للي يبون يعزلون من شقه لشقه

[كادي سويت]

السلام عليكم
شلونكم بنات
انا كنت مأجره والحين مضطره اطلع واروح شقه ثانيه ...واول مره انقل في حياتي ...اللي عزلت اول منشقه لشقه ...شنو الخطوات اللي سويتيها شلون رتبتي الاغراض قبل ما نقلتيهم ...محتاره من اي غرفه ابلش
اغراضي كثيره من قلب ...حدي محتاره
ياليت تقترحون عليا ومنها الكل يستفيد
ناطرتكممممممم
:ggdw::ggdw::ggdw:

 

[mafio98]

انا من رايي تنقلين الاثاث على يومين وطريقه الترتيب تبلشين من المطبخ اول شي تيبين كراتين كبار وترتبين الاغراض فيهم بعدها الملابس بجناط ويفضل تكون غرفة النوم اخر شي تنقلينه وتيبين شركه تفجج الاثاث اذا كان يحتاج نفس الكبتات والسراير وينقلهم عقب يركبهم هناك

 

[3arostk ana]

تحصلين اكياس كبيره في ايكيا بتفيدج بالملابس لان الشناط ماتكفي وع ملكيسه حطي لزقه باسم منو وبعد المفارش وكل شي فيها
الشناط خليهم لاشياءثانيه

والباقي كراتين
الله يهون عليج

 

[3arostk ana]

تحصلين اكياس كبيره في ايكيا بتفيدج بالملابس لان الشناط ماتكفي وع ملكيسه حطي لزقه باسم منو وبعد المفارش وكل شي فيها
الشناط خليهم لاشياءثانيه

والباقي كراتين
الله يهون عليج

 

[كادي سويت]

ماقصرتوا ياالغاليات وهذا انا بلشت والله يكون بالعون

 

[الغلاااااا]

اهم شي اللي ماتبينه طلعيه للجان عشان تخففين الزحمه والملابس افضل انج تشترين اكياس الضعر وتحطينهم فيهم وكل شغلج بكراتين واذا عندج جناط

والله يعينج

 

[جوري الكويت]

اشتري اكياس شفافه كبيره من ايكيا و كراتين كتبي عليها

و بعدين تقدرين تستفيدين من اللأكياس الشفافه لتخزين الملابس الشتوية

 

[noo7a]

اول شي الأشياء الي ما تبينها تخلصي منها وزعيها او تبرعي فيها

بعدين تروحين للجمعيه بليل يكونون يايبين بضايع يديده و مطلعينها من كراتينها اخذي الكراتين الكبيره النظيفه

بلشي اول شي بالمطبخ شيلي كل شي حطيه بالكراتين و سجلي على الكرتون كتبي (المطبخ)

الملابس هم حطيها بجناط او غلفي الكراتين من داخل بنايلون او حتى سفره و حطيها داخل الكرتون و سجلي عالكرتون مال الملابس مثلا كل كرتون و هذا لبس منو مثلا ( الام - الابو - العيال كل واحد بروحه ) عشان ما يختلطون و عزليلج قطعتين ولا ثلاث و عبايه تقزرينهم فيها ليما تنقلين

التحف و الاكسسوارات كل غرفه بكرتون بروح و طبعا هم تسجلين عليها (غرفتنا - غرفه اليهال - الصاله - المعيشه - المكتب ) جذي



و انشالله لي رحتي الشقه اليديده تسحبين كل كرتون و تحطينه بالمكان المخص له عشان لا تختلط الأغراض


و منزل مبارك انشالله