لمن لديه المعلومه واللي شاريه وحدة تكييف ..سؤال

[العمر]

السلام عليكم

ممكن كل وحده اتقولي من خلال تجربتها أو اللي سامعته عن الوحدات , شنو أحسن وحده من ناحية التبريد و السعر

 

[مملكه الرشاقه]

حبيبتي تونا شارين وحده لغرفه الخدامه ماركه ونسا من الغانم وحجمها 18000 وسعرها 109

وزينه وبارده

 

[احساسي غريب]

ونسا صينيه والصيني مو شي بصراحه انا ركبت وحده بغرفتي من شهرين تقريبا هيتاشي 2 طن اخذتها من الغانم بـ208 رووووووووعه بصراحه صوت خافت وبنفس الوقت يغطي الازعاج وتبريد حلو تتحكمين فيه مثل ما تبين حتى الصوت تقدرين تعلينه وتوطينه انا خليته عالي لأن بيتنا ازعاج وغرفتي قريبه من الدرج اللي ينزل ع الصاله ومرات اكون نايمه والصاله فيها اهلي قاعدين على التلفزيون فالازعاج مو طبيعي والتبريد حلو ينسنس وينعش بنفس الوقت :d

بخصوص الحجم والوزن للوحده يكون على حسب مساحة الغرفه اللي بتركبينها فيها لما تروحين تشترين بيسالونج عن مساحة الغرفه واذا عليها مضرب شمس ولا لا وهم يساعدونج ويشوفون شنو الحجم المناسب نصيحتي لج اذا تبينها لغرفة نوم او غرفة قعدة اخذي ياباني هيتاشي او توشيبا والتوشيبا اغلى من الهيتاشي بشوي