لوحات تعطي لمسه جميله و بديله لورق الجدران

[بنات حواء2]

مساء الخير حبايبي

اليوم حبيت اسويلكم هلموضوع عن اللوحات الي ممكن نحطها في البيت
لانه بصراحه وايد جذبني لعدة اسباب
علمن بأنه الموضوع من مجهودي و من تجميعي و ما عندي مانع نقل الموضوع و افكاره لاكن مع ذكر اسم المنتدى و اسمي بنات حواء ام زنوب
اولا : تعطي لمسه حلوه

ثانيا : امكانية اضافة الاضائه اليها تعطي منظر مريح و دافئ

ثالثا: اليوم اصبحوا يستخدمونها كبديل لورق الجدران خاصه لو كانت كبيره في الحجم و تتكون من كذا قطعه فهي تكون كافيه في رسوماتها و وحداتها و نقوشها و الوانها المختلفه

رابعا: تعطيج الفرصه بتلاعب بلالوان مثلا تكون الارضيه فاتحه و المنظر غامج او العكس صحيح فيحدث النسبه و التناسب في الالوان بحيث تصير مريحه نفسيا و العين تحبها و غير مزعجه او مشوشه

خامسا : امكانية استقلالها لشغل الممرات الخاليه لجعلها اكثر حيويه و اضافة حس جمالي بدل تبلدها بلون الابيض و غيره من الالوان الفاتحه

الموضه الحين استخدام اللوحات المكمله لبعضها الي هي تكون اكثر من قطعه توزعينها انتي على الجدار و يي منها احجام

لاحظوا انها رسمه متكامله و منظر كامل الا انه مكون من كذا منظر و في منه اشكال و راح ادليكم الاماكن و بارخص الاسعار

لاحظوا الحجم هني اكبر و ياي بالعرض و ممكن نفسها نخليها بطول بحيث تشغل مساحه اكبر

لاحظي لمن تكون اللوحه مكونه من اكثر من قطعه ممكن انتي تتلاعبين بالمساحه البينيه و تخلينها تشمل مساحه اكبر من الحائط الي عندج

يتبع

 

[بنات حواء2]

قد تكون اكثر من 3 قطع

هذي اللوحات تيي 3 انواع كالعاده اما تكون مرسومه يدويا بلالوان الزيتيه و هي الاغلى ثمنا او النوع الثاني الي هي عباره عن صوره وليست رسم و هي الارخص و النوع الثالث ظهر مع تطور فكرة اعادةالتدوير و الصنع اليدوي الي تكون عبارة عن تجميع كلف و مواد مختلفه و جعلها تحفه فنيه

الفكره هني و ايد حلوه مزوده اللوحه بساعه بصراحه ما ادري وين ممكن نلقاها لو عندكم فكره زيدونه ولا عليكم امر و الصور هذي منقوله من منتدى اخر لاخذ فكره

اضافه ان ممكن انتي تصنعين هذي اللوحات بنفسج باختيار اشكال و مواد مختلفه ممكن لو غرفة ملابس تظيفين اشكال ازرارات ملونه على اربع لوحات من نفس الحجم و ممكن تاخذينهم جاهزين من ايكيا مجرد لمستج عليهم و اكيد بتطلع سبيشل لانها شغل ايدج و كل وحده و شطارتها
ولو غرفة طعام ماوصيكم باشكال الفواكه الي من فلين و بلاستيك
لو يقولكم افكاري ماراح اخلص لا كن عمومن الفنانه فنانه وين ماتحط ايدها يطلع معاها شي حلو و انا الي علي اني انقلكم الفكره و انتو هله هله بشطارتكم و تفتنقكم بس مو تنسون تقولولي
الي اقصده تقريبا مثل الصوره هذي شوفا اشلون مستخدمين مواد بسيطه قد تكون اعواد خشب و مصبغينهم بالوان مناسبه بواسطة صبغ الرش و غيره ممكن تضيفين اوراق الشجر الصناعيه او الخرز

السؤال المهم
وين نلقى هسوالف ام زنوب ؟؟؟
الاماكن هني تلقينهم بايكيا و بنتا و ممكن تلقين باماكن ثانيه
الاسعار عندهم ايكيا اغلا و عادة تلقين نفس القطعه عند بنتا ارخص بدينار و بعض المرات يوصل الفرق 3 دنانير و انا اتوقع تفرق مع الي تأثث بيتها و تبي شي على قد ميزانيتها
الاماكن بره الكويت
و المكان الي انا انصح فيه و بشده
دبي السوق الصيني محلات البراويز و الصور داخل تصير بدواعيس
الصوره تييلج 3 قطع و حجم كبير على طول الطوفه ما تتجاوز سعر ال 30 دينار و ناصب عليج بعد
و الحجم الوسط ماتطلع عليج 10 دنانير القطع الثلاث كاملين اذا مو اربع او خمس
و على فكره هلاسعار بنسبه للوحه مرسومه يدوي مو صوره
لو صوره عاديه تاخذينها شكبرها ماتطلع عليج 5 دنانير و همن حلوين و مافيهم شي بس الي يفرق انهم صوره مطبوعه مو رسم يدوي بس شكلهم نايس و حلو بصراحه
انا اشتريت وحده و تحسفت اني ماشتريت اكثر بالضبط مثل هذي لاكن مع اختلاف بسيط بلالوان و من غير البحر الي تحت و طلعت علي 13 دينار سعر وايد حلو بنسبه لرسم يدوي و حجم حلو

اتمنى ان ينال على اعجابكم و ياريت الي عندها فكره وين نلقى هلمناظر و باسعار حلوه تزودنه بلاماكن و يعطيكم العافية

 

[عسلهم]

رووووووووووووووعه يسلمو حبيبتي

 

[بنات حواء2]

حياج الله حبيبت يمنوره الموضوع يالغاليه

 

[لـــيل]

يسلموووو تعطي شكل رئع للغرف وخاصه اذا دمجتي الوان وكذا ​

 

[بنات حواء2]

صاجه خاصه للطوف الفاتحه لو اضفتي عليها لوحات من اللون الغامج راح تطلع نتيجه حلوه

 

[wujud]

يسلموووو ام زنوووب
شي نااايس
وماعندي فكره غير الي ذكرتيهم


واحلا اب

ومشكووره على المجهود

 

[شمع تحترق]

تسلم ادياتج على الصور وصج اللوحه اطلع المكان

 

[Maybe_87]

مشكورة حبوبة
احس اللي تحط لوحات من هالنوع يكون عندنا حس فني

 

[بنات حواء2]

wujud
حياج الله حبيبتي منوره الموضوع يالغاليه و العفو
شمع تحترق
الله يسلمج حبيبتي اي و الله و عن تجربه لاني عن جد استغنين عن فكرة ورق الجدران بلوحات و بصراحه نايس
Maybe_87
العفو حبيبتي و حياج الله اوافقج الراي و على فكره حتى الالوان الي يختارونها لها تفسير للحاله السكيولوجيا

 

[بنت العقربيه]

احب اللوحات ودايم اشتري منها


مشكورة

 

[@ DLOO3TAH@]

يعطيج العافيه

 

[بنات حواء2]

بنت العقربيه
حياج الله يلغاليه


@ dloo3tah@
يعافيج يالغاليه

منورين الموضوع

 

[بنات حواء2]

اب
اب

 

[احاول]

ذووووووق

 

[وين حبيبي]

احب الوحات بس احب الكبيرة للمساحة الكبيرة يعطيج العافية

 

[اغلى بشر]

واااااااااااااااااااااو

 

[Ms.4oo8]

روووووووعه يسلموووو

 

[جنون الغيم]

حلوووه يعطيك العافيه

 

[a-a-alrajhe]

يعطيج العافية