متفائلة2010]

موووووووووووو متزوجة

بس فرضا لو متزوجة اختار اقعد بالبيت دام ان ريلي موفرلي كل شي اختار الراحة

 

[فقـدتـك حيــل !]

رد : لو خيروج تختارين منو؟؟؟

البيت ..

 

[بدورة القمورة]

شووووفي انااااااااااا موووووووووووو متزوجة

بس اختار اقعد بالبيت أجأبل ريلي و عيالي

اهم شي عندي ريلي و عيااااااالي

<<
لووووووول هم وينهم؟؟

 

[وجدان الحلا]

انا متزوجه وغير موظفه
فاكيد راح اختار الوظيفه مليت من مجابل اليهال وابوهم

 

[الأميرة جوري]

رد : لو خيروج تختارين منو؟؟؟

اقعد بالبيت اكييييييييييييييييييييد

 

[أغلى حبيبه]

رد : لو خيروج تختارين منو؟؟؟

قعدت البيت اكيييد

اجابلهم ويردون من دواماتهم يلقوم لقمه نظيفه

كاااافي اول مايوصولون سبااق عندهم منو يلمني اول الله يخليهم ان شاءالله

 

[~ FOOSY ~]

رد : لو خيروج تختارين منو؟؟؟

الــــــــدوام

 

[باربية الكوووويت]

الدوام اكيد

 

[Cander]

اذا عيالي صغار اقعد معاهم

احد حاصل لة الراحة

 

[ترانيم القصيم]

رد : لو خيروج تختارين منو؟؟؟

أكيد أكيد أكيييييييييييد أختار جلسة البيت ^_^

المهم لو كنتِ بهذا الموقف , استخيري و الله ييسّر لتس أمورتس حبيبة قلبي

أنـا عني وحدة بيتوتيّة جدّاً ما أداني الطّلعة ~_~

احترامي و تقديري

ترانيم القصيم

 

[روح العود]

البيت طبعا

 

[ام متلق]

رد : لو خيروج تختارين منو؟؟؟

انا مزوجه وموظفه وجربت الوضعين ولو بختار اقول البيت بدون تفكير ياحلو الراحه والنوم الضحى اااااااااه بس

 

[.:!:. ونس .:!:.]

رد : لو خيروج تختارين منو؟؟؟

احد يعيف قعدة البيت ؟

 

[ام لجين1]

رد : لو خيروج تختارين منو؟؟؟

انا اقول لازم تسالين هالسؤال بالعطله وبحزت الدوام لان راح يكون في فرق بين الاجابتين المره ملوله نوعا ماء وحساسه وعاطفيه ومتقلبه وانا عن نفسي ابي لاثنين معا اشلون ماادري بالتوفيق حبيبتي

 

[gannan99]

رد : لو خيروج تختارين منو؟؟؟

انا ايد الوضيفة
بس اذا بتجيني الفلوس اكيد قعدة البيت احلى
ياليـــــــــــــــــت

 

[~LiBrA~]

رد : لو خيروج تختارين منو؟؟؟

اكيد الدوام بس مو معناته اذا داومت ماراح اجابل ريلي وعيالي

بس قعدة البيت تملل وتييب المرض حلو ان نشوف ناس ونغير جو كل يوم بعدين نمل من الروتين

الدوام مو بس حق الراتب