لوجه الله ردو :مهم مين صرلها فوق 8 سنين مسوية ليزر للجسم ؟

[عروس هاجرية]

هل لاحظت اي اثار جانبية
وجزاكي الله كل خير

 

[sverige]

بعد مصارلي غير سنه او ٢ مااكدر افيدج

 

[om janoona]

ماسويت لما الحين وان شاءالله ناوية اسوووي

 

[Mrs_Efron]

انا مسويه ويههي من اخر سنه بالثانويه و لي الحين انا ب ٣ سنه جامعه ماكو اثار

وبنت خالتي سوت جسمها كامل من سنين و الحين عندها ٣ يهال يعني من زمااان ما فيها شي

بس انا اقولج لا اتوقعين يروح اميه بالاميه اهو مجرد ان يخف حييل يصير زغب مثل اللي بالايدين فوق فهمتيني

 

[mrs.abk]

يعني شو آثار جانبية ؟؟؟

أنا مسوية من سنة 2006 .. يعني بعد 3 سنين بكمل 10 سنوات ..

قالوا يحرق .. ما احترقت

قالوا يطلع الشعر خشن .. ما طلع

قالوا ما تحمل اللي تسوي ليزر .. حملت ولله الحمد وأنا عروس

قالوا ما ترضع ( هذي أختي مسوية .. عندها ولد وبنت رضعتهم طبيعي .. )


شو بعد ؟؟


المشكلة اللي يقولون هالكلام الحريم موب الاطباء .. الاطباء يقولون مافيه آثار جانبية .. لكن الحريم اللي يبخلون على عمارهم بالدفع يغارون من اللي تسوي ليزر ويتموون يحبطونها بهالرمسة ..

بس فيه شيء مهم .. الانتظاااااااااااااام .. واختيار نوع ليزر يستاهل .. وان الوحدة ما تبخل وتدور الرخيص .. ويكون ليزر موب لايت .. والاهم عدم الملل لأنه يطول سنتين و3لا3 لين تحصلين نتيجة بحسب جسمج .. وبالاخير الجلسة كل 6 شهور لأن مافيه أي شيء في الدنيا يشيل الشعر للأبد .. وانج تتوقعين إنه بيرجع يطلع في وقت اضطراب الهرمون .. سواء عند الحمل أو بسبب خمول أو نشاط الغدد .. يعني فيه اسباب لااازم تحطينها في بالج

 

[ذات الهمة العالية]

انا سويت بس الأبط مرتين بس اول ما اسوى تحسين بشوية اشياء ما كانت فيك
بس انا اعرف وحدة من المانيا حذرتنى وايد منه

 

[دانة_ دبي]

انا صار لي 5 سنين
ما في ولا اثار جانبية

 

[sverige]

احنه الصراحه مفهمنا السؤال بيه تعميمً انت من شنو قلقانه وخايفه؟؟
انو يرجع الشعر او غير شي؟ وليش 8 سنين؟
حتى انواع الاجهزه والتقنيه اختلفت افهم انو قسم اثار متبين الا ورا سنين طويله يمكن حتى تكىن 10
انت فهمينا الي قالقج حتى نفيدج اكثر

 

[jekeetaa]

انا صار لي تقريبا أكثر من ٦ سنين
صراحه ما لاحظت اي آثار جانبيه ولا شي

 

[queen2020]

شوفي انا تجربتي بالابط
انا من اول فيني فرط عرق
يعني قبل ما أسوي الليزر وهذي مشكلتي

وسويت ليزر
وبعدين فكرت اسوي بوتكس للعرق
فقالت لي الدكتوره لا أسوي ليزر لانه بيكثر العرق عندي زياده
يعني اللي فيها عرق كثير لاتسوي ليزر
احتمال يزيد العرق

وهذا تجربتي

 

[جامعيه فله]

شووفي حبيبتي
هذا كلام صالونه كانت تحفني
تقول حفت مرة وشعرها ححيل ثقيل ويعور لما تشيله لها وشعرها كثيف
المراه مسوية ليزر بس بعدها بجم سنه بين الشعر ورد كثيف

هذا كلامها والله اعلم
حبيت افيدج
وللعم انا ماسويت

 

[ظبية بوظبي]

حاليا قمت افكر فيه وخاصتا من بعد ما ستشرت دكتور ان يقولون لو شلت الشعر بالنتف وانا مسويه ليزر هل يخرب نتيجه الليزر ويرد مثل قبل
قال لا
فعجبني هالشي
لكن قريت وحده تقول مع الحمل وبما ان الهرمونات تضطرب يرد ينمو الشعر :s

وانا اساسا هرموناتي مب مستقره
فمحتاره يبالي ارد اسال بخصوص هالنقطه