لهومات واعشاب نفاس ؟؟؟

[شووووشن]

السلام عليكم

بنات انا ان شاء الله باخذ ادوية لنفاس من ام خالد الهاجري

بس بغيت اسئلكم باقي الاعشاب اللي اييبهم انا شنو اهماااا

مثل الزعتر و الفلفل الابيض < وشنو بعد ...........

 

[$$king moon$$]

حبيبتي انا بالنسبه لي مااشتري شي غير الحسو
والحلبه والباجي اشتريهم من خبيرة الاعشاب
ام خالد الهاجري اخذ منها اللهوم والسفوف وشاي الاعشاب
ودوى القهوه بس احطه مع الحليب وسلااااااامتج

 

[شووووشن]

اوك بس احس انه لازم شغلات ثانيه وبعد الدارسين والزنجبيل لووووول

مشكوره حبيبتي ربي يسهل عليج

 

[وحيدة امى]

رفع

 

[{عروس البنفسج}]

ادوية النفاس حسب الوحدة.
في اللهوم. والمردود. والحسو. وهم التمر او التمرية. وكلهم لهم كذا طريقة ومكونات وكل ناس لهم ادويتهم. حتى الدول الثانية عندهم ادوية نفاس غير.
وكل وحدة لازم ادير بالها من المكونات لان في اعشاب تضر اثر من نفعها. والله يقومكم بالسلامة.

 

[ابوي دنيتي كله]

وشربي قشر القهوه القهوه وااااايد يمدحونه البنات انا بجربه بنفاسي انشاءالله

 

[خشف العوازم]

ما ادري انا ما احب اخربط حيل بالاعشاب

اهم شي اللهوم والمردود والحسو هذول اهم شي

غير الحلبه والاعشاب اللي تشربينها بس


واهم شي بالنفااااس الاكل اللحوم والمرقوق والقبوط والخضرا الخضرا والفواكه

وكل شي بنتظام لا تغثين نفسج ولا تهملين نفسج

 

[{الجارحه}]

بس اشتري حلبه وبقولج طريقه قالتها وحده لي الله يجزاهاا خير ويرزقها الذريه الصالحه

تاخذين قفشه من الحلبه وتحطينه بمطاره مع ماي حار وتخلينه اليل و الصبح قبل ريوقج بساعه ولانص اشربي منه كوب لمدة ٧ ايام بس

*

 

[ابوي دنيتي كله]

الجارحة شنو فايدتها الوصفه
وتمنت ولا لأ

 

[ريـــ205ـــم]

انا انشاالله بأخذ كورس النفاس من ام خالد
واعتقد تحتاجين ينسون + كراويا + الكمون عشان الغازات والمغص
والفلفل الابيض ضروري بعد وبس​

 

[{الجارحه}]

حبيبتي زينه للعظام تقويه

حسب كلام البنت

 

[a7la_7b]

رشاد مع تمر وسمن
زنجبيل طازج
زعتر
قشر القهوه
دارسين
فلفل اسود مع حليب

واللهوم والمردود من حريم يسوونه بس انتبهي في ناس تحط اعشاب ضاره بالادويه او التحاميل مثل الشبه وغيرها
والله يتمم عليج بالخير

 

[الزينه اصايل1]

انا عن نفسي دوياتي بالنفاس اهي المردود واللهوم ودوا الغوري وعصيدة يوميا الفجر بس ، عاد المرة هاذي فيني هوا فباخذ دوا الهوا

 

[لوجين@]

شنو دوا الهوا

 

[ابوي دنيتي كله]

حبيبا تي ياليت الي تعرف تسوي ادويه للنفاس زييينه تعلمنا ألطريقه وان شاء. الله لها اجر ومشكورين

 

[ام نايف2]

انا في نفاسي جربت نظام فيافي وكانت النتيجة مرضية والحمد للة