لو بتدعين احد للاسلام ؟ شنو راح تقولين له !

[سـاندرا]

مرحبا

في موضوع شاغل بالي حيل وابي اناقشكم فيه هو الدعوة الى الاسلام لو جدامج شخص حاب يتعرف على دينج الاسلامي شنو راح تقولين له عشان تحببينه فيه !!!

غير ان دينا دين تسامح ومحبة شلون راح تشدينه للاسلام

شنو اللي راح تقولينه لشخص حاب يسمع عن دينج



هذا الموضوع موضوع تناقش وحابه اسمعك اراكم حبيباتي​

 

[حناينq8]

حصلت وياي مع سكرتير قسمنا بالشركه
عطيته كتب من التعريف بالاسلام بلغة ديرته
وقلت له بس اقرا انت منت خسران شي

وانا على ثقه انه راح يقتنع

والله يهديه

 

[عهود الحب]

رد : لو بتدعين احد للاسلام ؟ شنو راح تقولين له !

والله انا خدامتنا اسلمت الحمدلله
الدعوة ببساطة قلت لها ليش ما تصيرين مسلمة مثلنا
لأنها قالت لي انها تحب رمضان واجواءه
والحمدلله
ما انتهى شهر رمضان العام الماضي الا هي مسلمة بآخر ليلة وثاني يوم صامت وعقب عيدت لله الحمد والمنة
طبعا قلت لها روحي تسبحي وعقب قالت الشهادتين وحسيت بفرحة كبيرة انها صارت اختي بالاسلام

وهالسنة صامت معانا وافطرت معانا

شعور حلو لما احد يسلم على ايدج


يا ليت الكل يحاول بهالمساكين الضايعين يمكن يسلمون يمكن ربي يفتح قلوبهم للدين ولكم الأجر


و الحمدلله زوجها اسلم عقبها واهلها اسلموا عقبها

مع العلم عندها اخت و اخ سبق لهم الاسلام من قبل بس ما قدروا يأثرون على اهلهم مثلها


والحمدلله والفضل و المنة لله



قال الرسول صلى الله عليه وسلم


"لأن يهدي الله بك رجلا واحدا خير لك من حمر النعم"

 

[noreez]

صارت معاي مع اجانب وماعرفت شلون اعبر خاني التعبير وناديت اخوي وشرحلهم باسلوبه وطريقته

موضوعج وايد حلو ومفيد

 

[EnGiNeeRa_92]

رد : لو بتدعين احد للاسلام ؟ شنو راح تقولين له !

ما ادرعم واقول ، اول شي اوريه معامله طيبه احترام وادب واخلاق ، بعدين شوي شوي نعلمه​

 

[توته شيطونه]

شوفي خدامتنا من زمان عندنا شافت تعاملها معاها زين وامي كانت تعاملها باخلاق واحترام بعدين بعد خمس سنين

معانا امي قالت لها تبين الجنه ولا النار قالت اكيد ابي الجنه وكانت فاهمه شنو الجنه والنار المهم قالت لها تبين الجنه خاص لازم


تسوين شي حق الله عشان ربي يدخلج الجنه وفعلا اسلمت ودينها لجنه التعريف بالاسلام واسلمت هناك

 

[ح رؤف آلـ غ ـلأ]

رد : لو بتدعين احد للاسلام ؟ شنو راح تقولين له !

حبيبتي شوفي موضوعي هذاا

أنا أصلا أنا مستغربة محد رد علييه

إقريه وعطيني رااايج ...


http://q8yat.net/showthread.php?t=694763​

 

[M!sS MOnatOO]

رد : لو بتدعين احد للاسلام ؟ شنو راح تقولين له !

؛

ممكن اخليه يقري عن الاسلام ويعرف الاسلام الحق
من القران والسنه قبل لايتعرف علي المسلمين
المسلمين بهالعصر ينفرون من الاسلام ويعطون صورة مغلوطة عن الدين
الدين معامله اخلاق والعماله اللي عندنا لوشافت الاسلام باخلاقنا اكيد هالشي
بيجذبها للدين







.

 

[الأميرة جوري]

رد : لو بتدعين احد للاسلام ؟ شنو راح تقولين له !

عهود >>>>ماشاء الله لج اجر عظيم اذا اهى صاجه مو متمثل لان للاسف وايد يمثلون ....

انا خداماتى اعطيهم بلغتهم بس للاسف مو مقتنعات واخليهم بس اتكلم عن الاسلام احاول لان اذكر كان عليج اتوقع ذنب انج مادعيتيها او عالاقل عطيتيها كتب

 

[@ دهن العود @]

اعطيه كتب عن التعريف بالاسلام بلغة ديرته

 

[RmRom]

من ناحيتي ما راح أعرف أشرح ولا أقول .. أعطيهم كتب تعريف بالأسلام وكان الله غفوراً رحيماً ^_^

ممكن سوال الي الاخوات ...ليش اغلي الي يسلمون هم الخدم والطبقه الاقل تعليم (مع احترامي لهم).ليش ما نسمع مهندس او دكتور او انسان مثقف اشهر اسلامه....

هلا أختي

بالعكس فيه ناس وايد أسلموا بأختلاف مراتبهم العلميه مو بس دكاتره ومهندسين حتى فيه علماء أسلموا

ومو بس علماء .. حتى فيه قساوسة أشهروا أسلامهم

لاعبين .. وفنانين .. إلخ

أنتي بس أفتحي قوقل وأكتبي (أشهر أسلامه ) وراح تشوفين اللي يسرج *_^

 

[@البتووول@]

أتوقع ماراح أعرف أرد لأن اللي يبي يدعو للاسلام لازم يكون عنده إسلوب الاقناع يمكن إذا إنحطيت بهالموقف أسوي شي من الـ2 إما إني أعطيهم كتب تعريف بالسلام <<< مع إني أحس الكلام المباشر أفضل أو أوديها لجنة التعريف بالاسلام وفرصه الموضوع حلو نتابع ردود البنات عشان إذا صادف معاي الموقف يكون عندي خلفيه عن الطريقه وجزاج الله خير عالموضوع الحلو

 

[شموع الفرح]

بصراحه هالشغله صعبه شوي يبيلها انسان يكون عنده لغه طبعا اذاكان اللي بتنصحينه غير عربي ويكون عندج معلومات كافيه والدين معامله وكل ماكنتي طيبه واخلاقج راقيه واسلوبج معاهم حلو وراقي نقدر نكسبهم والله يهدي الجميع ان شاء الله

 

[iLLuMinaTion]

كتب التعريف والاقناع