ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
بســــــــــــــــم الله الرحمن الرحيـــــــــــــــــــــــم
بما ان الربيان نزل السوق وبكثره ماشالله :ggdw: هالاسبوع سويت مرتين اطباق فيها ربيان فحبيت افيدكم فيها وتفضلو
ابديكم بالطبق الاصعب
هذا طبق صيني او اسيوي
عباره هم فرايد رايس بالربيان والخضار مع ربيان تامبورا بالجبنه
طريقته
اولا تاخذين الربيان وتقشرينه وتخلين بس الذيل وتنظفينه زين وشيلي الخيط اللي بالظهر لانه يسبب الزفوره بالربيان ورشي عليه شويه طحين مده 10 دقايق بعدين غسليه من الطحين
وتبلينه بعصير ليمونه مع بشر شويه من قشرتها + قفشتين زيت زيتون+ قفشه صويا صوص+ ملعقه ماسترد+ شويه ملح وفلفل اسود وكزبره خضره مفرومه تقريبا قفشتين
بصله صغيره مبشوره+ فصين ثوم مفرومين
تحطين التتبيله بالخلاطه وتبيلين فيه الربيان مده ساعتين على الاقل
اللحين مقادير التامبورا
كوب طحين+ قفشه نشا+ قفشه طحين عيش+ بيضه+ كوب ماي الصودا( الي ماعندها ممكن تخلطين كوب ماي مع نص قفشه صغيره بيكربونات الصودا)
رشه كركم+ رشه بابريكا+ ملح وفلفل اسود+ شويه كزبره خضره مفرومه+ قفشه كبيره من اي نوع من الجبنه الكريميه
وتخلطينهم مع بعض
&& الطريقه&&
اولا شيلي تقريبا ربع كميه الربيان حق العيش
اما بقيه الربيان غمسيهم بخلطه التامبورا واقليهم
راح يسير الربيان جذي
اما العيش
تاخذين بقيه الربيان وتقشرينه وتقصصينه قطع صغيره تقريبا كل ربيانه تقصينها 3 اجزاء
تسوين حمسه عباره عن فصين ثوم وقطعه صغيره من الزنجبيل حمسيهم بشويه زيت وحطي عليهم الربيان وقلبيهم
وحطي عليهم ملح وفلفل اسود وكزبره بودره وقلبي الكل
لما تمتزج المقادير عدل حطي عليهم شرايح من هالخضار( جزر+ كوسا+ ملفوف) وقلبيهم مع الربيان
بعدها حطي 3 قفاش صويا صوص تقريبا وخليهم عالنار 5 دقايق لاتكثرين وسكري النار علشان الخضار نبيها شويه تتقروش
اما الرز ( العيش) نسلقه عادي نفس الطريقه المتعوده عليها وبعدها صفيه من الماي ورديه بجدر تكونين حاطه بقاعه الجدر شويه زيت ذره وفوقه نص العيش وعليه حمسه الربيان وفوقه باجي العيش وبالاخير حطي قفشتين صويا وقفشه زبده وقلبيهم مع بعض
وخليه على نار هاديه ويفضل تحطين قطعه حديده اوصاجه علشان يستوي العيش على مهل ويتسبك
بس اهم شي وانتي تسوين الطبخه ذوقي الاكل علشان تظبطين الملح
وقدمي العيش مع تزينيه بقطع ربيان التمبورا والليمون
بالعافيه لاتطوفكم
+++++++++++++++++++++++
الطبق الثاني
المربين الناطع @@
تاخذين تقريبا نص كيلو ربيان او حسب عددكم وتنظفينه زين وتشيلين القشور كلها من عليه وتشيلين الخيط اللي بالظهر ونقعيه بقفشتين طحين ونص قفشه كركم وربع قفشه كبيره ملح مده ربع ساعه وبعدها غسليه زين وخليه بمشخل كبير علشان ينزل منه الماي
اللحين تاخذين جدر وتحطين فيه ربع كوب زيت ذره وتحمسين راس صغيره بصل مفروم ولما يبدي يشقر لونه حطي فصين مهروسين من الثوم مع شويه زنجبيل وحركيهم
حطي الربيان على الحمسه وقلبيهم مع بعض لحد مايتغير لون الربيان حطي على الربيان ملح وفلفل اسود ورشه كركم ونص قفشه وسط كزبره بودره مع قفشتين كزبره خضره مفرومه وقفشه وسط ليمون اسود وظبطي الملح حسب مذاقج
شيلي الربيان من الحمسه وحطيه بصحن بروح
#############
وحطي بنفس الجدر الي حمستي فيه الربيان راح يكون فيه زيت وبهارات عقب الربيان ونكهه الربيان حطي عليهم
2 طماط طري مهروس+ قفشتين كبار معجون طماط+ حبه ليمون اسود تكونين كاسرتها بايدج او بالهاون لاتطحنينها خليها مكسره بس+ حبتين هيل+ ملح حسب المذاق+ رشه من البهارات المخلوطه تقريبا نص قفشه وسط+ حبه ورق غار+ حبه ورق كاري( موجود بفرع الخضار وومكن الاستغناء عنه)
وحطي على هالحمسه كوب ماي مغلي وخليه عالنار دقايق الى ان الصلصه تثقل شوي
حطي العيش على هالصلصه وقلبيهم مع اضافه قفشتين زيت ذره والي يحب يحط قفشه سمن نباتي معاها تعطيها نكهه وريحه خنينه
وخليها على نار هاديه وقدميها مزينه بالربيان المحموس بالعافيه
بما ان الربيان نزل السوق وبكثره ماشالله :ggdw: هالاسبوع سويت مرتين اطباق فيها ربيان فحبيت افيدكم فيها وتفضلو
ابديكم بالطبق الاصعب
هذا طبق صيني او اسيوي
عباره هم فرايد رايس بالربيان والخضار مع ربيان تامبورا بالجبنه
طريقته
اولا تاخذين الربيان وتقشرينه وتخلين بس الذيل وتنظفينه زين وشيلي الخيط اللي بالظهر لانه يسبب الزفوره بالربيان ورشي عليه شويه طحين مده 10 دقايق بعدين غسليه من الطحين
وتبلينه بعصير ليمونه مع بشر شويه من قشرتها + قفشتين زيت زيتون+ قفشه صويا صوص+ ملعقه ماسترد+ شويه ملح وفلفل اسود وكزبره خضره مفرومه تقريبا قفشتين
بصله صغيره مبشوره+ فصين ثوم مفرومين
تحطين التتبيله بالخلاطه وتبيلين فيه الربيان مده ساعتين على الاقل
اللحين مقادير التامبورا
كوب طحين+ قفشه نشا+ قفشه طحين عيش+ بيضه+ كوب ماي الصودا( الي ماعندها ممكن تخلطين كوب ماي مع نص قفشه صغيره بيكربونات الصودا)
رشه كركم+ رشه بابريكا+ ملح وفلفل اسود+ شويه كزبره خضره مفرومه+ قفشه كبيره من اي نوع من الجبنه الكريميه
وتخلطينهم مع بعض
&& الطريقه&&
اولا شيلي تقريبا ربع كميه الربيان حق العيش
اما بقيه الربيان غمسيهم بخلطه التامبورا واقليهم
راح يسير الربيان جذي
اما العيش
تاخذين بقيه الربيان وتقشرينه وتقصصينه قطع صغيره تقريبا كل ربيانه تقصينها 3 اجزاء
تسوين حمسه عباره عن فصين ثوم وقطعه صغيره من الزنجبيل حمسيهم بشويه زيت وحطي عليهم الربيان وقلبيهم
وحطي عليهم ملح وفلفل اسود وكزبره بودره وقلبي الكل
لما تمتزج المقادير عدل حطي عليهم شرايح من هالخضار( جزر+ كوسا+ ملفوف) وقلبيهم مع الربيان
بعدها حطي 3 قفاش صويا صوص تقريبا وخليهم عالنار 5 دقايق لاتكثرين وسكري النار علشان الخضار نبيها شويه تتقروش
اما الرز ( العيش) نسلقه عادي نفس الطريقه المتعوده عليها وبعدها صفيه من الماي ورديه بجدر تكونين حاطه بقاعه الجدر شويه زيت ذره وفوقه نص العيش وعليه حمسه الربيان وفوقه باجي العيش وبالاخير حطي قفشتين صويا وقفشه زبده وقلبيهم مع بعض
وخليه على نار هاديه ويفضل تحطين قطعه حديده اوصاجه علشان يستوي العيش على مهل ويتسبك
بس اهم شي وانتي تسوين الطبخه ذوقي الاكل علشان تظبطين الملح
وقدمي العيش مع تزينيه بقطع ربيان التمبورا والليمون
بالعافيه لاتطوفكم
+++++++++++++++++++++++
الطبق الثاني
المربين الناطع @@
تاخذين تقريبا نص كيلو ربيان او حسب عددكم وتنظفينه زين وتشيلين القشور كلها من عليه وتشيلين الخيط اللي بالظهر ونقعيه بقفشتين طحين ونص قفشه كركم وربع قفشه كبيره ملح مده ربع ساعه وبعدها غسليه زين وخليه بمشخل كبير علشان ينزل منه الماي
اللحين تاخذين جدر وتحطين فيه ربع كوب زيت ذره وتحمسين راس صغيره بصل مفروم ولما يبدي يشقر لونه حطي فصين مهروسين من الثوم مع شويه زنجبيل وحركيهم
حطي الربيان على الحمسه وقلبيهم مع بعض لحد مايتغير لون الربيان حطي على الربيان ملح وفلفل اسود ورشه كركم ونص قفشه وسط كزبره بودره مع قفشتين كزبره خضره مفرومه وقفشه وسط ليمون اسود وظبطي الملح حسب مذاقج
شيلي الربيان من الحمسه وحطيه بصحن بروح
#############
وحطي بنفس الجدر الي حمستي فيه الربيان راح يكون فيه زيت وبهارات عقب الربيان ونكهه الربيان حطي عليهم
2 طماط طري مهروس+ قفشتين كبار معجون طماط+ حبه ليمون اسود تكونين كاسرتها بايدج او بالهاون لاتطحنينها خليها مكسره بس+ حبتين هيل+ ملح حسب المذاق+ رشه من البهارات المخلوطه تقريبا نص قفشه وسط+ حبه ورق غار+ حبه ورق كاري( موجود بفرع الخضار وومكن الاستغناء عنه)
وحطي على هالحمسه كوب ماي مغلي وخليه عالنار دقايق الى ان الصلصه تثقل شوي
حطي العيش على هالصلصه وقلبيهم مع اضافه قفشتين زيت ذره والي يحب يحط قفشه سمن نباتي معاها تعطيها نكهه وريحه خنينه
وخليها على نار هاديه وقدميها مزينه بالربيان المحموس بالعافيه
