لمن قرب الدوام ،، انحاشت خدامتي :(

[لميس نفسي]

السلام عليكم ورحمة الله وبركاته



طبعا مو خوش خبر
تتفاجا بصباح الله خير ان خدامتج الحليوه اللي لها سنه ونص عندج وعارفه كل شي وماسكه اليهال وعارفتهم انها تنحاش فجاه من دون سبب

والمصيبه ان الدوامات يوم الاحد ؟؟؟؟





احس راسي بينفجر صج

انا عندي ولد سنتين ونص وبنت عمرها سنه


هالعمر جدا حساس وصعب

ماهمني الطباخ ولا النظيف كثر عيالي


الحين ان داومت وين احطهم

خالتي ماراح تستقبلهم
وامي بيتها بعيد عن بيتنا


؟؟؟




ادخلهم حضانه احس صغار عليها
واذا ادخلهم اي حضانه تستقبل ؟ احنا بيتنا بالمنطقه العاشره بجابر العلي ؟


عطوني ارائكم حول مشكلتي
وان كنتو بمكاني شنو راح تسون ؟؟؟

 

[Pink_Roses]

اختي احسن لج حطيهم بحضانه وعيالج مو صغار احسن لهم من القعده مع الخدامة في البيت بس دوريلج حضانه زينه وثقه انا عيال اختى حاطتهم بحضانة الرساله بجنوب السرة وايد زينه

 

[نور دنياه]

الله يعينج والله هالخدم هم الواحد مايعرف شلون يرضيهم
مافي حل الا انج تحطينهم بحضانه والله يكون بعونج

 

[أم حسوون]

السلام عليكم
الله يعينج ويسهل عليج ، حاليا لج حلين أما خدامة مؤقتة وتحطينهم تحت عند جماعتج وهذا ما أنصح فيه لأن المؤقتات مو كلهم ثقة وما يبون جهال ، الثاني أنج تحطينهم بحضانه والكبير سنه حلو للحضانه يتعلم والصغير هم مو صغير حيل وأنت مضطرة وإذا على الحضانات فيه واجد وزينين عندج بهدية وهم بالرقة حضانة المجد حلوة عيالي كانوا فيها والله يسهل ليما تجيج خدامة ثانية والكبير أنصحج تكملين معاه بالحضانه .

 

[ملامح بريئة]

الله يعوضك انشالله ويحفظهم والله نظام المربيات نفس طريقة المصريات ابرك والحضانه احسن وأامن اذا مو على عين احد الخادمة

 

[هيبة ملك]

يبه مالج الا امك ودي عيالج عندها لين تجيبي خدامهالله يعينج يارب. وربي هذي ورطه

 

[أإلع ـشق دلع ـهـأإ]

جيبي لج خدامه مؤقته ام شهر قولي ابي حق اطفال ويجيبون لج

والصبح خليها تنزل مع عيالج تحت اذا تخافين او تحطين كامره مالت سنتر بوينت اللي تشوفينهم بالتلفون حلوه

قولي انا حاطه كاميرا وتطمنين عليهم احسن

وطلبي لج خدامه

 

[ديما الكويت]

حبيبتي الله المستعان ’’’ صج ورطة أولا استعيني بالله سبحانه بيفرج امورج وثانيا مثل ما قالوا البنات الحضانة ياخدون من عمر6 شهور بس يبيلج تسألين وتدورين عددددل .

 

[Ranoon]

كبير حضانة
وصغير جيبي سستر اذا تجي صبح تمسك طفل
وتنزل فيه تحت على ما تحصلين خدامة


او اذا مو سستر جيبي خدامة بساعات


والله يعينج