لوع جبدي صج .. :(

[nice_dimples]

السلام علييكم خواتي انا من متابيعن المنتدى بشكل كبير بس هذي اول مشاركة فعاله حقي
موضوعي ومشكلتي اهي زووجي .. !! احنا كنا نحب بعض قبل الزواج لمدة سنه وصارلنا متزوجين تقريبا 9 اشهر .. اهوة طيب وحبوب ومو مقصر معاااي ورومانسي وما يخليني اكل يوكلني باييده من كثر الدلع .. بس مصيبتي معااه ماضييه داايمة مع السواالف يزلق لساانه ويذكر شي قدييم او علاقة قدييمة يعني مو سالفة حب او انه عرف وحدة او كلمها تلفون انت علاقته فييها وصلت لدرجة فراااش وعذرووني .. فيقط كلمة .. مثلا مسكيينه فلانه طلعت مني وطااحت من كتر ..... , اي وييج ماخلييت فيها مكان الا و ........ , هالكلام باشهر زواجنا الاولى وحتى فترة علاقتي فييه . وبمرة قتل بس اسكت لوعت جبدي ترا مصختها والله صرت انقرف حتى المسك ويييع .. اهو طلع وتضااايق شلوون انا اقوول وييع وانقرف .. رد زعلان المهم كبرت عقلي وزهبتلخ العشا مسكت اييده وخر يقوول لالا انا وصخ .. تالي فهمته ما يصير تقوول هذا مااضي انسى .. وتعدل فترة والحين ردت ريمه على عادتها القديمة .. شسوي اذبحه ولا اذبح عمري .. انا تلووع جبدي ادري ما يقصد لانه ما يقول الا كنا قاعدين نسوولف ويا هالطاري مع السالفة شسوي خوااتي والله صج حتى لما يصير بينه .............. تلوووع جبدي اتذكر اللي قااله .
وسوري ااذا قلت كلمة مني ولا مناك :ssssso:

ومشكووورين:nbvppw:

 

[q8tya fofo]

لا حياتي ماقلتي الى الي بقلبج

الصراحه عذريني بس شالتصرف البايخ هذآ !! قهرنيي جد

شنو انتي مو تآرسه عينه عشآن يذكر الي قبل ؟ اذا قصده انج تصيرين نفسهم لا لا تصيرين نفسهم لانه هذا انتي ومارح اتغيرين

حبيبتي ناقشيه وفاتحي الموضوع بدلع وجذي يعني عشان يحس انج غيرانه مو تبين تتهاوشين

وسوي روحج تبين تبجين وجذي لانه ماعندج الى هالحل واذا مانفع ناقشيه بجد هالمره ؟!

وبس ماقول الى الله يهديه ويعينج

 

[اشتياق]

كل مايزل قوليليه وذكريه ترى اغار ليمى يتعدل

مره زعلي ومره تدلعي والله يهديه ويسكت ..

موفقه خير

 

[nice_dimples]

فوفو : بعد قلبي ما قصرتي ..
اشتياق : انشالله بزييد الجرعه

حبايبي مليييت .. بجي وبجييني .. دلع وتدلعنا .. زعل زعلنا . ولما اتناجر اهو عنييد فيكاابر وقتها ويستفزني انا اهي خلاااااااص اووصل لمرحلة اطق عمري .. شسوي ااكثر زهقت والله
يعني انا مابي تلووع جبدي منه جذي حتر حقة ما اعطييه من القرف

 

[tmtmt]

لااااا قويه عاد يتكلم عن علاقاته بالفراش !!!
ما قلتي شي يزعل كلامج عدل شي يلوع الجبد الحين الي قلتيه زعل عليه لن عنده عزة نفس وكرامه
وانتي !!!

قعدي معاه قعده من غير هواش ونجره
فهميه ويبيها بطريقه انج تغارين عليه ومن هالسوالف لازم يبطل

 

[نــوف]

إذا توج عروس , راح يتغير مع الوقت اما اذا صارج من زمان متزوجه فهذا طبعه والله يعينج :eh_s(22):

 

[ام دانة@]

ماعليج لاتحاتينه موليه ترا هذا نوع من الريايل الي يحب يذكر ماضيه ويمكن الهدف من قط الحجي اعرف فلانه وفلانه يمكن بس يبي يسوف وش قد الغيره الي تغارين عليه بس انتي كبري عقلج واذا زودها شوي سوي مثله قولي اله يذكر فلان بالخير حبيبي السابق قبل ماعرفك وقهريه مثل مايقهرج ولما يعصب قولي شفت وش قد تقهرني ذوق مثل ماذوق

 

[nice_dimples]

تم تم .. نوف .. ام دانه
حبايبي ما قصرتوا ..يارب يهدييه .. هذا خمال ربعه اللي يجالسهم اللي كل يوم بسبتهم انا بمشكلة حسبي الله عليييهم

 

[الغاليه نونو]

شوفي حبوبه دامج عرفتي طبعه بهالسوالف انتي المطلوب منج تكونين محاوره ناجحه بالسوالف معاه لا تفتحين له اي باب يذكرج بماضيه يعني بالعربي ادقريه بس بذرابه وذكاء ولي شفتيه بدا بيخمبق قوليله ويييييييي مادريت نسيت اقول لك امي عازمتنا والا اشرايك نتعشا بره يعني صيري حرجه وهبة ريح اغلبيه ولا يغلبج
بهالطريقه تخلينه ينسا السوالف بشي يحرج وبنفس الوقت تحسين بنشوة الانتصار لانج قدرتي تغيرين صفه شينه بريلج

 

[انا_حلاوه]

انزين سوري بس انتي مو كنتي على علاقة حب معاه شلون يسولفلج عن شي كان يسويه وكان عندج عادي وتسكتينله عشان لايعه جبدج يعني مو عشان غيرانه وعشان كرامتج وانوثتج اسمحيلي بس طريقتج معاه غلط بغلط اول شي شلون تخلينه يتجرا يتكلم عن اموره الوصخه وعن البنات ويقولج بعد بالاسم يعني مايتستر عليهم اهما صج البنات يكونون رايحين فيها بس والله حرام يشهر فيهم حتى لو جدامج والنقطه الثانيه شلون يقدر يقولج عن فعايله الي تسود الويه ؟؟؟؟؟؟وحده من الاثنين يا انج على نياااتج وطيبه زياده عن اللزوم يا انج فعلا مافيج ذره غاريه لا على نفسج ولا على ريلج يعني لو وحده ثانيه مكانج حتى لو ماتحب الريال وماخذته زواج اهل ماتسمحله يتكلم عن ماضييه عشان كرامتها وانوثته اسفه بس عصبتيني مستحيل في ناس جذي بليييييييييييييييييييييز سكتي ريلج وقوليله انا انسانه عندي كرامه لو سمحت قدرني كنثيه جدامك انت مو قاعد تكلم واحد من ربعك

 

[ام ساره 4]

أنا أستغرب إشلون يتكلم جدامج عن علاقاته وسوالفه قبل ووصلت فيه الجرأه يتكلم حتى عن سوالف الفراش إنتي زوجته مو رفيجته عشان يتكلم بهالسوالف جدامج المفروض يحترمج لأنج زوجته وباجر بتصيرين أم عياله حبيبتي نصيحه وقفيه عند حده وقوليله أنا زوجتك وبصير أم عيالك ما أسمحلك تتكلم جدامي عن ماضيك الوصخ وهذا ماضي وانتهى ماله داعي تذكرني فيه كل شوي وقوليله سوالفك هذي قاعده تكرهني فيك بالعكس ماتحببني فيك والله يهديه إن شاء الله

 

[رومــآ]

بس آبي آفهم هو يتفآآخر بآلأآثم


حبيبتي آذآ كنت جد تحبينهـ آنصحيه يتوووووب توبه نصوحهـ ويستغفر آلله

ويستر على بنآآت آلنآآس

 

[كتكات احمر]

اصلا شلون رضيتي انتي تاخذين واحد له سوالف جذي مغازل مكالمات اوكي بس سوالف فراش قووووووووووية حييييييييييل

وبعدين اتيين تشتكين منه انتي غلطتي انج اخترتيه !!!!

الله يعينج بس انصحج تزعلين زعلة قوية مع اني ما اعتقد ينفع لان هذا الريال مات الاحساس فيه

 

[دنيتى زوجي M]

الله يهديه لازم تبينين له ان هالشي غلط ومو حلو بحقج وحيييييييل قوووي !!

 

[موت وميلاد]

الله يهديه

حاولي اتيينه من ناحية الدين يعني قوليله مايجوز تجاهر في المعصيه واذا بليتم افستترو

 

[روح امها]

شوفي حبوبه دامج عرفتي طبعه بهالسوالف انتي المطلوب منج تكونين محاوره ناجحه بالسوالف معاه لا تفتحين له اي باب يذكرج بماضيه يعني بالعربي ادقريه بس بذرابه وذكاء ولي شفتيه بدا بيخمبق قوليله ويييييييي مادريت نسيت اقول لك امي عازمتنا والا اشرايك نتعشا بره يعني صيري حرجه وهبة ريح اغلبيه ولا يغلبج
بهالطريقه تخلينه ينسا السوالف بشي يحرج وبنفس الوقت تحسين بنشوة الانتصار لانج قدرتي تغيرين صفه شينه بريلج

اي عدل كلامها

 

[الأميرة الحزينة]

كل مايزل قوليليه وذكريه ترى اغار ليمى يتعدل

مره زعلي ومره تدلعي والله يهديه ويسكت ..

موفقه خير

معاها .. والله يعينج :ssssso:

 

[ايامنا الحلوة]

يع بصراحه الله يعينج \\\


الحمدالله ان ريلي محترمني ومايجيب قدام طاري اي وحده

ياختي هذا رجل جررررررري للاسف

 

[*بسبوسه*]

عندج حل من الاثنين
1- اذا سمعيتيه قال اي شغله تضايقج وخاصتا بالفراش
قولي له:شنو انت مستانس بذنوبك والزنى عشان قاعد تتكلم عنه خلاص عيل روح للحرام
اد يفتخر بالحرام
لا تقولين انا اغار عليك ديري بالج ...تدرين ليش..؟؟؟لان اهوا راح يستانس انج تغارين واذا بيوم حس انج لهيتي عنه على طول دايركت بيتبرمج ان يثير غيرتج بهالسوالف ويرد يطريها لج

2- بمره من المرات قولي له حتى انا لعوزت فلان.....(طبعا انتي بس جذي قلتي ومو صج..وقولي انا قاصده اقولك جذي عشان تحس باحساسي) طبعا بيعصب ويشتط بس انتي قولي له شفت شلون انت زعلت مني وعصبت انا كل يوم احترق منك بسبب سوالفك الخايسه ..لا تزعلين عشان قلتي عنه ارف ولا ويع ولا ارف ..بالعكس احسن شي انج قلتي هالكلامات القويه عشان يهتز من الداخل
انتي لو تقولين لوحده من رفجاتج ريحة حلجج مو حلوه والله يمكن تتعقد وتفرش 24 ساعه
فما بالج تقولين لزوجج ارف بالفراش ولا بوقتكم الرومانسي..اكيد وقتها بيصحى حتى لو زعل

 

[:: Diva ::]

طبعا الوحده تلوع جبدها و هم تغااار
انا لو مكانج اخزه خزه ال ينصدم منها و اقوم

و كل ما يجيب الطاري اوخر و اصد و احقر
لين يتعلم ان ما يفتح هالمواضيع معاي
بس بدون هواش