لندن

[طيبة الطيبات]

السلام عليكم اخواتى كويتيات ممكن اسالكم اللى راحت وعالجت على حسابه فى لندن كم كلفها تقريبا العلاج لانه لجنة العلاج بالخارج رفضوا ومالقيت واسطه علشان شذى ابى اعرف كم تكلف تقريبا فوق 20الف اواقل لاتطولون على بالرد

 

[بنت سلوى80]

الله يرزقج حبيبتي بس بسألج ما رحتي عند الدكتور ناهض حماديه البنات وايد يمدحونة يقلون شاطر ويعطي من الآخر و بالنسبة حق لندن اذا صار لج أكثر من خمس سنوات ما حملتي يوافقون بدون واسطة

 

[أغصان]

حسبي الله ونعم الوكيل الديره صارت واسطات حتى انا رفضوني لأن ما عندي واسطه
واللي قهرني ان القانون الجديد ان الزوجه الاولى اللي ما انجبت وتزوج عليها زوجها وانجب ما يحق للزوجه الاولى العلاج على حساب الحكومه لأن الزوج عنده طفل حسبي الله ونعم الوكيل والله كسرت خاطري هالبنت عسى ربي يرزقها مع اني ما اعرفها

وبالنسبه لسؤالج اتوقع 10 آلاف يكفي ان شاءالله

 

[طيبة الطيبات]

جزاكم الله خير انا رفضونى لانه عمرى تعدى 43قلت لهم انا سويت 8عمليات وماعندى عيال تصدقون قالولى انه القوانين ماتسمح بس اذا وقام الدكتور يحرك ايده يمين وشمال يعنى اذا فى واسطه يصير حسبى الله ونعم الوكيل قلت له ماعندى غير رب العالمين قال روحى لوكيل الوزاره وجيبى موافقه وهنى عند زوجى ماوافق قال خل يولون

 

[كويتيه مذهله 87]

الله يرزقج ياااارب بدون سفره

 

[~ذات السُبحه~]

الله يرزقكم انش شاء الله حبيبتي

 

[زهوور الريف]

يااااااا حياتى عسى الله يرزقج يارب من حيث لا تحتسبين
ولامنتهم ياااارب

وكلى امرج الى الله واستغفرى
يمكن تسهل الامور عليج

والله ما اعرف كم الحسبه
بس الحبسه واااايد الله اعلم
لانى اعرف بنات ياخذون درب فى لندن سعره بألف دينار كويتى اعتقد حق الاجسام المضاده

 

[$غــ(ز)ــل$]

الله يسهل عليج يارب ويرززززززقج عاجلا غير آجل

اهما ماقالوا وقفوا العلاج بالخارج حق امريكا ولندن..؟؟
شلووون جذي مافهمت
ردوا القرار مره ثانيه ولا شنو

 

[طيبة الطيبات]

الله يجزاكم خير بس العلاج بالخارج حق امريكا ولندن والدول الثانيه ماوقف للواسطه القرار بالجرايد بس ولا شكثر اللى وافقوا عليه اعرفهم راحوا كانوا جايبين واسطاتهم وانا استغربت اللى قالت لى عشر الاف لانه فيه وحده تقولى بالاسبوع 4الاف مع السكن طبعا والله غاليه بس ربى موجود قاعده افكر ابيع ذهبى بس هم مايكفى يارب تفرجها علينا بدون سفر

 

[z3toora_88]

الله يسهل عليج ما عندي فكره بس انا راح اعالج بأمريكا وحاطه باكج تقريبا 15 ألف

 

[طيبة الطيبات]

مااظن يكفون 15 الف حق امريكا يقولون حيل غاليه بالعلاج

 

[RAIN FALL]

اهلين الله يسهل عليج يا رب اعتقد 10,000 دك تكفي بس اذا حابه اتاكدين ممكن تروحين لبعض المراكز بالانترنت و كل مركز حاط اسعار تقريبية و الدوا مثل الكويت بس زيدي 10% اما السكن من الانتر نت تقدرين تقدرين الاسعار و تحطين ميزانيتج

 

[طيبة الطيبات]

الله يجزاكم خير خواتى الغاليات على ردودكم وتفاعلكم الحين ابى اروح اصلى وادعيلكم ان الله يرزقكم خمس توائم دفعه وحده اربع بنات وولد هذا اللى ابيه مادرى تبون اكثر لانه الرزق عند رب العالمين مو عند الانسان

 

[z3toora_88]

يعيل جم يكفي حق أمريكا ؟ ما عليكم أمر بس تعطوني خبر

 

[أم أفنان]

السلام عليكم اخواتى كويتيات ممكن اسالكم اللى راحت وعالجت على حسابه فى لندن كم كلفها تقريبا العلاج لانه لجنة العلاج بالخارج رفضوا ومالقيت واسطه علشان شذى ابى اعرف كم تكلف تقريبا فوق 20الف اواقل لاتطولون على بالرد

أخـــتـــى الــــفــــاضـــلــه بالــنـــســبــه الــمــبلغ الـــمـــذكــور بالــديــنـــار الـــكــويتى قـــصــدج هــــذا غــــيــر

صــحــيح أنــا ســئـــلت الــدكــتـــور وقـــالــى إذا عـــلــى حــسابك الــخـــاص تـــقـــريبــا 7000 بــــاوند يــعــنى
3500 ديــنـــار كــويتى

ودكــتــــور يــعـــقــوب خــــلــف 6500 باوند ودكتور محمد الطرانيسى 6000 باوند تقريبا بس العلاج فقط

من غير المصروفات والشقق والطلعات والشقق بالاسبوع لايجار واقل شقه الحين 400 باوند بالاسبوع يعنى 200 دينار

كويتى والحسابه بتحسب

 

[المكسيكيه]

الله يرزقكم بالذريه الصالحه