له داعي والالا

[ام فطوووم]

صباح الخير بنات
بسالكم سؤال بناء على خبرتكم
ما ابي كلام دكاتره لايودي ولا اييب
انه باذن الله راح اولد مستشفى الشركهوالاحمدي
سالت الدكتور اتخيطون تجميلي طالعني بنظره كنت بطلع من عنده
لووووول
قالي انتوا يالحريم عليكم سوالف
يعني لاصرتي ضيجه ريلج بيتغير وايكون معاج زين
بغيت اقوله اي خخخخخخخ
قتله لاماله شغل
قالي خلاص خلي عنج كلام الحريم اللي بتوديج بداهيه
انتي لمن تولدين راح انشق مكان الولاده لتسهيل مرور البيبي وانرد انخيطه
اما التجميلي انخيط عضلات الرحم من داخل وهالعمليه مؤلمه انسويها بعد الولاده بجم شهر
بيني وبينكم انه ثالث ولاده لي وبعد ماراح افكر بالحمال الف الحمدلله عالنعمه
فاحس ماله داعي انطر بعد
دام داشه داشه ولاده
و40 يوم نفاس واكون بعيده عن بيتي
فمالي خلق بعد عمليه و30 والا 40 يوم بعد ابعيده
انتوا اشرايكم بكلامي وكلام الدكتور؟

 

[ناتشوو]

عزيزتي
يعني في مجال يسويها او لا؟
بعيدا عن رايه الشخصي
لا يقعد يتفلسف عليج
بكل ولادة سووها واحرصو عليها
اهم شي بالنفاس يكون خياطج تجميلي غرز داخل وبرة
ماتهمني التسميات او شنو سوو بالضبط
المهم ماتتغير المنطقة
ويكون فيه تغيير

 

[ام فطوووم]

ما ادري عنه والله هذا اللي محيرني
وخايفه منه
عشان جذي قلت اسالكم واخذ لتجاربكم
لاني
ما ابي اتحسف بعد الولاده واقول ياليت سالت والا
حرصت ابهالموضوع

 

[ناتشوو]

http://www.q8yat.com/t846967.html

 

[● عـِـِـِزۈة آخ‘ـَـۈاْنـهـآ «-~]

حبيبتي لازم تسوين تجميلي

واذا انتي ماتقدرين
اولدي عنده
وبعدها بجم يوم وقبل مايبرا الجرح روحي
لاي دكتور شاطر ويسوويلج تجميلي

والله يهون عليج

 

[Meeesh]

يمه اصلا شلون يتجرأ ويقول هالكلام!!

 

[ام فوااز]

سوي التجميلي بنفس وقت الولادة مو عقب بجم شهر
لج خلق عمليه ادشين بعدين ؟؟ فكي عمرج وسوي مع خياط الولاده ليش يتفلسف عليج هذا

 

[أبكاني ذنبي]

رفيجتي مسويه تجميلي بالولاده نفسها مرة وحده من داخل ومن برى

بس بخااص مسويتها وتقول طولت الخياط على ماطاحت بس خووش خياط

وماتسوينها الا من عقب ثالث بيبي وورى

 

[أكذب عليك]

وقح صراحه
التجميلي الحين كل المستشفيات تسوي تجميلي يعني الخياط من داخل والمنطقه تشوفينها ماتغيرت
اما تجميلي التضيق هذا اللي تكلم عنه هالبني ادم الدكاتره عليهم شغلاااات غصب غصب يتنحون
انا غيرت دكتورتي لانه جنه اطر منهاا انا ابي تضيق بس مو تضيق اللي حق وحده والده اكثر من مرا
انا بجر واحاتي هالشي فابي تضيق بس طبيعي غير الخياط مال الولاده

 

[كل دنيتي امي@]

زوجة اخوي ولدت بمستشفى بالرياض
وبعد 10 ايام راحت عند دكتوره سودانيه شاطره مره وخيطتها
تجميلي

والحمد لله
بس تمت بعد الاربعين اسبوعين

 

[غارقة بأحزانها]

زين الحين انا ولدت مرتين
وبالمرتين الخياط من بره ومن داخل
بس انا مو طالبه تجميلي

 

[ام الحلوااات]

دامـــــج داااشـــــــــه ولادة خـــل يـــســـويــهــــا مــره وحـــده
وش حـــقـــه الــعـــفــســـه

 

[++MesK++]

مادري ليش دايما الدكاتره كلامهم عكس الحريم


يعني ما يعترفون بالأعشاب و لا النفاس و سوالفه


دكتوري يضحك علي يقول : مافي شي اسمه نفاس غير هني بالخليج!

يقول باقي الدول العربيه و الاجنبيه يمارسون حياتهم طبيعي بعد ٤٨ ساعه من الولاده!


أنتو تروحون لاهلكم و تحبسون نفسكم و اعشاب !

 

[!الجادل الصعب!]

حبيبتي هو شعرفه .. انا اقول تولدين بخآص ومره وحده تسوينهآ .. واحسن وحده تسويها عاليه الفضلي مع اني اكره نفسيتهآ ..

 

[ناتشوو]

واي صج فشلة
توني استوعبت
دكتور يكلمني جذي
اذا كنت ضيقة ولا وسيعه

اللهم استرنا فوق الارض وتحت الارض ويوم العرض
والله قط فلوسك بالشمس
واقعد بالظلال
اروح لخاص
لدكتورة تفهم
عاد انا مع حرصي ع التجميلي
بس مااسولف معاها
بس اقول لها
دكتورة ابي تجميلي وخلاص
بس لاني اثق بشغلها وسمعتها بالخياط
فاكون مرتاحة

 

[دمعة^حزن]

حبيبتيالحين كل الدكاتره تسوي تجميلي بس اهو فهمج غلط عباله تبين تردين بكر هذي اسمها تصكير يمكن اهو فهم جذي بس التجميلي الحين كل المستشفيات تسويه مع الولادة الي اللهم مستشفي الفروانيه باول بيبي يسون بس الثاني والثالث انسي يخلونج جذي

 

[ام فطوووم]

مثل ماقتلكم هذا كلام الدكتور اللي بمستشفى البترول
قالي اذا تبين تعالي بعد فتره انسويلج بعد جم شهر قصده
انزين ليش؟
بعد يبيني ٤٠ يوم اصير نفاس
محتاره والله مادري شسوي
وولادتي مابقى شي عليها
كل ما استقر واقول ابي اروح لهالمكان يطلعلي شي
تعبت ��

 

[glow 'n' show]

حبيبتي هذي العملية تضيق اللي تكلم عنها دكتورج و يسونها عقب الولادة بفتره و دايما الافضل 6 اشهر .. و حتى اللي مو توها والده تقدر تسويها .. الخياط التجميلي بس من بره و يرد (( شكل )) المنطقه مثل ما كانت يعني ما يبين شكل الغرز و ان المكان مخيط .. انا كنت ساله دكتوري عن العمليه (( التضيق الداخلي )) و نصحني اذا ناويه احمل ما اسويها

 

[ام فطوووم]

اوه هذي ثالث حمال لي والف الحمدلله موناويه احمل بعد
باذن رب العالمين والف الحمدلله عالنعمه

عشان جذي بسويها ومالي خلق بعد ٤٠ يوم ثانيه عوار وخياط وسوالف
دام اني قاعده بولادتي بيت اهلي ٤٠ يوم استغلها
ليش فكرة ان بعد الولاده
هذا اللي محيرني

 

[tmtmt]

وايد جريييئ !!!
وايد تمادى بالحجي مالع داعي هالشرح
ولا جان زين شرح علمي نقول علم ومافيها شي !!!


سويها وماعليج منه