لو جمعت عطفي للايفون و شوقي للاندرويد يطلع الناتج ماله شغل بعبدالله رويشد

[Kawaii GiяL]

السلام عليكم و رحمة الله و بركاته

طبعا الموضوع من اعدادي و العنوان من اعداد جاوجاو خخخخخخخخخ
:aha:

بنات انا كان جهازي htc google nexus one و مرتاحه عليه
في شهر نوفمبر عيدميلادي و مثل مايقولون .. لو تجري جري الوحوش .. غير نصيبك ما تحوش مع اني قطيت نغزات على الجالاكسي بس ايفون4 كان هديتي :flower: و اغلب اللي قارين موضوعي (( سمعتو عن الاندرويد راح تكرهون الايفون و ستيف جوبز اللي خلفه )) راح يعرفون موقفي من الايفون 4 تحديدا

ماقدرت اردها خاصه انها كانت من شخص عزيز على قلبي :eh_s(22)::eh_s(22): .. >> لا يروح بالكم بعيد اقصد My husband <3 :23_asmilies-com:


المهم ليلحين ما ترسته و لا ضفت برامج وايد
بس في اشياء وااايد كنت احبها حيييييييييييل بالاندرويد و تمنيت انها تكون بالايفون و قعدت ادور و ابحث اذا اقدر اضيف بعض المميزات الخاصه بالاندرويد للايفون

و لقيت شغلات واااااااو و خليت جهازي من داخل اقرب من الاندوريد عن الايفون اللي يشوف شاشتي مايقول جهازي ايفون
بما اني احب التميز بعلمكم شغله وحدة ماراح اعلمكم كلشي >>> نحيسة لووووووول

هذي شاشتي لاحظو مافيها شي بس صورة بالكامل و فوق شريط عنونو فيه شركة الاتصالات الوطنيه و رسمة القفل و رسمة ايقاف تدوير شاشة الايفون ,, بسسسسسسسسسسسسسسسسسسسسسسس

انا كل ما اشووووف جهاز ايفون عند وحدة القااه شاشة القفل بهالطريقة ما زهقتوو كلش ماكو تميز كنت اكره الايفون سبت شاشته القفل من جميع النواحي لو بحط صورة ماراح تبين لان ظل الاسود اللي فوق اللي فيه الساعه و التاريخ زائد ظل السلايد اللي تسحبينه يغطي على 3 ارباع صورة الخلفيه للايفون و انا ما احب جيي

بينما شوفو شاشة قفل الخاصه بنظام الاندرويد عبارة عن رسم ترسمين شكل ما تحطين ارقام ..

و هالطريقه كان صعب علي اتخلى عنها و الحمدلله لقيتها بالايفون بخطوات سهله
و راح يصير ايفونكم جيي

طبعا لازم جيلبريك
ضيفو هالسورس في السيديا
http://cydia.xsellize.com
و ضيفو برنامج
AndroidLock XT

بعدها روحو setting
بتلقون تحت AndroidLock XT
Enable خلوها on

و راح يحطلج 9 دوائر رسمي رسمة و كرريها مرتين و بس طلعي و قفلي الجهاز و بتلقين هال9 دوائر ما راح يتبطل الجهاز الا لمن ترسمين هالرسمة

بس اللي بترسم لازم ما تشيل صبعها يعني مثال ماتقدر تسوي خط من فوق و تشيل ايدها و تسوي خط تحت
لازم ترسم خط فوق و تكمل الصورة عالجنب لين تنزل تحت و ترسم الخط متواصل فهمتو علي ؟
انشالله فهمتو الطريقة اصلا مو صعبه حيل سهله
انشالله عجبكم الموضوع

ختااام ... :aha:



اضيف معلومة خارجيه
تدرون ؟؟
ان في هكرز نجح في تشغيل نظام الايفون على جهاز جالاكسي @@ و نزل برامج من الاب ستور عادي

نصيحة
بحكم تجاربي بنات اللي حابة تشتري جهاز يديد انصحها بالجالاكسي خاصه بعد صدور اصدار فرويو
انا جهازي قوقل ما كنت راح اغيره و الحين ايفون هدية بس الجالاكسي احسن من هذيلي الاثنين و عقب الايفون هذا علطووووووووول راح اشتري جالاكسي او بنطر samsung nexus 2 لان قوقل كانت مخليه htc اهي شركة جهازها الرسمي اما الحين خلت السامسونج اهي اللي تتبنى جهاز قوقل 2 الرسمي بعد نجاح ((( الجالاكسي )) لان السامسونح افضل هاردوير يتوافق معاه نظام الاندرويد .. >> سألووو مجرب



​

 

[BnoTa CuTe]

يعطيج العافيه كاواي مآآقصرتي حبيبتي

وثآآنكــيو :*

 

[sweet cake]

هههههههههههههههههههههههههههههههه
امس قريت موضوعج وشفت انج مو من ربع الآيفون 4 واليوم اقرا ان عندج آيفون 4

المهم مبروك الفون الجديد وتكسرينه بالعافيه


انا كنت بسألج عن الـ نكسس ون اذا نزل معرب رسمي ولا لأ .. لأن بصراحه حبييييييته وشكلي بشتريه بس ابيه معرب رسمي افضل


انتي شرايج؟

 

[Kawaii GiяL]

BnoTa CuTe العفووو حبيبتي و حياج عمري اذا مافهمتي شغله معينه لا يردج الا كيبوردج

sweet cake لووووووووووووول مازلت مو من ربع الايفون و مغثووثة اعتمادي عاللابتوب في كلشي و المشكله اذا استخدمت اللابتوب مدة طويله زوجي يطنقر و يقولي انتي مجابله الابتوب و مخليتني فا ما قمت استخدمه لي درجة ابي اسوي جيلبريك للايفون ما قدرت الا بعد 3 ايام من شرالياه ,, اما الجالاكسي لو شريته ماراح اتأذى جييي متشفقه عليه بالذات لمن شفت livewallpaper حده روعة
بعدين واحد من الاهل افحمني .. كنت رايحه المستشفى ازوره الله يقومه بالسلامه عجبته صوره بالايفون قالي طرشيلياها بلوتوث عاجبتني قلتله ايفون ما يصير بس اليوم اللي بعده رحتله باللابتوب و بالواير بس عشان اطرشله الصورة !!!!! فهمتي ليش اقولكم الايفون مو عملي .. بس اشهد له بالاب ستور فقط

انا لمن شريته انا عربته مو رسمي تعريبه كان سعره 185 بالكتروزان الحين مادري جم والله اتوقع نزل سعره

رايي سامسونج جالاكسي و لا تفكرين بغيره لو تروحين الغانم بتلقيني احوس هناك العب فيه لووووول
وبنت خالتي شرته لو اقولج شكثر روعه و تخيلي ادش على مواقعه اللي فيها ثيمات و صوور و اشياء
و على فكرة بلوتوث الجالاكسي اسهل من الhtc و اذا اخترب ال htc الله يعينج
سامسونج جالاكسي او نطري جهاز قوقل نكسس 2 بينزل اذا حيييييييييل عاجبج htc google اخذيه و تعلمي عليه

 

[sweet cake]

اولا لنا عتب عليج ما بشرتينا بزواجج .. ألف مبروك ولو انها متأخره

امممممممممم خلاص ببدا اقط نغزات .. بقول لهم يا تجيبونه لعيد ميلادي ولا لتخرجي >> الفرق بينهم اقل من شهر

انا قعده اقرا واقارن بين الجالكسي والنكسس بس اثق برايج سو شكلي بشتري جالكسي او اقط نغزات

بس كم سعره؟؟ 200؟؟ ولا اكثر ولا اقل ؟؟

لأني بحسب حسابي اذا محد عبرني وجابه لي بجمع واشتريه >> خاصة اني رافضه فكرت الوظيفه حاليا

 

[Kawaii GiяL]

الله يبارك فيج عمري بس صارلي فترة مادشيت النت لانشغالي .. لا مو متأخرة وااايد
200 8 غيغا
230 16 غيغا
و ال 16 غيغا احسن مو بس عشان الذاكرة اكبر
وي لييييييييييش يا معودة انتي قدمي وشوفي متى يطلعلج هذا اذا لقيتي وظيفة

 

[sweet cake]

لاااااااا ما اتوظف .. وما يحتاج اقدم لأن تخصصي قبوله فوري وانا مالي مزاج وظيفه بسرعه عندي مخططات اهم


امس قلت لهم مابي هديه ليوم ميلادي ابي لتخرجي جالكسي اللي بـ 230

قريت اكثر وكل ما قريت عجبني كثر .. حبيته بصراحه احسه احلا من الايفون

 

[&'الذآهبـھ'&]

رد : لو جمعت عطفي للايفون و شوقي للاندرويد يطلع الناتج ماله شغل بعبدالله رويشد

>>>>هههههههههه سبحان الله>>>تجري الرياح بما لاتشتهي السفنووو >>>>يالله عقبال الجلكسي >>>