لمحـ~ـــه.. بس تــعــّور..... ( تفضلوا جميعاً ...)

[caramil]

بسم الله الرحمن الرحيم ..
والصلاة والسلام على اشرف المرسلين..
سيدنا محمد وعلى آلـــه وصحبه اجمعيـــن..


صبحكم الله بالخير..يا ااهل الخير.. :eh_s(8):

بصراآإحه فترة طويـــله ماكتبت بهالقسم..
مافيني حيل اجادلـ.. وادخل في عراإك..

فعلاً..على كثر مانعطي لهالمنتدى..
جزء كبير من عافيتنا قاعد يروح بسبة نآإس - هداهم الله - بحاجه لـ ديتول
يغسل مخوخهم وقلوبهم :eh_s(7): ..


عموماً..مو هذا موضوعي..
​

لمحـــه ماتـغـيـب عـن الـعـيـن..:
​

​

قبل فتره ... مو بعيده.. قررت اقضي الويك اند في قرية المسيله المائيه..
تغيير روتين.. حبيت اتعرض للشمس.. واستمتع بالصيف قبل لا يروح ...>> متعوب على استمتع بالصيف:rerrerek:

شدة انتباهي بنت .. اذا ماخاب ظني..ما اعتقد تجاوزت الـ13 من عمرها..
على كرسي متحرك.. لابسه ملابس صيفيه خفيفه وعاجفه الشعر ..
وإللي تدزها اعتقد يدتها لأنها كبيره حيل في العمر.. مبرقعه..بس خلونا نقول امها

وتاخذها من مكان لي مكان... حسيت انها ماتبي تحسسها بعجزها..
للأسف ماكانت تدري الحجيه ان العجز مو بـ بنتها...إنما في عقليات البعض..
وفي اخلاق البعض... وفي قلوووووب الجزء الاكبر من البشر...



تحديداً في فترة الحفلة ( الدي جي )..

دزتها امها .. صوب عيني حبت تدخلها بحلبة الرقص ( مثل مايسمونها)..
علشان تكون قريبه وفي قلب المكان... تسمع وتشوف كل شي..

للأسف دخلت وحده من البنات ( عفوا"....) وحده من الــناقصات..
وبدت ترقص و تتمايل..
وعطت البنت ظهرها ...إلين حسيت انهم غطوا عليييها من كثررررهم..واقمتوهاا..
وحررر ورطوووبه..

امها خافت عليها..حاولت تحرك الكرسي...لكن المكان امتلأ بالفعل..
وهني بدت قلة الادب على اصوولها..

قامت البنت تفرغ النقص اللي فيها على البنت الصغيره ..بوقاحتها وقلة ادبها
وتحرك لها كرسيهاا..والام تحاول تثبته...
وتغني بصوت عالي بويهها..
والام تدفعها للأمام..وتوخرها عن بنتهااا..وقهقهات مبعثره من الناقصات اللي حولها
وبدا الوضع يزداد مصخره...على هالمسيجينه... مع شوية ( خمـه ).. وشوية ( حثاله)

واانا من بعيد احاول ألتقط هاللمحات السريعه اللي قاعده تصير..!!!

ورب الكعبه لو كانت قريبه مسحت ويهها بالارض من شدة القهر !..​

إنتهى​

عذراً...ربما انتهينا من سرد ماحدث...لكنا للتو بدأنا نسرد وبكل واقعيه...
آهات .. من واقع المجتمع ( دعوني اطلق عليه ...مجتمعنا الغبي )...لأنه حتماً بمنتهى الغباء..

لذا...

نبدأ من جديد..​

قوتنا .. وفرد عضلاتنا.. ليش ماتكون الا على الشخص الضعيف.....؟؟!

نتعملق... على الصغير...لكي نشعر بأننا عمالقه ..والحقيقه اننا اقزام مهما علت اصواتنا....

نفتخر كون قريبتنا ( بويه ).. او او او...نعلق معاصينا على صدورنا..كـ وسام.. و مساوئنا على رؤوسنا تاج
ونخجل .. من حقيقة ان ....

لدي اب معاق... او اخت معاقه... او قريبه معاقه..

نتسابق .. ونفعل المستحيل كـي نصبح وحده من رفيجات ( البنت الستاااااايل اللي واقفه هناك)..

وبالمقابل نخجل ان نمد يد العون ...لمعاقه تدور بداخلها معركه بين [ اواجه هذا المتجمع الغبي؟
ام اختبأ خلف ستار الـــ هامش....؟ ]....


راجعت مفرداتي كثيراً..لأنني شعرت اني سأفقد السيطره عليها.. بحاجه ان اصرخ
تباً لكم ... ضعفاء النفوس..تباً لكم ضعفاء القلوب..تباً لكم ...


كانت لي صديقه.. اكثرت من الحديث عني هنا وهناك..
كل كلامها ماحرك شعره من راسي...لكن يحز بالخاطر كثييييييير ان تقول...:

( كراميل = مها...تمشي وتقول امي معاقه ..وابوي معاق... )...!!

ردي لها سيكون من خلال هذا المنتدى..

( اقولها وبالراس المرفوع.. بإختصار..لأنهم رغم اعاقتهم..
احسنوا تربيتي..وهذا ما اراه في عيون الكل :* وفي المقابل ..
كثير من الامهات دون اعاقه ... وآباء بصحه وعافيه...
لم يحسنوا تربية انفسهم حتى ....)



الموضوع قابل للنقاش ...

تحياتي لكم ::eh_s(17):
كرآميـــل...​

 

[mareea]

صبحج الله بالنور و الكرامه

واااااااو موضوع روعه

فعلا المنتدى قام ياخذ من عافيتي لكن ... لاتعليق على بعض البنات

البعض صار همج رعاع


,
,
,
الله يعطيج ألف عافيه

لي عوده اتناقش وياكم

 

[caramil]

أأوووووه ..حياللــــه مآآريا...
ياهلا..ومسهلاا..

تصدقين ماعرفتج :d !!!!!!!!!
عرفتييييييييني ؟؟؟؟؟؟؟؟؟؟؟؟؟؟؟؟؟؟؟؟


مشكوووره على تواجدج...وببإنتظار مداخلتج ..( درعمتج )..بالموضوع :*

تحياتي لج :*

 

[tejaria]

مادري ليش حاطين دوبهم بدوب المعاقين
رغم اعاقتهم ماشاءالله عندهم مواهب واذكياء اذكي من الانسان الصاحي الي مافييه
شي وبالنسبه للبنات الي شفتيهم هناااااك صججج مايستحووووون علي ويوهم اقهروني
مادري شلون الناس اتفكر؟!!

ومجتمعنا صج صج غبي مثل ما تقولين


ع العمووووووم ماتقصرين حبيبتي ع الموضوع الروعه

 

[Nana alhlwa]

يعطيج العافيه
يسلموووووووووووووووووو حياتي على الموضوع الروعه مثل صاحبته

 

[caramil]

تسلمون حباايبي على المرور..
شدعوه ياحافظ ماكو احد بيناقشني بللي صار ..

ناطرتكم..

 

[meme>the best]

أنا انصدمت من البنت عديمت التربيه والأخلاق ألي ترقص وتتمايل جدام انسانه معاقه << اقولها والله وانا استحي من نفسي لاني ماحب اقول معاق فكم من معاقين بالجسد لكنهم فعلو ألي الانسان االعادي ماقدر يسويه افضل اني اسميهم المعجزه مايحتاج نتكلم عنهم كافي التلفزيون والانترنت ومقاطع الفيديو وحتى بالواقع ثبت هالشي واكبر دليل امج وابوج ألي ربو بنت كفو ونعم التربيه لكن البنت عديمت الأخلاق اثبتت انها اهيا المعاقه ( معاقه بالأخلاق والعقل ) بنت ماعندها لاضمه ولاضمير معقوله فيه ناس جذي ؟؟ اهيا حتى مااحترمت الأم الكبيره بالسن ( حسبي الله ونعم الوكيل عليها ) تمنيت يكون لج موقف ياأختي وموقفه عديمت الأخلاق عند حدها وصدقيني مو كلنا مثل هالبنات ألي ذكرتيهم ورفيجتج ماتستحي ماتدري انه احنا كلنا تحت الثرى )).. ماله داعي هالكلام *وسلمت يداك عالـ طرح الحلو ولو انه مؤلم لكن محتاجين مواضيع تتكلم عن هالمشكله وربي يخليلج امج وابوج بقلبي كلام وايد حاولت اختصره << انشاءالله عاد اختصرته لاني احس هذرت وايد كخخخ ^_^ *

 

[M!Ss 3B8RiNOaH]

انا بالنسبة لي يكون الانسان معاق جسديا ولا معاق عقليا
وهذا اللي قاعدين نشوفه الناس صارت معاقة بعقلها ماتفهم ..
الله يهديهم يارب

تسلمين عالطرح حبيبتي ..

 

[جنون الهوى]

يعطيك العافيه يالغلا
على هالموضوع​

 

[Unusual]

هلا والله اختي صباح الكراميل ..

بصراحة .. جيتي ع الجرح .. انا دوووبي ودوب الناس الي يستحقرون هالفئة ..
وربي انهم مبدعين يعملوا احيانا اشياء احنا مانعملها ..
وووووكله كوووم ولما تروحي مكان عام ومعاك شخص معاق .. يتعبوووونه من كثر مايناظرون فيه ..
اااااكره نظرات الشفقة .. الي يرميها البعض عليهم ..

من الأدب والذوق والايتيكت مانناظر فيهم كأنهم مخلوقات فضاائية .. لأن هم عندهم احساس بعد . ..

لاتلوووووموني مقهوووورة من بعض الناس ..

شكررررا كرررراميلا ..
وهالبنت الي ذكرتي قصتها جالسة تتهزز وترقص تحمد ربها على العافية .. ماتدري بكرة اش يصير .. ؟!!!

 

[سنيوريتآ]

مووضوووع جميييييييل ..~

يسسسلمووو على آلططرح كرآإمييل ..ْ

 

[نوره 99]

حقدت عليها البنت ... هالشي ماله علاقه بعمر ولا بتربيه ... اللي له قلب راح يتعاطف معها
ابشع شي ان الواحد يستحقر من هو اعجز منه ...
ياربي شعووور كريييييه ... انا لو مكانها بكره نفسي .. استغفر الله
.
.
بالنسبه لصديقتك ... الله يهديها
وتسلم يمين من ربوك ... والله يستاهلون بوسه ع الراس اللي ربوا بنتهم على هالأخلاق الطيبه
وهم بنظر الناس عاجزين

 

[Sn0o0pY_JoJo]

موضوعج بـ مكان حسـآس .. إنشـآف هـ الموقف ويـآج
بعض النـآس مادري شلون يفكرون.. بـ صراحة كتبت كلمة يفكرون و ييت امسحها .. لأن مادري ان كان هذا بـ تفكيـر أو لأ ..!!
انا قريت شغله قبل يومين بـ برودكاست "العقل وعاء" و "اللسان ملعقه" و من من ملعقه اكبر من وعـآء ..

شنو اهوا المجتمع ..؟ ما اعلمج إنتي ادبي و ادرا لوول ..
المجتمع اهوا مجموعه من الافراد .. و كل فرد له رأيه .. عقلتيه .. اعتقاده .. تفكيره .. منطقه .. إلـخ

مجتمعنا الغبي = افراد غبيه

تقدرين تقولين مجتمعنـآ معـآق فكريـًـا ..
انا ويآاج في كل كلمة .. كل حرف .. كل خط , نقطه , فيس حطيتيه

و أزيدج .. شفتي كل الصاحيين حوالينج ..؟
جوود يعيشون 100 سنة و يموتون ولا اهم مسويين شي ولا مبدعين بـ شي
لكن لمن تيين للمعاقيـن فهم اجود منا بـ وايد اشياء و مبدعيــــــــــــــــــــــن
شفتوا دعاية فيفا ..؟!! "اختصار لـ اللي بقوله"

كانت لي صديقه.. اكثرت من الحديث عني هنا وهناك..

كل كلامها ماحرك شعره من راسي...لكن يحز بالخاطر كثييييييير ان تقول...:​

( كراميل = مها...تمشي وتقول امي معاقه ..وابوي معاق... )...!!​

ردي لها سيكون من خلال هذا المنتدى..​

( اقولها وبالراس المرفوع.. بإختصار..لأنهم رغم اعاقتهم..
احسنوا تربيتي..وهذا ما اراه في عيون الكل :* وفي المقابل ..
كثير من الامهات دون اعاقه ... وآباء بصحه وعافيه...
لم يحسنوا تربية انفسهم حتى ....)​

الموضوع قابل للنقاش ...

​

​

لكن لين تنقـآل الجمله : امي معاقه .. ابوي معاق ..!

شنو المغزى ..؟! ا
لتربية مو انج تمشين و تقولين انا متربيه
التربيه تنشاف .. تنسمع .. و مع العشـرة تبين

و هم في شي جود ذكرتيه و ما انتبهت له لكن

في وآيد يستخدمون "امي معاقه .. ابوي معاق" عشان الشفقــه
إي نعم .. شــ .. ـفـ .. ــقــ .. ــه ..

تبي تخلي الناس تشفق عليها عشان يعطونها اللي تبيـه

فـ إهنـي .. فكـــــــــــــري قبل ما تقولين امي معاقه .. ابوي معاق
قلتيها مجتمع "غبي" على قولتج ... مو كل من يفهمها تربيه

تحيـآتي لج :*
​

 

[صب القفشه]

صبااح الخيير

بدايه حابه اقولج ان طريقتج في طرح المواضييع وايد حلوه و مشوقه ... ووايد استفدت من موضوعج الموجود في قسم المكياج ..

فعلا مثل ما ذكرتي "لمحه بس تعّور " اي و الله تعّور .. طالما احنا عايشين بمجتمع يهتم بالمظهر الخارجي اكثر من اهتمامه بانجازات الشخص اللي جداامه ... فنجد كثير من الناس يستحقرون وو" يستقوون" على اللي اضعف منهم .. و الامثله على ذلك كثيره و منهم الموقف اللي شااهدتيه و نقلتيه لناا ..

و حبيت اذكر مقاله او اللي اهوا المهم اهيا " العقل السليم في الجسم السليم " طبعا الكثيير من الاشخاص تعتقد انها صحيحه لكن من وجهه نظري خااطئه ١٠٠٪ لان مو كل شخص غير معااق تفكيره سليم بل ممكن ان يكون معااق فكريا و بينما نرى الشخص المعااق اذكى و اكثر ابداااعااا من الشخص الصااحي


تشجعت ارد بموضوعج على الرغم من قله ردودي في هذا القسسم

و شكرااا

*

 

[فدوووو]

موضوعك فريد من نوعه

وبقولك ملاحظه بسيطه الحين مانقدر نقول هالشخص معااق لا نقول له شخص من ذوي الاحتياجات الخااصه

اما بالنسبه للبناات اللي قاموا يرقصون قدام البنت اللي من ذوي الاحتياجات الخاصه

اتوقع تصرفهم ماله دخل بالتربيه قد ماهو دخل في تفكير نفس الشخص اللي سووا هالغلط واعتقادة انه هو احسن منهم

بس احسن منهم بايش بانه يمشي والا بالانجازات اللي راح يسويها وهو ماراح يسوي نفس اللي من ذوي الاحتياجات الخاصه

 

[caramil]

بصرآإحــه سلمت يمنآإكم.. احياناً ارى اناس _ سبحانك ربي _ يترجمون مايدرون
في عقل مها بكلمات ..لم تسعف لسان مها !..

حدثني دكتوري ذات يوم.. ( ولإني بنت ادبي ..)..
المقال الأدبي .. يفضل ان لا يحشى بالعبارات الصريحه..
وان التلميح فن اجمل من التصريح..!

جاء هذا اليوم لكي اعارضه وبـ شده.. لأن هناك الكثير ...حتى الكلام الصريح كبير على عقولهم !
ولا يستوعبونه.. فـ كيف حين نلجأ للتلميح..:eh_s(17):

كنت اتمنى ان لا لا يأخذني التلميح إلى التصريح .. فــ التجريح
لكن حبيت افهم ( بنت علمي ..)

بإنني حين كتبت تلك العباره .....:
"

( اقولها وبالراس المرفوع.. بإختصار..لأنهم رغم اعاقتهم..
احسنوا تربيتي..وهذا ما اراه في عيون الكل :* وفي المقابل ..
كثير من الامهات دون اعاقه ... وآباء بصحه وعافيه...
لم يحسنوا تربية انفسهم حتى .... )




فإني اعني .. لا يعاب علي ..ان يكون لي اب معاق.. وام معاقه..

لم استخدم عباراتي هذه لـ كسب شفقه من احد !! وويت ...لـــ ووووووووووولـ
عذرا"..( بس جد يضحك الموضوع).. لست بحاجه لشفقه من احد..!
واعتقد الكثير يعرف من هي مها ..:eh_s(7): وكيف هي حياتها :eh_s(22):

لكني ذكرت تلك المفردات ..لإفتخر بـ أبـــي... وامـــي..
صحيح اني ( رافعه الراس ) طول ما انا عايشه..لأنهم هذيل اهلي..:eh_s(17):

لكن المقال تطلب مني سرد تجربه واقعيه وقريبه مني..علشان جذي تكلمت عن اهلي :eh_s(7):..

لكن كما ذكرت..
التلميح يصعب على البعض ...
يصعب كثيرا..



انتهى

دمتم بـ ود أحبـتي :eh_s(17)::eh_s(17)::eh_s(17):