لما تعرفين انه فيج بنت او ولد بصراحه تعلمين الناس والا ماتعلمين حياج نسولف

[كتالونيه]

مرحبا :eh_s(7):
بناااااااااااااااااااات:_
حبيت اكتب موضوع وكلنا مرينا فيه
بصراحه لما تسوين سونار وتعرفين انه فيج
سواء ولد او بنت منو تعلمين ومنو الي ماتعلمينه
اغلب البنات مايعلمون بالمره
وبصراحه بحملي الاول ماعلمت احد بس انا
وزوجي وامي حتى اهله مايدرون
وكانو يعلقون انه فيني بنت
اما حملي الثاني علمت عادي
اما حمالتي هذي ماعلمت الا بالشهر السابع
لانه فعلن طلع ولد وبعدين بنت


يلا:eh_s(9):كل وحده تقولنا شصار وياها :ـ

 

[توتا حمرا]

بحملي ماعلمت غير امي وام زوجي وخواته
اما الناس واهلي الباقي ما علمتهم لأن محد يعلم
بس في ناس عادي يقولون وكل واحد ينام عالجنب اللي يريحه

 

[ام شيخوه]

عادي مابقى احد مادرى

 

[om 7sony]

عادي
الكل درا،،،، ما خشيت عن احد ،، اللي تسال اقول لها
بس ساعات احس حلوو لم الناس يكونون متوقعين شي ويطلع شي ثاني
حلو يصير مفاجاة

 

[tbola]

عادي اقول

 

[ام الحوراء زينب]

الكل درا شنو فيني وشنو بسمي وجم الوزن وشكثر صارلي

 

[(لولوه)]

انا لو بيدي ما اقول
لان وايد ناس يخشون واهما اول ناس يسألون اذا حملتي
بس اهلي يزعلون اذا غبيت عنهم من صجهم يزعلون وامي اذا درت صارت بخور السوق
وكل ما اقول لها لا اتعلمين تقول وييييي زلة لسان خو شنو بيكون فيج يا بنت يا ولد !!!
قلت لها بتنيحس مثل الناس ما يتنيحسون ما يعلمون بنت ولا ولد
بس بيني وبينج لو يدرون تفتكين من الحنه اللي طول حملج يسألونج بنت ولا ولد
لا والقهر اذا ما علمتي يقولون ويييي اكيد بنت
ههههههههههه شمعنه البنت اللي ما يعلمون ليش مو ولد وبخش عنكم ههههههههه

 

[في قلب زوجي]

انا كل مره اقول مراح اقول
بس تعرفون الناس لازم يسالون
واقول مجبوره

 

[أم-حسن]

انا عاادي اقول حق الكل اي احد يسال اقوله لان في ناس وااايد يتليقفون حتى لو ماتبين تقولين يحنون ليين تقولين بس انا ماكو احد ماقتله ههههههههه ما احب اخش

 

["Om 3AzOoZ"]

انا الي يسألني اقوله والي يتنيحسون مايقولون لو تطلع فيهم نخله نا ما اقول لهم وحده اعرفها نوعها ماتعلم شنو فيها وانا لما حملت ما علمتها امي مسكينه على نيتها خارتها عندها وقالت لها طبعا انا انبطت جبدي بس ما بينت لانها صج نحيسه مادري ليش ماتقول خو يا بنت يا ولد شنو المفاجأه بالموضوع شكلي المره اليايه ماراح اقول حق امي لانه ادري امي وايد يزل لسانها بس عشان مابي تقول لها .*

 

[ام الحلوه والمزيون]

لا والله ماقول وش علي انا من الناس وش علي الناس مني المره هذي حتي زوجي بفااجأه

 

[رووح ابووها]

انا احس احلى لو محد يعلم بتكون مفاجئه شي حلوو
مو يعرفون انج حامل بولد مثلا واذا قالوا فلانه ترا ولدت ............. ماكو تعليق
اما اذا مايعرفون راح يسالون بنت ولد احلى احس

 

[-فلانة-]

عادي أقول وماني عارفة ليش الحريم يتنيحسون بهالسالفة صراحة!!!
مو قادرة أفهم المبدأ اللي يمشون عليه؟!!!
وشنو المفاجأة اللي بالموضوع أصلا؟؟؟
بيطلع أسد مثلا؟؟؟؟
خو يا بنت يا ولد مافيها مفاجآت!!​

 

[ام اغلى الناس]

اسمعوا سالفتي
مره سألت رفيجتي وحماتي عن اللي ببطنهم
انا سألت لاني امون عليهم
تفاجأت بانه ما رضوا يعلموني
انصدمت
وقلت ان الله رزقني ما راح اعلم
لما حملت ماااااتوا يبون يعرفون شنو فيني
يسألون من وراي شنو فيها
بس حلفت امي و زوجي مايعلمون
علمت امي و زوجي وخالتي وبناتها ؛ اخت امي
وحلفتهم مايعلمون

هالحمل متردده اعلم حمواتي وام زوجي ولا لا

المشكله حمواتي مايعلمون بحمالهم الا لماتطلع كرشتهم
وطبعا مايعلمون بالجنس

اما امي و زوجي فضيحه ما يمسكون نفسهم
من احلل الكويت كلها تعرف اني حامل
اما الجنس محلفتهم بولدي والله اعلم علموا من وراي ولا لا هههههه

 

[مسؤولة تعيين]

انا بحملي الاول قلت بس بعدين اكتشفت ان مرت حماي حامل وبالخامس واهل ريلي كلهم يدرون بس ماقالولي مع اني خوش جنه وساكنه وياهم وعلاقتنا حلوة فقررت ان ماقولهم شي بس ماكو فايده حملت وبس حللت جان ادق على امي وخالتي والمشكله هم خالتي ردت سوت حركه بااايخه فيني بنت اختها تزوجت وحملت بس طرحت سيده وشكثر اسال خالتي فلانه شلونها ؟حملت ؟تقول لا (طبعا انا اسال لانها كانت زميلتي بالجامعه وتخرجت فما قمت اشوفها )وعقب اكتشفت انها حامل بالخامس بصراحه مت قهر وحلفت ماراح اقواهم شي بعد. عاد بنت اختها تهببببل وبنت حلال مو لئيمه بالعكس وتحبني ودايم تسال عني. ماعليه قلت قصة حياتي قلبي متروووةووووسه

 

[om-s3ood]

موو الكل اعلم اشتغل شغل نحاسه نفس غيري 

 

[زهور المحبة]

ااااااااااخ بس ااااااااخ والله انا اللي قلبي مترووووو سه

انا من النوع اللي ماحب اسئل لان شي له خصوصيته
واتعرفون السونار مرات يخورها فان قلتي شي وطلع شي بيقولون
جذاااابه ماراح يقولون غلط

والناس اللي اعرفها انا ماسئلهم شاللي افبطنج والله عيب لان ادخل
بخصوصية غيري بالله ماتبي تعلم ليش احرجها وشالهدف من سؤالي
مجرد شفايه

فالمفروض عارفين طبعي دام اني ما اسئل واتخشون حتى حمالكم مو انا اللي من احلل انشر
لا تسئلووووووووون
بس احمل شنو فيج وشنو فيج
هذا غير الدوام تجي وحده مجرد زماله تسئل واكون انا ماسألتها فليييييش الشفايه الزايده

 

[زهور المحبة]

ما بقى احد ماعرف لاني استحي اقول مابي اقول ����������

 

[فـراوله]

ما أعلم الا الأهل بـــــس الباقي مالهم شغل


​

 

[سوزي الشرقية]

ولله بس اعرف شنو جنس الجنين مابعلم احد اصلا حلاتها تكون مفاجئة للكل خصوصا الأهل اهلي واهله وحلو يجلسون 9شهور يتوقعون شنو باجيب ههه