لمن له خبرة في باريس

[((DANA))]

هذه أول مشاركة لي بمنتداكم الراقي ,, انا حابه أعرف معلومات عن الأسواق الرخيصة في باريس والأماكن السياحية والفنادق المناسبة والقريبة من الاسواق ...وطرق التنقل بالعاصمة .. وهل يصلح ان نستأجر سيارة خاصة ؟؟؟ وهل هناك مواقف متوفرة ؟؟؟

بأنتظار ردودكم ومشكورين مقدما :tek:

 

[سمبوسة]

حبيبتي باريس ما فيها سوق رخيص فيه المحلات العادية اللي مثل الكويت مثل زارا وناف ناف واتش اند ام وهذول موجودين بالشانزيليزيه ومجمع جاليريا لا فاييت هذا مشهور بس كله ماركات والشارع اللي هو فيه فيه محلات رخيصة ومنطقة اللا ديفانس فيها مجمع وعندج الاوت لت فيليج وهي مجمع الاستوكات ملوت الماركات هذي برة باريس يم ديزني لاند
الأماكن السياحية طبعا برج ايفيل ورحلة في النهر وقلعة نوتردام و متحف اللوفر اللي فيه لوحة الموناليزا وقصر فيرساي وطبعا ديزني لاند
الفنادق حاولي تاخذين اللي بالشارع اللي ورا الشانزيليزيه مثل فندق الورويك
طرق التنقل الأفضل المترو رخيييص وموجود طول اليوم السيارة اذا انتوا بس بباريس حرام ما تحتاجونها والمواقف يمكن موجودة بس عليها رسوم وااايد
وشوفي هالمواضيع
http://travel.maktoob.com/vb/travel77985/
http://travel.maktoob.com/vb/travel29373/

 

[((DANA))]

مشكوره حبيبتي على الرد

 

[فرنسا]

حياتي باريس كلها ماركات وبالتالي غالية والمحلات اللي برة الافايت معقولة مو رخيصة وبالنسبة للاوت لت فهو يبعد عن باريس 45 دقيقة و انا رحتة مرتين بس حسيت انة حدة عتيج يفشل يعني 2سيزن قبل لان السيل داخل باريس بالمحلات بعد نهاية السيل يودونة هناك
والماكن السياحية وايد عندج المتاحف ورحلة نهرية وايفل و و و الافضل اخذي من الاوتيل البروشور اللي يناسبج منهم
والفنادق وايد ش بالشانز وشي يم ايفل وشي بالاديفانس وشي بالاوبيرا و و و اختاري العروض من السفريات اللي يناسب ميزانيتج احسن
وبالنسبة للمواقف فغاااالية وايد والسيارة احسن اتاجرينها من الكويت ارخص بوايد منهم والتاكسي احسن لكن مشكلة التاكسي غالي مو رخيص و تبع الشرطة في باريس وعدد الاشخاص اللي مسموح فيها 4 فقط الا اذا تطلبين من الفندق تاكسي كبير والميترو ما انصح فية ركبتة مرة وخفت
وعلى فكرة ترى بتستغربين الاسعار فيها من ماي واكل حتى ماكدونالدز تفرق اسعارة فلازم تروحين وانتي عارفة عشان ماتنصدمين بالاسعار لان انا اول مرة رحت عبالي يقصون علي في ماكدونالدز بالاسعار ... كنت متوقعة الاسعار موحدة عالميا طلع يفرق بس مو وايد

 

[وافية*]

حبيبتي نصيحة واللة لاتروحين باريس تضيق الخلق وتلوع الجبد واللة رحت وقعدت يومين كنسلت الحجوزات ورديت المانيا كلش موشي غلقة وكلها عرب وغااااااااالية يعني مافيها اسواق حلوة ورخيصة مثل لندن والمانيا وغيرهم...

 

[¤§ زيتونة §¤]

باريس حلوة وايد للتمشي والمناظر والطبيعة والبراد
بس غاااالية وايد

انا رحت مرتين بس ما كنت مفكرة اشتري شي بس تمشي وطلعات ووناسة يبت اشياء بسيطة حدها من دزني لاند تذكارية لليهال


والله اهي حلوة وتهبل كطبيعة وبراد وراحة نفسية وشعبها يهبل ماله علاقة فيج متحجبة كويتية عربي لا كل واحد في حاله

وراح تلاقين السعوديات يحليلهم شايلين سلات القهوة والشاي وقاعدين مني ومناك على طولات الشانزليزيه هههههههه

انا كنت استانس لما اشوفهم


يعني لا تحسبين حساب هدايا من هناك لا غالييييين عليج وايد

الا اذا لقيتي شي لج انتي اي

وعليج بالعافية