لو انتو مكاني شنو تختارون ...بس بنات بكل صراحه وامانه...

[laura mercier]

السلام عليكم ورحمة الله وبركاته....












حبيباتي انا وحده مدربحه ...مدلقمه...على قولة يدتي فيل صغير....كره....الي فهمتوه ان انا متينه وقصيره وسمنتي مركزه بالافخاذ ...:krkrkr:


حبيباتي انتو لو مكاني شتسوون؟؟؟

الي اقصده ...البدايه طبعا رجيم وهذا انا مبلشه فيه صايرلي اسبوع...

المرحله الثانيه لازم تبدى الا وهي " الرياضه ...,المشي....,السباحه....,مساج....."


انتو لو مكاني تبدون في منو؟؟؟
ولي تختار شي ادليني على المكان المناسب له واذا اتعرف الاسعار اكون ممنونه..._03BA:

 

[أسيـل الجـــرح]

من نا حيتي نادي اول بعدها مساج من اعتقادي علشان يشد والله العالم

 

[om abood]

هلا حبيبتي الله انشالله يوفقج ويكون بعونج ويثبتج على دينج وارادتج

حبيبتي نصيحه
المشي
المشي
المشي
والله اهو اهم شي وترى نتايجه عجييبه من اول اسبوعيين راح تحسين بفرق كبير وتقدرين تمشين باي مكان وابلااش

:eh_s(9):


حتى لو وانتي واقفه ابمكانج والله انا مره الدكتور قالي جذي
_03BA:


وطبعا اذا تقدرين تروحيين النادي للرياضة والسباحة هم وااايد حلو والاسعار تقدرين تدخلين بالمنتدى على المواضيع المشابهة


وااااخر شي المساج عقب الواحد مايضعف عاااد اهني ينحت الجسم بالمساج ويتنسق الجسم


والله يوفقنا اجمعيين

 

[bintmishref]

هلا و الله بلورااا..
شوفي انا عندي وجهه نظر لان اللي اشوفهم بالنادي مساكين حبايبي ما يعرفون و المدربات فوق راسهم على ابو لياقه
اللي تكون وزنها 90 وفوق يخلونها تسوي تمارين على اجهزه و تطلع لها عضلات و هالشي المفروض مو الحين عالاقل تنزل من وزنها لين يصير اقل من 90 او حتى 95 بعدين تبلش هالتمارين لان العضلات فوق الشحم حيل صعبه..
وانا صار لي على التخفيف سنتين وداشه على الثالثه.. و مابقى شي ما جربته وصار عندي خبره..
اللي اشوفه الحين تبلشين بالمشي اقل شي 45 دقيقه.. (حتى هذا حجي الدكتور اول ما سويت رجيم عشان اضعف حيل)
وتوني بس من ثلاث اشهر دشيت نادي اسبح واسوي ايروبكس و باقي الاشياء عشان اشد جسمي..


وبعد بقولج شغله ثانيه

امي وزنها 105 وراحت المستشفى الامريكي اللي في تايلند اللي طايحين فيه الحين يسوون فيه فحوصات شامله..
ودشت على اخصائي تغذيه واخصائي رياضه.. قال لها لا تسوين ولا شي بس هالفتره تمشين مشي خفيف اول 5 دقايق بعدين نص ساعه مشي شوي سريع يعني عالجهاز يطلع 4 او 4.5 وبعدين اخر 5 دقايق تردين تمشين مشي خفيف اذا عالجهاز يطلع 2.5

وعلى قوله البنات عقب ما تطوفين شوط حلو من الكيلوات سوي مساج جان تبين..

 

[laura mercier]

مشكوووووووووووووووورين حبيباتي

 

[د-سوسه]

انا اقول تبدين بس ريجيم لان الحركه تيوع يبيلها اكل ومراح تقدرين تمكسين نفسج وايد وهم بعد اذا وزنج وايد راح ياثر علي ركبج موزين
ابدي بالريجيم ولا نزلتي شوي شجعي نفسج بالمشي وراح تكونين تعودتي عالريجيم خلاص
واذا ماتبين نادي عادي ترا ارشق الرشيقات لازم يمشون يعني المشي اهو االاساس بيشد جسمج كله واذا يايبه عيال لعبي معده بعد المشي ولعبي صدر حق الشد وعلي فكره ترا قريت هالمعلومه وعن تجربه بعد تمارين المعده ماتعطي تاثير الابعد نص ساعه مشي والصدر يشد بالمشي انا وايد يفرق علي ..
والمساج دلع متي تبينه سويه ..ومبروك عالرشاقه مقدما

 

[laura mercier]

حبيبتي مشكوره..

 

[ام آمنه]

مش ثم مشي ثم مشي والله اقولك عن تجربة والزين فيه انك لما تنحفين يكون جسمك مشدود وكمان لو وقفتيه ماتردين تسمني عكس الرياضة اذا وقفتيها تزيدي بسرعة اقولك عن تجربة

 

[laura mercier]

ياحياتي خلاص مشي الى ماله نهايه....ادعولي الله يقويني

 

[ام آمنه]

ان شاءالله يقويك وانا ويك انا كمان تعبت من السمنة بالذات بعد ولادتي ااااااااااه والان لي 3 ايام ماشيه على نظام الالف سعره وامشي كل يوم ساعة مشي سريع واذا تحبي تنضمي معنا بهذا الموضوع حملت المشي ونتنافس من اكثر واحده فينا تمشي ونحط يومياتنا وهذا موضوعي
http://www.q8yat.net/showthread.php...%D1%C9+%C7%E4%CD%DD+%C8%CF%E6%E4+%D1%CC%ED%E3

 

[laura mercier]

اب اب

 

[mimi_el3so0ola]

موفقه يالغاليه .. وانا بعد احب اقولج ان التمارين الرياضيه لو حبيتي تمارسينها لابد لج من التحميه قبل وخاصه انج مو ممارستها من قبل عشان لايصير معاج شد عضلي او تشنجات !

وتذكري انها ماتعطي نتيجه الا بعد 30 - 45 دقيقه .. يعني لازم ما تمارسين التمارين الرياضيه اقل من ساعه حبي ،

بس مثل ماقالوا البنات (( المشي )) مثل السحر .. يشد الجسم كله ويحرك الدوره الدمويه عندج .. بس مشكلتنا جونا حاار =\ ولو ان حلاة الواحد يمشي برا ويتنفس الهوا الطلق على قولتهم ~p;

اما الريجيم .. فمادري انا برايي ان الواحد لازم ينوع باكله عشان ماتصيبج تأثيرات جانبيه مثل يخق ويهج والا يطيح شعرج او شي ..
بس الافضل تبتعدين عن النشويات والاكل اللي فيه طحين ابيض .. وتقللييييييين من الدهوون ،
اكلي بروتينات ( لحوم وبيض وهالسوالف ) بس بكميات محدوده .. وكثري من الفواكه والخضروات واهم شي الماي <<<

وبس ^___^ ربي يوفقج ويسهل دربج وتوصلين للوزن المطلووب ان شاءالله اختي ،

& تقبلوا مروري ^^

 

[laura mercier]

mimi_el3so0ola : صج اسم على مسمى لسانك اقطر عسل يا عسل...

 

[faro7a fofo]

شوفي تجربة رفيجتي كانت مسوية ريجيم عند الشمري وتلبس شورت التخسيس وتحط قبلها كريم شد وتروح الممشة 3 مرات بالاسبوع وثلاث مرات سباحة و بعد نفس الوقت مسوية مساج تخسيس وشد
واهي مسوية عملية تغير مسار امعاء لانالاوزانالثقيلة يبيلها عملية تساعد في التخسيس
والحين رشيقة وزنها 60 بس
نصيحة اشتري مشد طبي تلاقينة بالعمارة المدورة بالسالمية عيادات تخسيس مع الريجيم لبسية شان مايترهل وايد جسمج

 

[ارض الاجواد]

هلا حبيبتي انشاء الله تضعفين بصحه وعافيه
بس انصحج المشي اول شي ابدي شوي شوي

 

[laura mercier]

شكرا حبيباتي...

 

[BiiShOoO]

اهم شي الريجيم


و اذا نزلتي جم كيلو ابدي بالرياضة سواء مشي او نادي عشان جسمج يحرق و بنفس الوقت يشد

 

[laura mercier]

صح كلامكم...

 

[frfr]

صح كلام البنات المشي حلو بس على جونا اللي الحين وين الواحد يمشي فلو انا مكانج اللي اسويه اشترك اب نادي
اروح امشي نص ساعه الى ساعه بالبراد وبنفس الوقت اشوف التلفيون اضيع وقتي بالمشي الحين النوادي كل جهاز معاه تلفزيون ولمن اخلص المشي حلوه الواحد يروح سباحه منها تتعلمين سباحه ومنا رياضه وما تتعبين بس عقب السباحه راح تحسين باليوع هذي شوي مشكله بس عادي الوحده لازم تاكل اكل صحي عل اقل