لوعة الجبد و الترجيع شالحل !!

[*مارلين_مونرو*]

:aha:هلووو بنااات ...

شلونكم ؟؟ شخباركم ..

هذا اول موضوع لي في هذا القسم ..

و الصراحه انا أبي مساعدتكم العاجله و الضروريه في قصتي .. :0bee2e8d89:

سمعوا قصتي ...

الله يسلمكم انا من يوم ما كنت صغيره عندي مشكله الترجيع "عزكم الله" لما أسافر سواء لما اركب طياره او سياره او قطار او باخره او باص !!

يعني سلمكم الله في كل وسائل المواصلات عندي هالمشكله :eh_s(2):

يعني اذا كانت سفرتي بالطياره 8 ساعات انا ارجع والله العظيم و بدون مبالغة من 5-8 مررات !! والله العظيم

والله اني اشووف الموت لما اسافر !!

ماكو حبوب ما خذيتهم ماكو شي ما سويته و مااااكو فااايده كلللش !! :lkmnkl:

حتى تخيلو بنات مره خذيت حبتين بندول نايت عشان انام .. الله وكيلكم أغفي ساعه أقوم أرجع "عزكم الله" و أرد أنام

و اخر مره من زوود التعب اللي فيني قمت ارجف بمكاني و ودوني مركز الطوارئ بمطار قطر صج صج صج

امووووووت من التعب :eh_s(2):

تكفففووون بنات اللي مارة عليها نفس حالتي و عندها حل لمشكلتي تساعدني تكفووون والله العظيم مت تعبت

و المشكله لنا اموووت عالسفر يعني ماقدر يمر صيف ما اسافر لو دبي اللي اهي تبعد ساعه عن الكويت هم أرجع !!

والله العظيم اذا سافرت شهر استانس و اغير جو هالوناسه تطلع من جبدي بطريج الرده

:eh_s(2):​

 

[*مارلين_مونرو*]

هلا حبيبتي anood

ايه انا اسوق سياره !!

 

[فراشة المنتديات]

اله يشفيج يارب ويرزقج الصحة والعافية اللهم آمين يارب العالمين

 

[*مارلين_مونرو*]

اله يشفيج يارب ويرزقج الصحة والعافية اللهم آمين يارب العالمين

اللهم آمين .. بعد قلبي ما تقصرين​

 

[wardia]

ياااا بعد عمري !!! حياتي انتي
الله يشاافيج ياربي ويعااافيج
جان رحتي الطبيب وقلتييله مشكلتج !

أسألج الدعاء

 

[دلول ام خلود]

ما تشوفين شر حبيبتي ويعافيج يارب

 

[نووووونا]

فى ناس جذيه ييلهم دوار السفر يسبب لهم الدوخه والترجيع

بس ناس من البحر وناس من الاماكن العاليه وناس من الطياره

الافضل اختى تراجعين اختصاصى باطنيه افضل ,,

والف سلامه,,

 

[شندوخه]

الله يشافيج صج مشكله

 

[fofowa_q8]

انا كنت بين فتره وفتره ارجع من غير سبب واييني عوار بمعدتي وكنت اسكت عبالي شي عادي

لين رحت مره وسويت منظار جان يقولون لي فيج التهاب قوي بالمعده

مابي اخرعج بس لازم تروحين تفحصين قبل لا تزيد المشكله الله لا يقول

و الله يشافيج يااارب

 

[تنآهيد ..~]

^

نفسي .. إلتهاب

الله يشافيج يالغاليه .. بس لازم تروحين الطبيب وطمنينا عليج ..

 

[انصار]

لا مو التهاب بنات اشفيكم

لانه انا جذي والله اقرا مشكلتج واموت ضحك لانه نفسي بالضبط جنه انا كاتبه الموضوع
ولي يعافيج انا بمصر اركب باخره اطيح وادوخ وارجع تكرمين وحالتي حاله
وبالطياره نفس الشي
وجرب جميع انواع الحبوب ماكو فايده
كل صيف اهلي يروحون مع قروبات بس انا ماروح لانه طياره 6 ساعات وفوق وهذا غير رحلات الباص
يعني مافكر اسافر اصلا من الي اشوفه من السفر

اذا لقيتي حل قوليلي

 

[*مارلين_مونرو*]

مشكوورين بناات و ما تقصروون كلكم على دعواتكم و على حلولكم الطيبه لي يعطيكم ألف ألف عافيه ..

رحت المستشفى عطوني أدويه و علاج و هم مااااكو فااايد السالفه تزيد أكثر و أكثر !!

و هالشي فيني من الصغر يعني مو توه عشان يكون فيني شي مني ولا مناك !!

يااربي والله مادري شسوي

 

[*مارلين_مونرو*]

لا مو التهاب بنات اشفيكم

لانه انا جذي والله اقرا مشكلتج واموت ضحك لانه نفسي بالضبط جنه انا كاتبه الموضوع
ولي يعافيج انا بمصر اركب باخره اطيح وادوخ وارجع تكرمين وحالتي حاله
وبالطياره نفس الشي
وجرب جميع انواع الحبوب ماكو فايده
كل صيف اهلي يروحون مع قروبات بس انا ماروح لانه طياره 6 ساعات وفوق وهذا غير رحلات الباص
يعني مافكر اسافر اصلا من الي اشوفه من السفر

اذا لقيتي حل قوليلي

لووووووول زيـــن في وحده نفس حالتي .. ياختج السفر صار عذاااب من هالسالفه ..

مت والله العظيم تعبت ابي حل .. عاد انشالله لي لقيت الحل اقوولج افا عليج​

 

[سمسميه]

نفس حالة حماتي بالضبط!!
واهيا تسوق اوكب ما يصير فيها شي بس اذا احد يسوق فيها يصير فيها جذيه
وبالطياره بعد والقطار والباص
كل ما تسافر معانا يصير فيها جذيه


الله يشلفيكم ان شاءالله

 

[*مارلين_مونرو*]

لوول امبيه خنسوي موضوع بالقسم تجمع المرجعات في السفر لووووووول

 

[The Boutique]

حبيبتي هذا مرض اسمه
ترافيل سيك travel sick
وفي sea sick
home sick
وفي انواع وايد
وهذا شي عادي
بس الحين اصبح في عيادات بالكويت لعلاج حالتج
مايحضرني اسم الدكتور
لكن عيادته مقابل مطافي السالميه بالضبط يم عماره الدكتور قطينه
وماتشوفين شر يارب

 

[*مارلين_مونرو*]

حبيبتي هذا مرض اسمه
ترافيل سيك travel sick
وفي sea sick
home sick
وفي انواع وايد
وهذا شي عادي
بس الحين اصبح في عيادات بالكويت لعلاج حالتج
مايحضرني اسم الدكتور
لكن عيادته مقابل مطافي السالميه بالضبط يم عماره الدكتور قطينه
وماتشوفين شر يارب

@@@ بعد قلللبي والله مشكووووره بروح اشوووف عمري و اجابل حالتي انا فيني travel sick w sea sick w taxi sick w bus sick w plane sick

كل الأنوااع فيني لووووول .. صج صج مشكووره بس لوت تذكرين اسم العياده اكون شاكرتلج​

 

[مطيريه ماركه]

نوااره انتي نفسي اذا ركبت الطيارة او ركبت السيارة تلوع جبدي ومرة رفيجتي خافت مني يوم قعدت ارجع ، وهم اذا عصبت واحتريت او خفت تجيني نوبة ترجيع مو طبيعي

صج تعبت من هالسالفة

 

[مطيريه ماركه]

للرفع

 

[خاشووقه]

حل يمكن افيدج
لا تاكلين قبل السفر
و بجذيه معدتج راح تكون فاضيه

انا جذيه حتى اذا عندي مشاوير عاديه جبدي تقلب
فمن جذيه ما اكل الا اذا خلصت شغلي


جربي .. ومافيج الا العافيه انشالله