للي عندها أكثر من ياهل ... ممكن سؤال ؟

[جِراحُ الغَرام]

السلام عليكم بنات
اول شي عيدكم مبارك وعساكم من عواده ...

حبيت اسألكم وافتح باب النقاش بالموضوع ..

جم ياهل عندج ؟

حم سنه بين كل طفل والثاني ؟

هل تأيدين ان يكون وايد بين كل ياهل وياهل ؟ وليش ؟

يمكن تستغربون من الموضوع .. اقولكم انا صار لي 7 سنوات متزوجه وعندي توأم بنات عمرهم 4 سنوات ... والناس يحنون على راسي يلا متى تحملين بناتج كبروا ودخلوا الروضه ... مو حلو يكون بين اليهال فتره كبيره ومن هالحجي ...

ومن كلامي جاوبت لكم عن سؤالين ... انا بالنسبه لي ما احب يكون بين اليهال فتره كبيره .. يعني ودي احمل الحين ... حق التدريس وجذي ... وبعدين احس بعد الثلاثين راح تبدي الطاقه تقل ... يعنيلو نلاحظ تربية اهالينا تختلف من اكبر واحد لي اصغر واحد ... وما ابي هالشيء يصير ...
عطوني رايكم بالموضوع ....

 

[ابي قطوة]

رد : للي عندها أكثر من ياهل ... ممكن سؤال ؟

حبيبتي سوي اللي يريحج ما عليج من الناس يعني مثلا لي حملتي و يبتي عيال اهما بيربونهم مثلا !!

<<< كحمممممم من حزب الطماشة :$

 

[جِراحُ الغَرام]

رد: رد : للي عندها أكثر من ياهل ... ممكن سؤال ؟

حبيبتي سوي اللي يريحج ما عليج من الناس يعني مثلا لي حملتي و يبتي عيال اهما بيربونهم مثلا !!

<<< كحمممممم من حزب الطماشة :$

ههههههههه اما حزب الطماشه ... كلمه دايم لما اقراها تضحكني ...
حبيبتي .. انا اساس الموضوع حطيته ابي اشوف اراء البنات .. هل يحسون ان لما يكون بين كل ياهل وياهل اكثر من 4 او 5 سنوات تعب ولا لا ؟ هل لما اييبونهم ورا بعض يتعبون في البدايه وبعدها يرتاحون ؟ ابي اشوف تجاربهم ..
لأن سمعت من وحده ان اتييبهم ورا بعض تتعب الحين بس ترتاح بعدين .. اما عن الناس فأنا مو معبرتهم لأن ودي بياهل بس ابونا ما يبي الحين ...
مشكوره على المرور

 

[ربيعه]

يعطيج العافيه عالموضوع وانا كان عندي نفس الاستفسار بس وصلت لشي واحد

انه بصراحه ورا بعض افضل لان كل ماكبرتي يزيد تعب الحمل وممكن تصير مشاكل

للبيبي اكثر من لما تكونين صغيره بالعمر وحتى الاعاقات الله يكافينا شرها

ويشفي ذريتنا كلها ان شاء الله تكون بالام الاكبر سنا اكثر ,, وانا عندي بنتين

الله يخليهم بينهم سنه وشهر والحين حامل وبين البيبي وبنتي الصغيره سنتين

وصراحه احنا تعبانين تعبانين سواء نطرنا ولا يبناهم ورا بعض :\

 

[om deaj]

انا افضل يكون في فرق بالعمر وولدي كبر بناتج وانا الحين ناطرة ولادتي باي لحظة

انتي عشان توم ماشاء الله يعني تعبهم كان وايد ودام ابوكم مايبي الحين طنشي ولي يعافيج هالناس مالها غير الحجي

 

[آهات الليل]

رد : للي عندها أكثر من ياهل ... ممكن سؤال ؟

انا عندي 3بنوتات ربي يحفظهم اول وحده عمرها 3سنين و4شهور والثانيه سنه و4شهور والثالثه عمرها شهر طبعا ماكنت مفكره اني بيهم ورى بعض او انطر لان حملي ال2 وال3 صدفه لوووووووووووول
صج تعب بما اني ماعندي خدامه بس عندي اربيهم احسن الحين ورى بعض ويرافجون بعض ولما يكبرون ارافجهم لان توني مو كبيره فحلو اني ارافجهم وجذي وهم اكون مربيتهم مع بعض وهم بخاطري ولد الله يكتبلي ان شالله بس مفكره اوقف 4سنين عالاقل اربي بناتي واجابل نفسي واعيبش سنيواتفرغ لزوجي لان هم كثرة اليهال تشغل المرا عن زوجها وااااااااااااااايد وبيحس بالفرق انا قعد احاول اوفق بينهم والله واحاول ماقصر مع احد فيهم وانا بالنتيجه اللي اتعب يالله الله ياجرنا ان شالله وارد صحتي وجسمي من تعب الحمال والولاده لان حيل اعاني ضعيفه وفقردم وايبهم بس كيلوين وجم غرامولان توني صغيره فعادي لو ااخر فكره الحمال الرابع

 

[P!NKia]

اهو حلو تجيبينهم ورا بعض ومو حلو
الحلو انهم يكبرون مع بعض وتعبهم واحد وماتجين ال 30 الا انتى مرتاحه
انا عيالى اسم الله عليهم بين الاول والثانى سنه و 4 شهور وبين الثانى والثالث سنتين بالضبط
صج تعبت بس ان شالله ياكبروا ارتاح
بس انا عندى حلو يكون الاول والثانى بينهم سنه ونص و سنتين وبين الذانى والثالث 3 سنوات واذا بتجيبين الرابع خلى بينهم 4 سنوات

 

[جِراحُ الغَرام]

يعطيج العافيه عالموضوع وانا كان عندي نفس الاستفسار بس وصلت لشي واحد

انه بصراحه ورا بعض افضل لان كل ماكبرتي يزيد تعب الحمل وممكن تصير مشاكل

للبيبي اكثر من لما تكونين صغيره بالعمر وحتى الاعاقات الله يكافينا شرها

ويشفي ذريتنا كلها ان شاء الله تكون بالام الاكبر سنا اكثر ,, وانا عندي بنتين

الله يخليهم بينهم سنه وشهر والحين حامل وبين البيبي وبنتي الصغيره سنتين

وصراحه احنا تعبانين تعبانين سواء نطرنا ولا يبناهم ورا بعض :\

الله يعافيج حبيبتي
صح كل ما كبرنا احس ان راح يزيد التعب ويقل العطاء ( من وجهة نظري )
وعلى قولتج تعب اليهال ما يخلص حتى لو كبروا ...
ربي يخلي لج بناتج و يفرحج فيهم ... وتولدين بالسلامه ان شاء الله
شاكره لج مرورج

 

[جِراحُ الغَرام]

انا افضل يكون في فرق بالعمر وولدي كبر بناتج وانا الحين ناطرة ولادتي باي لحظة

انتي عشان توم ماشاء الله يعني تعبهم كان وايد ودام ابوكم مايبي الحين طنشي ولي يعافيج هالناس مالها غير الحجي

الله يحفظهم لج ...وان شاء الله بعد الولاده عطينا خبر هل تعبتي وايد بتربيتهم ... والا مستمره بفكرة الفرق بين اليهال ...
وبالنسبه لتعب التوأم اتوقع نفس تعب اللي اييبون ورا بعض .. وعلى فكره انا حيييل بخاطري ياهل ... بس لأن زوجي عنده بعثه دراسيه ... وماهمني صراحه راي الناس من الاساس لأني وحده تأخرت بحملي اول مره وخبيت عنهم 4 شهور ... فآخر شي افكر فيه رايهم ... شاكره لج مرورج حبيبتي

 

[جِراحُ الغَرام]

رد: رد : للي عندها أكثر من ياهل ... ممكن سؤال ؟

انا عندي 3بنوتات ربي يحفظهم اول وحده عمرها 3سنين و4شهور والثانيه سنه و4شهور والثالثه عمرها شهر طبعا ماكنت مفكره اني بيهم ورى بعض او انطر لان حملي ال2 وال3 صدفه لوووووووووووول
صج تعب بما اني ماعندي خدامه بس عندي اربيهم احسن الحين ورى بعض ويرافجون بعض ولما يكبرون ارافجهم لان توني مو كبيره فحلو اني ارافجهم وجذي وهم اكون مربيتهم مع بعض وهم بخاطري ولد الله يكتبلي ان شالله بس مفكره اوقف 4سنين عالاقل اربي بناتي واجابل نفسي واعيبش سنيواتفرغ لزوجي لان هم كثرة اليهال تشغل المرا عن زوجها وااااااااااااااايد وبيحس بالفرق انا قعد احاول اوفق بينهم والله واحاول ماقصر مع احد فيهم وانا بالنتيجه اللي اتعب يالله الله ياجرنا ان شالله وارد صحتي وجسمي من تعب الحمال والولاده لان حيل اعاني ضعيفه وفقردم وايبهم بس كيلوين وجم غرامولان توني صغيره فعادي لو ااخر فكره الحمال الرابع

حبيبتي ربي يخلي لج بناتج ويرزقج بالولد ... انا نفسج افكر اني اييبهم ورا بعض راح يصاحبون بعض .. يعني الحين بناتي عمرهم 4 سنوات لعبهم مع بعض ويفقدون بعض اذا داومت وحده والثانيه موديتها طبيب .. والله يعينا ويآجرنا والله على التعب وسهر الليل ...
انا افكر اني قبل الثلاثين اييب العدد اللي ربي يكتبه لنا من اليهال عشان اجابل روحي شوي ... بس الحين لأني ما يبت على بناتي فشوي خذيت حاصل من الراحه ... والله يعينج حبيبتي وعلى قولتج ريحي لج جم سنه ودامج صغيره يعني يمديج تييبين الرابع بعد جم سنه بإذن الله ...
تسلمين على المرور

 

[جِراحُ الغَرام]

اهو حلو تجيبينهم ورا بعض ومو حلو
الحلو انهم يكبرون مع بعض وتعبهم واحد وماتجين ال 30 الا انتى مرتاحه
انا عيالى اسم الله عليهم بين الاول والثانى سنه و 4 شهور وبين الثانى والثالث سنتين بالضبط
صج تعبت بس ان شالله ياكبروا ارتاح
بس انا عندى حلو يكون الاول والثانى بينهم سنه ونص و سنتين وبين الذانى والثالث 3 سنوات واذا بتجيبين الرابع خلى بينهم 4 سنوات

على قولتج حبيبتي حلو ومو حلو ... التعب راح يكون اكثر اذا ورا بعض ... بس راح يكونون مترافجين ... وقولي لنا تربيتهم شلون صعبه بما انهم ورا بعض ؟
هههه نفس تفكيري ... بعد الثلاثين ما ودي اييب يهال ... بس شكله ماكو فايده