لما الناس يتبلون عليج

[ورق عنب]

السلام عليكم ... ملاحظه انه منتشره سالفة انه فلانه تتبلى على فلانه ... ياكره وياسخف هالحركه ... وبعد وايد يسوونها لي بغو يفتنون بين ثنتين .. اي ليش عاد ترا مايجوووز ... ناقشوني بهالموضوع وكل وحده تقول تجربة مرت فيهااااااااااا من سوالف التبلي ..

 

[نسكافيه بالحليب]

أووووووووووووه ياكثرهم وانتي صراحة ياورق عنب ضربتي عالوتر الحساس ..
آآآآآآآآخ لا تزيدي المواجع علي خيتوووووووو ..:eh_s(22):
ومشكورة على الطرح الحلو

 

[* LOVE STORY *]

محد يقدر يتبلى علي شنو الدنيا فوضه ؟؟
أوقفه عند حده لو منو يكون

 

[ورق عنب]

thanks

 

[الغاليه نونو]

التبلي اهو الظلم بعينه واعلمه واللي يتبلا علي اجعمه واعطيه كاسه براسه علشان مايتمادي معاي
مره مرت حماي تهمتني اني بايقه ذهبها واناكنت ايامها صغيروونه توني حامل بولدي البجر قعدت اصيح واهيا تهاوشني النسره تقول لي وين ذهبي وين خاشته طلعيه وانا بس اصيح واقول لها حرام عليج انا موهذى تربيتي ومادري ليش ماتحبيني اثاري ريلي راح كلم اخوه وقال له ان مرته تقول جذى وجذى حماي رجع ومسك مرته وطاح فيها طق قال لها يالظالمه ذهبج مو امس انتي موديته عند اهلج ليش تظلمين البنت وتتهمينها ريلي مسك ايدي ورحت بغرفتي وصارت لها سالفه اشكبرها ربي سبحانه ماقصر فيها وتالي عقب مده يتني تعتذر بس ماعطيتها ويه مووليه لي يومنا هذا ماحاجيها ولاادري عنها ابد
الظلم موزين والله ومرده اللي يتبلا بيطيح بشر اعماله وربي بيفضحه والله

 

[ورق عنب]

الغالية نونو واااااي صج نسره مرت حماج مو زين جذي الظلم ظلايم...

 

[أم بدير]

انا اكره شي عندي التبلي
انا حتى لو موضوع صج والمفروض اني اقوله ما اقول منو قايلي عشان ما احب هالسوالف
بعد اتبلى!! ليش يعني شالسالفه
صارلي موقف تبلت فيه بنيه علي
عاد تبلت عالشخص الخلط خخخخخخخخخخخخ
انا وحده اذا ادري بنفسي مو غلطانه أعطي طاااااااااااف قوي
البنيه اللي تبلت علي ماقمت اكلمها مع ان اهي ماتدري انهم قالولي انها اهي اللي ممتبليه بس اللي على راسه بطحه.. ظلت عقب السالفه كل يومين تدق علي فلانه شلونج وشفيج علي جنج زعلانه ومن هالحجي وانا اقولها مافيني شي بنفس وقطعت علاقتي فيها.. الباب اللي تجيك منه الريح سده واستريح
والبنيه اللي قالوا اني متكلمه عنها وصدقت الكلام.. قلتلها شوفي عاد انا ماقلت صدقتي صدقتي ما صدقتي انا عارفه نفسي وواثقه اني ماقلت شي بس دام اني معاج صارلي مده وصدقتي حجي انقال على لساني من بنيه انتي علاقتج فيها مو ذاك الزود.. انا اسحب نفسي وايد احسن لا باجر تصير سوالف ومشاكل وانا ما احب جذي
والله البنيه حست انها غلطت يوم صدقت الكلام خصوصا ان بنات قالولها شلون تصدقين فلانه وانتي تدرين انها ماتواطنج ولها سوالف معاج
البنيه يت تعتذر مني عشان صدقت الكلام بس انا وحده بسرعه اخذ موقف ولي اليوم علاقتي فيها بس سلام عليكم وعليكم السلام​

 

[ياسميين]

يا ربي ليش في ناس جذي
ما في عندهم ضمير
وما يدرون ان الله سبحانه فوقهم وشايف كل شي​

 

[أم منصـ 85 ـور]

والله انا على حسب في ناس أعطيهم سكب وفي ناس أعطيهم اللي ماعطاهم زمانهم هههههههههه

 

[أحلى البنات]

مادري ليش الناس جذي يعني شنو بتستفيدين اذا سويتي جذي

 

[اعييز]

فيه ناس تنقل الحجي + بهارات من عندها .. زين من قالج نقلي شقالو عني ؟!


يعني اذا تحجو فيني وحشو آنه الربحانه يعني الواحد شيبي اجر اييله ابلاش


واللي تنقل الحجي حق اللي تحجو فيها يسمونها نمامه .. !



وكل واحد له اثم على قد اللي سواه ..




أما شنو ردت فعلي لو وصل لي أدري ان من حجى لك حجى فيك واذا كانت صج اتحبني اتدافع عني بالوقت اللي تحجو الناس فيه عني !




----



أما لما يصير جدامي هالموقف وتتهمني وحده .. لازم افهم على اي اساس قالت عني هالحجي ؟! عشان افهم المشكله ونلقى لهاحل ؟! طبعاً هذا لو كانت من النوع المتفهم والعاجل وللي استبعد منه يفكر بهالتفكير ..!


اما النوع الهمجي واللي ماينفع معاه الحجي .. اخليها تولي وادعي ربي ان تشوف هالشي بالدنيا قبل الاخره فيها او بأحد تحبه لأن دعوه المظلوم مستجابه

ولو كنت هاديه راح اخش الدعوه واحتسب الاجر بيوم القيامه عشان اخذ اجر (( الكاظمين الغيظ ))



واهي درجة الاحسان !!! عسى الله يبلغني وياكم هالدرجه

 

[ღ•»الًـجٌـوِرٌيّ«•ღ]

للاسف انا مريت بهتجربه

وبعد مو من ناس بعيدين جان قلت بطقاق

لكن للاسف لقيت من الانسانه الي احسها غريبه من حيل ومن الاهل

اهي الي تتبله عليه وسمع اذوني بعد

وربي وقتها مت قهر قلت ياليتني ماسمعت ولا شفت انه هذي البنت المقربه مني

يطلع منها هل كلام عني مادري ليش ياربي هل هو غيره او حقد ولا شنو ؟؟

اه بس هذي سالفه صج من 3 سنين لكن لين الحين بقلبي لكن شنقول

 

[*ستايل*]

انا بفهم شغله وحده شلون يقدرون يحطون راسهم عللى المخده وينامون واهم ظالمين .....؟؟

 

[[]نهاوند[]]

اي والله صاجه يا ستايل مادري شلون
حسبي الله عليهم​

 

[لبيه لكن!]

الحمدلله ما عمر احد تبلى علي وحريصه حيل اني ما افتح مجال لهالسوالف

بس جد الواحد شلون يرتاح ضميره اذا يتبلى على الغير؟؟

 

[LaSt WoMeN]

على قولة عاشقة السكون .. لا تقلب المواجع ..

حسبنا الله و نعم الوكيل و كفى