- إنضم
- 23 مارس 2009
- المشاركات
- 590
- مستوى التفاعل
- 0
- النقاط
- 0
السلام عليكم
شلونكم بنات شخباركم ان شاء الله مرتاحين...بقولكم سالفتي اللي ماقدرت لحد الحين استوعب ان فيه امهات عديمين رحمه ومسؤوليه مايدرون عن عيالهم وللاسف هذا حال اغلبية الامهات ولاتلوموني من حرتي ... اليوم رحت انا وبناتي زياره لبيت أختي وياليتني مارحت قاعدين مستانسين نتقهوى والانسمع من الشقه اللي جنبهم صراخ وبجا جهال صغار والخدامه تصارخ عليهم قلت لاختي شسالفتهم وين امهم قالتلي هذا حالهم دايم امهم تطلع والخدامه متوليتهم طق قلتلها ليش ماتقولين لجارتج اللي هي امهم تقول زوجي رافض اني اتدخل سكت والا صياح هالجهال زاد انا هني ماتحملت قلبي تقطع تخيلت لاسمح الله عيالي بمكانهم....لبست عباتي ورحت طقيت الباب والا تفتحلي بنت عمرها تقريبا سبع سنين يايمه لو شايفينها شلون تشاهق من كثر ماتبجي تقطع القلب طبعا ظليت برا باب الشقه مادخلت سألتها وين امج قالت امي من امس مارحه بالجاخور قلت وابوج قالت مسافر قلت ليش تبجين قالت الخدامه كل يوم تطقنا انا هني فار دمي طقيت باب الشقه مره ثانيه عشان الخدامه تسمعني وتجي ولاذاك الوجه الاقشر معصبه والعيون حمرا قلتلها متي ماما تجي قالت بالليل قلتلها عطيني رقم ماما هني حست السالفه فيها ان طولت علي ماطلعت راحت تجيب تيلفونها طالعت لتيلفونها مافي ولا رقم!!!مسحت رقم معزبتها قلتلها ليش تطقين بيبي موحرام انجنت قالت انا مايطقي طبعا الجهال بنت عمرها سبع وولد عمره خمس وبنت سنتين والصغيره بالدراجه تبجي وتطالع يمين ويسار وهذي بالذات قطعت قلبي لانها ماتعرف تكلم وتشكي المهم حطت اصبعها بكتف الصبي ونغزته حيل انا يطق ريم انا يطق انتا الصبي يطالعني ويطالعها هز راسه بخوف قال لا وعيونه تقول غير هالكلام يوم شفتها تنرفزت هديت الوضع موخوفا منها لاوالله خوف علي هالجهال اللي مالهم ذنب غير ان امهم وابوهم مهملينهم وناسين ان في يوم القيامه راح يحاسبونهم هالمساكين علي كل لحظه رعب عاشوها وفراغ عاطفي والحنان من الام والاب ......
قلتها انتي شسمج قالت شانتي قلت انتي هنديه قالت اي قلتلها في عندج بيبي قالت اي منو قاعد عندهم قالت سستر يعني اختها قلتلها شوفي شانتي انتي اذا يشوف بيبي هذا زين ويصير سيم سيم ماما انتي بيبي الله يشوف (قصدت انتي راعي هالجهال حتي الله يحفظ عيالج) انتي يعرف سستر زين علي بيبي اولا انتي فكري عدل هني قامت دموعها تسكب حسيت كلامي وعاها وذكرها ان كماتدين تدان قلت انتي صيري اوكي مع بيبي الله يحفظ عيالج ....طبعا بالفتره اللي اكلم الخدامه عند الباب الجهال كانو موجودين والبنت ياقلبي ماسكتت احس روحها تبي تطلع من كثر مابجت قلتلها حبيبتي تعالي العبي مع بناتي وبنات اختي لما تجي امج وتردين والباب عالباب مارضت خليتها على راحتها ووصيت الخدامه عليهم وشفتها هجدت شوي واتوقع عليها ضغوط نفسيه المعزبه مخليه عليها البيت كله والطبخ ومسؤوليه الجهال انا مالومها الوم الام اللي تخلي ضناها وماتسأل عنهم اتوقع البنت ام سبع سنين قادره انه تعلم امها باللي يصير كل هذا ماتقدر تجيب خدامه غيرها متمسكه باللي تطق عيالها لييييييييش ؟؟؟انا رديت لشقه اختي قعدت ابجي وابجي لدرجه مااستوعب السوالف اللي بين خواتي بالقعده اكيد بعضكم يقول وانتي شكو حاشره نفسج ارد واقول بما اني ام وقلبي على عيالي واجب علي اني امنع الشر عن هالمساكين يمكن من كلامي ترحمهم ماقول انا عيالي عندي شكو بعيال الناس هذولا بشر واعتقد اطفال مالهم ذنب واذا كبرو راح يتعقدون ونفسيتهم تتعب والسبب اهمال الاهل قعدت ببيت اختي قلت انطر يمكن امهم تجي واكلمها قالتلي اختي انصحج لاتكلمينها يمكن تفشلج تقوللج وانتي شكو؟ قلت ماراح ارد عليها الا بشي واحد اقولها تخيلي انتي امج اربع وعشرين ساعه طالعه والخدامه تطقج كل يوم وانتي ولاقوه شراح تكون نفسيتج وشنو موقفج من اهلج لما تكبرين وبس....ادري قرقت روسكم بس من الحره اللي فيني واتمنى منكم المشاركه في هالموضوع لانه انساني بحت يخص اطهرخلق الله الاطفال وماقول غير حسبي الله ونعم الوكيل على كل ام ماراعت النعمه اللي عندها وغيرها يتمنى طفل واحد يااختي اذا موقد المسؤوليه ليش تجيبين عيال خافي ربج بالامانه اللي ربج وهبها لج حسبي الله ونعم الوكيل........سامحوني عالاطاله والله يحفظ عيالنا وعيال المسلمين آمييين
شلونكم بنات شخباركم ان شاء الله مرتاحين...بقولكم سالفتي اللي ماقدرت لحد الحين استوعب ان فيه امهات عديمين رحمه ومسؤوليه مايدرون عن عيالهم وللاسف هذا حال اغلبية الامهات ولاتلوموني من حرتي ... اليوم رحت انا وبناتي زياره لبيت أختي وياليتني مارحت قاعدين مستانسين نتقهوى والانسمع من الشقه اللي جنبهم صراخ وبجا جهال صغار والخدامه تصارخ عليهم قلت لاختي شسالفتهم وين امهم قالتلي هذا حالهم دايم امهم تطلع والخدامه متوليتهم طق قلتلها ليش ماتقولين لجارتج اللي هي امهم تقول زوجي رافض اني اتدخل سكت والا صياح هالجهال زاد انا هني ماتحملت قلبي تقطع تخيلت لاسمح الله عيالي بمكانهم....لبست عباتي ورحت طقيت الباب والا تفتحلي بنت عمرها تقريبا سبع سنين يايمه لو شايفينها شلون تشاهق من كثر ماتبجي تقطع القلب طبعا ظليت برا باب الشقه مادخلت سألتها وين امج قالت امي من امس مارحه بالجاخور قلت وابوج قالت مسافر قلت ليش تبجين قالت الخدامه كل يوم تطقنا انا هني فار دمي طقيت باب الشقه مره ثانيه عشان الخدامه تسمعني وتجي ولاذاك الوجه الاقشر معصبه والعيون حمرا قلتلها متي ماما تجي قالت بالليل قلتلها عطيني رقم ماما هني حست السالفه فيها ان طولت علي ماطلعت راحت تجيب تيلفونها طالعت لتيلفونها مافي ولا رقم!!!مسحت رقم معزبتها قلتلها ليش تطقين بيبي موحرام انجنت قالت انا مايطقي طبعا الجهال بنت عمرها سبع وولد عمره خمس وبنت سنتين والصغيره بالدراجه تبجي وتطالع يمين ويسار وهذي بالذات قطعت قلبي لانها ماتعرف تكلم وتشكي المهم حطت اصبعها بكتف الصبي ونغزته حيل انا يطق ريم انا يطق انتا الصبي يطالعني ويطالعها هز راسه بخوف قال لا وعيونه تقول غير هالكلام يوم شفتها تنرفزت هديت الوضع موخوفا منها لاوالله خوف علي هالجهال اللي مالهم ذنب غير ان امهم وابوهم مهملينهم وناسين ان في يوم القيامه راح يحاسبونهم هالمساكين علي كل لحظه رعب عاشوها وفراغ عاطفي والحنان من الام والاب ......
قلتها انتي شسمج قالت شانتي قلت انتي هنديه قالت اي قلتلها في عندج بيبي قالت اي منو قاعد عندهم قالت سستر يعني اختها قلتلها شوفي شانتي انتي اذا يشوف بيبي هذا زين ويصير سيم سيم ماما انتي بيبي الله يشوف (قصدت انتي راعي هالجهال حتي الله يحفظ عيالج) انتي يعرف سستر زين علي بيبي اولا انتي فكري عدل هني قامت دموعها تسكب حسيت كلامي وعاها وذكرها ان كماتدين تدان قلت انتي صيري اوكي مع بيبي الله يحفظ عيالج ....طبعا بالفتره اللي اكلم الخدامه عند الباب الجهال كانو موجودين والبنت ياقلبي ماسكتت احس روحها تبي تطلع من كثر مابجت قلتلها حبيبتي تعالي العبي مع بناتي وبنات اختي لما تجي امج وتردين والباب عالباب مارضت خليتها على راحتها ووصيت الخدامه عليهم وشفتها هجدت شوي واتوقع عليها ضغوط نفسيه المعزبه مخليه عليها البيت كله والطبخ ومسؤوليه الجهال انا مالومها الوم الام اللي تخلي ضناها وماتسأل عنهم اتوقع البنت ام سبع سنين قادره انه تعلم امها باللي يصير كل هذا ماتقدر تجيب خدامه غيرها متمسكه باللي تطق عيالها لييييييييش ؟؟؟انا رديت لشقه اختي قعدت ابجي وابجي لدرجه مااستوعب السوالف اللي بين خواتي بالقعده اكيد بعضكم يقول وانتي شكو حاشره نفسج ارد واقول بما اني ام وقلبي على عيالي واجب علي اني امنع الشر عن هالمساكين يمكن من كلامي ترحمهم ماقول انا عيالي عندي شكو بعيال الناس هذولا بشر واعتقد اطفال مالهم ذنب واذا كبرو راح يتعقدون ونفسيتهم تتعب والسبب اهمال الاهل قعدت ببيت اختي قلت انطر يمكن امهم تجي واكلمها قالتلي اختي انصحج لاتكلمينها يمكن تفشلج تقوللج وانتي شكو؟ قلت ماراح ارد عليها الا بشي واحد اقولها تخيلي انتي امج اربع وعشرين ساعه طالعه والخدامه تطقج كل يوم وانتي ولاقوه شراح تكون نفسيتج وشنو موقفج من اهلج لما تكبرين وبس....ادري قرقت روسكم بس من الحره اللي فيني واتمنى منكم المشاركه في هالموضوع لانه انساني بحت يخص اطهرخلق الله الاطفال وماقول غير حسبي الله ونعم الوكيل على كل ام ماراعت النعمه اللي عندها وغيرها يتمنى طفل واحد يااختي اذا موقد المسؤوليه ليش تجيبين عيال خافي ربج بالامانه اللي ربج وهبها لج حسبي الله ونعم الوكيل........سامحوني عالاطاله والله يحفظ عيالنا وعيال المسلمين آمييين
