لو انتي مكاني تتنقبين؟؟

["النووور"]

السلام عليكم يا أحلى بنات
شلووونكم

أول شي أحب أوضح السبب اللي خلاني أحط هالموضوع هني
السبب لأني أبي رايكم من ناحية الحياة الزوجية مو من الناحية الشرعية

مشكلتي إني ودي أتنقب لعدة أسباب بس خايفه أتوهق واتحسف
طبعا من أهم هالأسباب رضا ربي سبحانه بس هذا مومضوعنا الحين
انا بركز هني ع الاسباب الشخصيه

من هالاسباب ان ريلي دايما يقولي تنقبي أطلع معاج كل مكان !
وايد قللنا طلعاتنا مونفس أول لما اساله ليش يقول ماحب أحد يشوف مرتي
اهو معارفه وايد ودائرته الاجتماعيه كبيره ووايد نصادف ربعه واحنا طالعين او ناس لهم علاقه بشغله
مايحبهم يشوفوني ، واهو ملتزم شويه ، مودين بس ملتزم وربعه المقربين دينين

ثاني سبب الله يسلمكم انا ما اطلع بالمكياج كلش وهالشي مع مشاغل الحياة والدنيا خلاني ماحط مكياج حتى بالبيت
لأن الصبح دوام والعصر وايد يكون عندي طلعات والويك اند زوارات ف متى أحط؟!!
أول كنت أحط وقبل لا اطلع امسحه بس مليت تعبت
انا ساعه ع ماحطه واخر شي امسحه ! صج تعبت

ف لما اتنقب راح احل مشكلتين مشكلة الطلعه مع زوجي ومشكلة كشختي ومكياجي في البيت
بس خايفه اتحسف مع اني متقبلته حيل بس يمكن خايفه من ردة فعل الأهل والرفيجات
انا البس عبايه وملفع عرضين ويعلقون شلون بعد لو اتنقب ؟!!

بنات بصرااااحه .. لو انتو مكاني شنو تقررون ؟

وشاكره لكم صبركم وانتو تقرون هالقرقه ههههه وايد قرقت

 

[مناير ...!]

تنقبي وربحي العافيه
نص الديره متنقبين
وماعليج من الي يقرقون

 

[محتارة وبصيح]

انتي لو جفتي المكان مكله رجال تغشي بالشيله بس اذا جفتي عوائل وحريم شلي غشاج

 

[مألوفة]

دوري رضى ريلج اذا اهوا يبيج اتنقبين تنقبي بالعكس راح تكبرين بعينه ويقول سوت اللي قلت لها عليه ودام ريلج زين معاج ويحبج ويبيلج الخير ليش ما تسمعين كلامه حتى لو تندمين باجر مو مشكلة اهم شي رضى ريلج وما عليج من الناس وتمكيجي وكشخي ومالج شغل باحد اللي يقولونه خل يقولونه

 

[ـألمزـأجيه]

:
:
:
اذا إنتي مقتنعه بهالشي وتبينه
خلاصص توكلي ع الله
وماعليج من اللي حوالينج
وع قولتهم كلام الناس لا يقدم ولا يأخر
وهم ماراح ينفعونج
وانا لو مكانج اخذ هـالخطووه
وآكسب رضضا ربي وزوجي
الان الناس اذا بتقعدين ترضين فلان وعلان وتاخذين
ع كلامهممم ماراح تخلصصينن
وإرضضاء النـآس غايه لا تتدرك
تنقبي والله يباركلج بهالخطووه
والله يثبتج

 

[وردة الكاميليا]

اذا انتي مقتنعة توكلي على الله وارضي زوجج

 

[انا لحبيبي .]

مو غلط ابدا حبيبتي ، اذا مقتنعه فيه البسيه

 

[ღ Mzajiya ღ]

ماعليج من كلام الناس
دام انتي مقتنعه خلاص .. توكلي على الله
اهم شي ترضين ربج وزوجج وبالعكس بتكبرين بعينه وبيحطج على راسه ​

 

[فوفو22]

ماحب أحد يشوف مرتي
اهو معارفه وايد ودائرته الاجتماعيه كبيره ووايد نصادف ربعه واحنا طالعين

بتكلم معاج بوضوح وصراحه

لاني عانيت فتره من هالمشكله

اكيد زوجج قبلي .....

والقبلي يهمه ان لحد من جماعته يشوف وجه زوجته

بس لو اي ريال غريب مافي مشكله خارج وداخل الكويت

واللي بتعارضني بقولها ما عندها سالفه

لان النقاب الصحيح (مافي ميك اب ولا عدسات ولا عبايات ضيقه ولا اظافر مصبغه ولا حواجب جاينيز وحف حواجب )

******************************

لاني اشوف بعض الرجااال ومعظمهم

شادين على حريمهم بالنقاب

وبالسفر يقولها قطيه كأنه الرجال بره مو رجال

يعني السالفه باختصار عندهم عادات وتقاليد موروثه مو دين

اما الرجال اللي يخلي زوجته تلبس نقاب بدون مكياج وعدسات وحف حواجب بره وخارج الكويت

هذا صاحب مبدأ وراي ومتدين

وفي 2006 شريت سي دي لكل المذاهب بصوت د طارق السويدان
وعرفت ان ليس حرام ترك النقاب بدليل عدم مشروعيته بالحرم
ولكن في حاله لبس النقاب
تدخلين1- بأجر طاعه الزوج
2-عملتي فضيله من مكارم الاخلاق

طبعا التعميم لغة الاغبياء ....وانا اقول المعظم بحكم تجربتي وتجاااارب كثير بنات اصادفهم

فوفو

 

[حياتي عذاب عذاب]

بالعكس اشوف النقاب احلى وأحسن
بعدين حبيبتي لا تقول الناس ومن هالكلام حتى زوجك اهم شي رضاء الله سبحانه بعدين انتي ماشالله تقولي تلبسي عبايه واسعه وطرحه ماناقصك الا النقاب
بعدين حبيبتي والله لو تجلسين تراقبين وتشوفين وش بيقولوا الناس والله تتعبي اهم شي رضاء الله وزوجك وانك تكوني مقتنعه بالي تسويه خلي الناس اخر همك
الله يوفقك ويهديك

 

[هيبة ملك]

إذا مقتنعه خلاص توكلي على الله

 

[زهره الجلنار]

استخيري واتوكلي على الله ودام ريلج يبيج تتنقبين وانتي مقتنعه مالج شغل بكلام الناس

 

[لمى...]

بتكلم معاج بوضوح وصراحه

لاني عانيت فتره من هالمشكله

اكيد زوجج قبلي .....

والقبلي يهمه ان لحد من جماعته يشوف وجه زوجته

بس لو اي ريال غريب مافي مشكله خارج وداخل الكويت

واللي بتعارضني بقولها ما عندها سالفه

لان النقاب الصحيح (مافي ميك اب ولا عدسات ولا عبايات ضيقه ولا اظافر مصبغه ولا حواجب جاينيز وحف حواجب )

******************************

لاني اشوف بعض الرجااال ومعظمهم

شادين على حريمهم بالنقاب

وبالسفر يقولها قطيه كأنه الرجال بره مو رجال

يعني السالفه باختصار عندهم عادات وتقاليد موروثه مو دين

اما الرجال اللي يخلي زوجته تلبس نقاب بدون مكياج وعدسات وحف حواجب بره وخارج الكويت

هذا صاحب مبدأ وراي ومتدين

وفي 2006 شريت سي دي لكل المذاهب بصوت د طارق السويدان
وعرفت ان ليس حرام ترك النقاب بدليل عدم مشروعيته بالحرم
ولكن في حاله لبس النقاب
تدخلين1- بأجر طاعه الزوج
2-عملتي فضيله من مكارم الاخلاق

طبعا التعميم لغة الاغبياء ....وانا اقول المعظم بحكم تجربتي وتجاااارب كثير بنات اصادفهم

فوفو

فوفو كلامج صح وجذي احنا جذي الريال مايحب احد من قبيلته او رفيجه او معاه بالشغل

يشوف زوجته بس اذا بيسافرون او مطعم مافيه احد قريب أو يعرفه او تروح بروحها عادي تكشف

ويها .....

 

[فوفو22]

فوفو كلامج صح وجذي احنا جذي الريال مايحب احد من قبيلته او رفيجه او معاه بالشغل

يشوف زوجته بس اذا بيسافرون او مطعم مافيه احد قريب أو يعرفه او تروح بروحها عادي تكشف

ويها .....

تعجبني صراحتج

فوفو

 

[shai5at al3arab]

انا ماحس تبينه حق ربج

ولو انه احنا مالنا شغل بالنيات

بس تبينه عشان تطلعين اكثر وعشان تتعودين عالمكياج


مادري

 

[جوري 2007]

اذا مقتنعه لبسيه ،، اهما علقوا وخلصوا على العباية مايت عاالنقاب ،

 

[عيدية]

نفس سالفتي ريلي قالي تنقبي مابي احد يشوفچ و چذي و تنقبت عن اقتناع و الحمدلله

 

[جوري الكويت]

انا اشوف اللي تتنقب المفروض من بيت اهلها اذا حابه النقاب

و عن اقتناع يكون افضل ,, شنو الحكمه اذا تزوجت اتنقب .. معناه النقاب حق الريل مو حق ربها

لو انا مكانج و شرط قبل الزواج و كنت موافقه اوكي

بس بعد الزواج و يقول لي تنقبي .. و لا ما اطلع معاج !!!

جذي بيكون غصب


اعرف وحده كله تقول اذا تزوجت بتنقب !! و تزوجت و تنقبت

و عقب تطلقت و فصخت النقاب ..

ما ادري انا اشوف ان انتي االي تقررين هالشي ب قناعه

 

[عبير-الشرق]

اذا انتي مقتنعه وريلج يبه توكلي علي الله انتي ماسويتي منكر بالعكس هذا ستر ليش متردده من كلام الناس الي لايودي ولاييب

 

[BeNt PaRiS]

النقاب حلوووو حيل و يريحج