لماذا تبكي العروس يوم عرسهاا

[روح ابووها]

لماذا تبكي العروس يوم عرسها ؟؟؟


​

عندما تكبر كل فتاة تبدأ احلامها بان تكون عرس جميلة وذاك الفارس الذي ياخذها على فرس ابيض
وعندما تنخطب تتامل ذاك اليوم يوم زفافها بفارغ الصبر وتعد له عدته لكن ؟؟؟؟؟؟
لما وبعد ان تجد نفسها في احسن حلة وفي يومها الموعود تبكي العروسة
1\\هل تبكي لفراق الاهل
2\\هل بكاءها من الضغط الذي كانت تعيشه قبل فترة الزواج للتحضيرات
3\\هل تبكي خوفا من المستقبل المجهول
4\\ هل هي دموع فرح
5\\ هل هي دموع خجل
6\\ ام خوف من زوجها
7\\ ام هي دلع
8\\هل كل العرائس تبكى
كل وحدة تجاوب عن السؤال والمتزوجات يشاركونا ذكرياتهم هل بكت يوم زفافها ام كانت تعد الدقائق لتخلص من بيت اهلها هههههه

انتظر ردودكم ​

​

 

[رآعية بيت]

هههههه
حياتي والله للحين انا باقي شهرين ومحتاسه مابلشت اجهز بالمره
لكن ذكرتيني يوم ملجتي قلت لأمي وخالتي والله يايما شكلي باخذ معي خيشة واعبيها حصو
واقط كل حصوه وراكم يا اهلي ههههههههههه
ضحكت خالتي قالت والله قالوهاااااااا قبلج .. والحين كل وحده تبي ترجع لاهلها
ويااااخوووووووفي باجججججججر تجمعين كل حصوة حصوة قطيتيها

.


بس مدري ليش اتخيل نفسي راح ابجي
ليش ؟ لأني عاطفية وما اتحمل شي

اذكر يوم حفلة تكريم المتفوقين
كنت ناطره اسمي ينادوني
واشوف اهلي تحت مع الحضور جالسين

وابوي وامي واختي يلوحّون بـ ايدهم لي

وانا اطالع لهم وابجييييي دموووووووووع
مدري شنو اللي هزني ذاك اليوم


فـ ما بالج ااذا عرسي بـ ديرة وغربة وزوجي غريب

الله يسهل يارب

تكفون ادعوا لي ان الله ييسر لي ويتمم ع خير ويحفظني من شر الحاسدين

 

[فرآولة]

حلو موضوعج

انا كل ماتذكر العرس اتييني االصيحة

لان حياة يديدة .. مو متخيلة شلون بعيش بمكان غير مكاني ومع ناس غير هلي

هاي اللي صج صج يعور القلب.. واحاتي شلون بتأقلم معاه ومع الوضع اليديد

بسسس

اما لاني بفارق هلي.. هلي موجودين الحمدلله متى ماشتقت لهم طبيت عليهم

او اني خايفة منه.. لا هالزمن الحريم يخوفون اكثر من الرياييل خخخخخخ

ووبس..

 

[الانوثه]

سؤال جدااا بااايخ والله عبط تبكي واضح ليش بس ضاقت الاسئله

 

[white**angel]

الوحده تبجي خوووف وفرح
خووف من الحياة اليديده اللي بتدخلهااا ومسؤوليه وبتعيش مع وااحد حيااة تختلف تمااامااا عن حياة اهلهااا يعني راح تكون لها اسره اهيا راح تكونها ففيها شوية خوووف انه هالشي ماكانت تفكر فيي لمن كانت بين امها وابوها الحين اهيا اللي راح تكون المسؤووله
واكييد فرح انهاا مستانسه تحقق هالحلم اللي كل بنيه تحلم في وبتكون لهاا اسره

شعور واايد حلوووو بس انا مانزلت مني ولا نتفة دمعه مادري ليش الوظع عندي حدااا عادي ونااسه

 

[الـــغـــلآ]

اللي تبجي تخرب على نفسها يومها
هذا يوم فرح مو حزن لا تقولون متاثرين و مادري شنو
شيلو من بالكم هالفكره و ماراح تبجون

 

[اروحله فدوه]

upup

 

[خلطات المذهله]

مادري احس نادر ان وحده تبجي الا مارحم ربي العرايس اليوم الابتسامه من الشق للشق ومافي حشمه قبل وركاده
اخر عرس رحتله تخيلو العروس تدز مسجات بالكوشه شدعوة شصاير

 

[أريد حلا]

اللي اختشو ما توا​

ههههه انا اقول تحمد ربها وتشكره انها تزوجت وتوته توته خلصت الحدودته​

صباحيه مباركه هههههههههههههه​

اتغشمر بنوتات على حسب بيئة البنت ومدى تعلقها بأهلها وعاطفيتها​

انا ما اتوقع اني راح ابجي بس اكيد راح اشتاق للمكان اللي عشت فيه نص عمري​

ترى شيء نفسي بنات ان الانسان يتعلق بحياته وفجأه يصير اهوا اللي مسؤول عن حياته​

يعني بالبيت تاكل تشرب تنام وقت ما تبي​

بس بعدين لا زوج تسوي حساب لكل شيء حتى من الناحيه الماديه تسوي حسابها​

امور وايد تجي جدامها لكن تبقى اللحظه هذي لحظة العمر على قولتهم​

مشكوووووووووره على الموضوع​

 

[الشيخه89]

هههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
موووصج اللي دز مسجاااات

 

[نآعمـه]

.
اذا بـ ابجي ببجي
عشان 1 / 5 / 7​

 

[&موناليزا&]

ههههههه

انا ما بجيت
مو شرط البجي لكل عروس

موووووووفقين عرايسناااااااااا

 

[حآلية الذوق ~]

انا كانت كل هالمشااعر ببالي

بسسس مابجييت لان مااحب احد يشوفني ابجي

وبعدين الحين اذا وحده بجت بيقولون مغصووبه ما تبجي علي فرااق اهلها

و حرااام تخربين اليوم عليج هذا يوم العمررر

 

[أجمل إنسـآنـه ~]

ههههههههه حلـو ألسـؤال

اهم شي فراق أهـلي وأمـي ألغــآليـه,,وثـآني شـيء خـوف,,,~,~ وبعدين لـزوؤم ألدلـع ههههههههههههه


تسلمين ويعطيج العافيـه,~,~
​

 

[katkoota90]

هههههههههههههههههههههههههههههه حلو الموضوع وكلامج روعة

البنات ما فهمو السؤال بالظبط

انتي تقصدين ليش تبجي بيوم عرسها !!

واهمه فهمو ان ليش تبجي قبل يوم عرسها ههههههههههههههه



انا اقولج انا ابجي بهالفتره نتيجة الضغط النفسي والمحاتاه
ف اي شي يجرحني ويخليني ابجي ..
اي كلمة افسرها تفسير يزعلني عشان ازعل


بس بليلة العرس اتوقع من القشعريره تدمع العين
لما تدخل الصالة وتشوف امها ورفيجاتها وخواتها جدامها
اكيد بتبجي لان بتشوفهم مشتطين ومستانسين



انشالله ما ابجي واخرب على نفسي :\

 

[روح ابووها]

راعيه بيت
فرااوله
الانوثه >>>>تسلمين كلك ذووق
White**angel
الغلا
اروحله فدوه
خلطات مذهلهه
اريد حلا
الشيخه
ناعمه
موناليزا
حاليهه الذوق
اجمل انساانه
katkoota90

فديتكم وفديت ردودكم الحلوه
مشكورين حباايب قلبي

 

[بيلسسان]

13\\هل تبكي خوفا من المستقبل المجهول

​

6\\ ام خوف من زوجها

​

​

​

انا احسسس فرحتي بالعرس الصجيه عقب العرس
لما اششششوف الراحه معاه
بعض الرياجيل زينين وسمعتهم زينه عند ربعهم
وعند اهلهم ماشاء الله تبارك الرحمن
ومع حرييييييمهم شي ثاني ..
"خايفه من المستقبل اكثر شي"
:eh_s(22):​

 

[*آسوومه*]

وه كل ما اتخيل عرسي تجيني بجوه هههههههههههههههههههه
مادري شعور غريب تحسين
ما تدرين ليش تصيحين ؟
هل لان بينفرد فيج غريب هههههه
بتروحين عن هلج
بتغير حياتج ولا راح ترد نفس قبل
او لانج تحسين انج كبرتي
وان بتجيج مسؤوليات يمكن تكون اكبر منج
او لانج حاسه انج استعيلتي هههههههههههه

الله يعينا بس
بروحي ام دمعيه
اخاف باجر اقلب عرسي مناحه

 

[عيون جذابه]

انا اشوف انوا من الضغوطات النفسيه والتوتر وداخله حياه جديده وبتفارق اهلها اعتقد مشاعرطبيعيه عند الكل حتى اللي ماتبكي تكون داخليا فيها هذي المشاعر بس تكون حاولت تسيطر ع نفسها انا عني كل مااتذكر احس ببكي بس قاعده أأهل نفسي انوا ماأبكي وقاعده أوصي امي واخواتي انوا مايبكون عشان ماأتأثر

 

[تعبت هم يادنيا]

ياااااااااااااااااااااااااااااااااااااااااااااي

ذكرتيني بالزواجي امممممم بس جد موضوع حلو

اهو فعلن تبكي
انا بكيت مادري كانت على قولاتهم اختلاط الاحاسيس مادري احاسيس اختلطت والله مادري وش يسمونها خخخخخ

اهم شي اني بكيت وبس ههههههه

المهم بكيت يمكن اني كنت اقول يااااي واخيرن جاء هاليوم المونتظر ههههه

ومن الضغوط ومن الخوف والربكه او فرحه

وبس ودك تفرغين الي فيك بااحد قدامك
خخخخخخخخ


وكانت قدامي امي بعد يالله ماسكه نفسها

فاخربناها انا وامي بكينا لين قلنا بس

وبعدها قمنا ناكل خخخخخ نريح انفوسنا شوي من الضغط

اممممممممممممممممم بس حلو كان الشعور

ولا ولم صديقاتك يتصلون الصباح يباركون لك

ياااااااااااااااااي حلو سراحه الشعور ​