للي في فري --تعالي وادعيلي

[كويتيه وافتخر]

السلام عليكم ورحمه الله وبركاته


اللي فيها فري

ابي منج دعوه انه يسعد قلب امي دايم ويشافي لي الغالي يارب

باعطيج طريقه لبخه تحطينها عراسج طبعا اهيا مو نفس المحترفات لكن تفيدج

خصوصا اذا كررتيها كل اسبوع


انا فادتني حيل


سمعي اختي

حطي ملعقتين نشا
وملعقه كركم
وملعقه حبه سودا مطحونه
ونتفة زنجبيل مطحون
وفوقهم بيضه وخلطيهم
وحطيهم عراسج منالنص بالضبط يوم كامل وغسليه من باجر ونشفي راسج عدل
عقب جيبي جدر فيه مغلي بابونج وتغطي بشرشف وبخري راسج واذونج فيه



وبس امانه تدعون لامي بالسعاده والرضى
وللغالي بالشفا :yaaaaaarb: وانا اقولكم بالشفا العاجل

 

[ام دليار]

رد : للي في فري --تعالي وادعيلي

مشكورة

 

[james546613]

جزاك الله خير

 

[ام خالد 78]

يزاج الله خير

 

[خوية الذيب]

الله يوفقج ويوفق الوالده
ويجزاك الف خير

 

[chocolate&coffe]

رد : للي في فري --تعالي وادعيلي

الله يعطيج العافية حبوووبه

 

[Apple-q8]

تفيد بشنو ؟ الوصفه

ومشكوره ويعطيج الف عافيه ويطول عمر الوالده

 

[%%%الجوري%%%]

الفري بعد له علاج ثاني وهوالربط
الدكتوره ام عايد

تربط الراس عندي احسن من اللبخه يمكن تتعرضين للهواء ويزيد الفري

 

[Tulips]

مشكوره حبيبتي والله يخليلج امج و يشافي كل غالي عليج

والله يكافينا شر الفري

 

[كويتيه وافتخر]

حياكم الله

 

[dandooosh]

شنو الفري ؟؟

 

[قطوووة]

مشكوره والله يسعد امج

 

[ام الدرر]

الله يسعد قلب الوالدة ويشافي كل مريض​

 

[كويتيه وافتخر]

مشكورين عالدعوه الطيبه

 

[أم عبود 2011]

رد : للي في فري --تعالي وادعيلي

ما فهمت حق شنو ؟ وشنو الفري ؟

 

[!الجادل الصعب!]

مشآفيه الوآلده يآرب .. ويخليها لكم آن شآءلله ..!

 

[احساسي غريب]

رد : للي في فري --تعالي وادعيلي

انا فيني فري وراسي مفتوح 4 رحت لأم محمد العازمي اللي بالظهر وقاست راسي بس ما سويت لبخت لأنه كان بالشتا وانا نوعيتي ابرد حيل فأجلته وبروح لها الأسبوع الجاي ان شاءالله
جزاج الله خير اختي

 

[كويتيه وافتخر]

رد: رد : للي في فري --تعالي وادعيلي

ما فهمت حق شنو ؟ وشنو الفري ؟

الفري
صداع شديد يخليج مسبهه بالج مو وياج
وهم ماتشتهين
وماتحبين الصوت العالي

والعلاج اللي حاطته يريحج لكن في ناس متخصصه لعلاجه


لكن العلاج اللي انا كاتبته اسويه كل اسبوع

 

[كويتيه وافتخر]

رد: رد : للي في فري --تعالي وادعيلي

انا فيني فري وراسي مفتوح 4 رحت لأم محمد العازمي اللي بالظهر وقاست راسي بس ما سويت لبخت لأنه كان بالشتا وانا نوعيتي ابرد حيل فأجلته وبروح لها الأسبوع الجاي ان شاءالله
جزاج الله خير اختي

وين عنوانها بالظهر
وعندج رقم تلفونها ؟
وجم تاخذ على علاجها

 

[احساسي غريب]

رد : رد: رد : للي في فري --تعالي وادعيلي

وين عنوانها بالظهر
وعندج رقم تلفونها ؟
وجم تاخذ على علاجها

عنوانها الظهر قطعة 3 شارع 3 منزل 9 مقابل بيتها مدرسه بس والله مادري شسمها حتى لو ضيعيت اسالي واي احد يدليج ورقمها عندي اطرشه لج عالخاص وسوت لأختي لبخه بعشره وقالت لي عشان راسي مفتوح 4 لازم مرتين وتقول احيانا يسكر الراس من اول مره يعني اجيها وتحط لي اللبخه واخليها 6 ايام وبعدين اجيها مره ثانيه وتقيس اذا صكر الراس خلاص واذا ما سكر احط مره ثانيه والحين بما ان الجو صار دافي فأنا ناويه اروح لها الخميس الجاي ان شاءالله

على فكره ترى هي تقعد من الساعه 10 الصبح لي وحده الظهر

ياكثر قرقتي :/