لو احتجتي ل؟؟؟؟؟؟؟ تطلبينهم من ريلج

[قلبي ماركه]

مرحباً للكل أخباركم حبيباتي.

لو احتجتي للحب و الكلام الحلو و الحنان والحضن. تطلبينه من ريلج وإلا تأمين ساكته. ؟؟؟؟؟



أبي مشاركاتكم. و نصايحكم.


انا عن نفسي يتم بخاطري وأسكت لأني استحي وااااايد

انتم شو تسون. ؟؟؟

 

[Aloe Vera]

اطلب عادي ساعات اكون مضغوطة و متوترة و احتاج احد يعطف عليي

 

[سور المدينه]

انا بس اطلب منه يسولف معاي ومايسمع مني شلون لو بقوله ابي كلام حلو

 

[زوجة حياتي]

ماااحب اطلب منه احب هو يحس فيني من غير مااطلبه لانه اذا طلبته احس انه مجبور وقاعد يمتل علشان يرضيني وبس

 

[همي رضى خالقي]

اكيد اطلب منه زوجي حلالي

 

[قآنون كيفكـ!!]

حتى لو اطلب ماراح ترضيني
حلاتها لما تكون من خاطره

 

[mnor]

عادي

 

[مآيكبرني نك]

ما آطلب

انا آبآدر ف اكيد بيكون لكل فعل رده فعل

 

[كاملة الدسم]

يس اطلب ولا اخلي بخاطري

 

[-فلانة-]

ما أطلب بس أتحلطم اذا ما قالي كلام حلو خصوصا اني مهدود حيلي بشغل البيت ما فيها شي لو يتلحلح شوي و يقول الله يعطيج العافية و الا تسلم ايدج، أما كلمات الحب و الرومانسية ما تهمني وايد، انا من النوع اللي يحب يشوف الحب عملي مو شفهي، عندي ايمان ان الكلام ببلاش بس الأفعال لها قيمة، عشان جذي ابي اشوف حبه لي بأفعاله.

 

[~ بنت الهدى ~]

دايما اثنينا نباادر

بس لو حسيت محتاجه عادي اقول له و جنه العييد مافيها شي

 

[الجادل الخشف]

حلالي اطلب وساعات صج اكون تعبانه اقوله محتاجه حنانك تعال ضمني حييل ولاتفارقني حياتي والله ليش استحي منه بنات لاتستحون وتحرمون نفسكم من ازواجكم

 

[3tebeya]

اكبر غلط تسكتين ..

الريال يحب يشوف ان مهم عندج
وتبين منه ..


انا ريلي جذيه يحب اقوله سو جذيه سو جذيه
اهو يسوي بدون لا اقوله بس هم ادري هالشي يزيده ويخليه ينقلب ويعتفس ..

تدلعي عليه .. دايم الريال يحب المراه معاه ضعيفه برا اي شغل او اي موضوع حاد شيمنع اذا قلتيله

ولهت لريحتك
لحضنك


انا اتعمد لمن يرد من دوام او النادي اقوله لمني اشتقت لك ،.

يقولي لا اسبح بعدين بس استانس اذا ياا عشان يعرف ما تلوع جبدي منه واشتقتله وماكو احد شاغلني غيره
والله عن تجربه
من اقوله يكسر ضلوعي بالحضن ولم

جربي ليش حارمه نفسج

 

[3tebeya]

اكبر غلط تسكتين ..

الريال يحب يشوف ان مهم عندج
وتبين منه ..


انا ريلي جذيه يحب اقوله سو جذيه سو جذيه
اهو يسوي بدون لا اقوله بس هم ادري هالشي يزيده ويخليه ينقلب ويعتفس ..

تدلعي عليه .. دايم الريال يحب المراه معاه ضعيفه برا اي شغل او اي موضوع حاد شيمنع اذا قلتيله

ولهت لريحتك
لحضنك


انا اتعمد لمن يرد من دوام او النادي اقوله لمني اشتقت لك ،.

يقولي لا اسبح بعدين بس استانس اذا ياا عشان يعرف ما تلوع جبدي منه واشتقتله وماكو احد شاغلني غيره
والله عن تجربه
من اقوله يكسر ضلوعي بالحضن ولم

جربي ليش حارمه نفسج

 

[الليدي لموسه]

عادي اطلبي وهم بعد حلوه تكون منه بس صدقوني لما تطلبين منه انج مشتاقه له ومحتاجه لحضنه بيشوفها كبيره تدرين ليش بيحس انج تحتاجينه وكانج طفله تبي حضن وامان ابوها

 

[قلبي ماركه]

تسلمون خواتي ردودكم حلوه.


بعد أبي مشاركات. نبي مفيد الجميع.


ومن اليوم ببدا. بالتغير. والكل يبدأ يطلب من شريك حياتها الي بمخاطرها من مشاعر وأحاسيس

 

[قلبي ماركه]

تسلموووووون خواتي مشاركاتكم. حلوه ومفيده.


ومن اليوم كل وحده تستحي تراجع نفسها. وتستمتع بحياتها. عسى الله. يسعدكم. ويسر أمركم.

 

[البارونـه]

انا احس مب شي تطلبين منه
انا اوافق الي قالت انتي ابدي واكيد كل فعل له ردة فعل
تدلعي عليه وقولي كلام حلو واكيد بيرد باللي يرضيج

 

[فروحته]

انا مع كلام البارونة قلبا و قالبا
يعني ابادر انا و اكيد بيبادلني نفس الشي و يمكن اكثر
و هم اوافق الي قالو اطلبه و احسسه اني محتاجة لحنانه مافيها شي

 

[مسـك]

عادي اقول وابين بس بطرق ملتويه وهو يفهم مو دايركت قولي كلام حلو