للي جربت أطفال الأنابيب بيب بيب أو الحقن المجهري تــــدش ...

[جــــاذبية]

السلام عليكم ورحمة الله وبركاته
أنـــــــــــــــا جـــديدة بالمنتدى وأتمنى إنكم تتقبلوني
وحبيت أسأل عن إللي مجربة الحقن المجهري أو طفل أنابيب بيب بيب
لأني متزوجة من2005 وللحين ماحملت والسبب من زوجي فيه عقم وبعدين سوى عملية الدوالي بس مازادت عنده نسبة الحيوانات المنوية
وبصراحة مفكرين نسوي أطفال أنابيب أو الحقن المجهري بــــس خايفة وحبيت أستشيركم وآخذ منكم معلومات للي مجربة بليـــــــــــــــــــز ساعدوني أملي بالله سبحانه وثـــم فيكم ...

 

[جــــاذبية]

رد : للي جربت أطفال الأنابيب أو الحقن المجهري تــــدش ...

ليــــــــش مو قاعدين تردووووووووووون علي ممكن تردون وتجاوبوني ...
ضروري ...

 

[ترووفه]

الله يرزقج ياااارب ويعووضج خير

داام من سنة 2005

لاازم تتحركين

والافضل على طوول تسوين حقن مجهري

العمر يمشي والسنه جنهاا يووم

وشووفي الدكتوره فوزيه القطان والدكتور اسامه صالحه

للامانه ماسويت حقن مجهري ولا انابيب

بس رشحت فوزيه بالدرجه الاولى لان اعرف جم وحده سوت عندهاا حقن مجهري واغلبهم تواائم عندهم

وان شاءالله انتي منهم ياااااااااااااااااااااااارب

الله يعووض صبرج خير يارب وتبشريناا بحملج عن قريب

نصيحه لاتتاخرين اكثر رووحي وراكضي والله يفرحع يارب

 

[AVE.NJ]

توكلي على الله وسوي حقن مجهري
انه ارشحلج ناهض حماديه لاني مااثق بالحريم كلش
ولا تخافين ترا السالفه كلها ابر وهرمونات وويسولج سونارات وحتى العمليه ماتحسين فيها كلش

والله يرزقج الذريه الصالحه ولا تنسين الدعاء وقيام الليل والاستغفار

 

[سموة الزين]

حبيبتي توكلي عالله روحي حق دكتور عبدالمحسن نمر
والله يرزقكم بالذريه الصالحه يارب

 

[cute katkota]

حبيبتي ماحبيت اطلع بدون رد
،،

ولو ان ماعندي خبره بهالمواضيع بس حبيت اقولج توكلي على الله وسوي مثل ماقالولج البنات، وايد حريم سوو والحمدلله ولدو ويالو احلى عيال


لاتحاتين، بس انتي روحي عند دكتور او عياده زينه ومعروفه
ويارب يوفقج ويسهل عليج

وانشاللله يارب اتم الحمل ويرزق ربي باحلى مولود



وعندي لج نصيحه كله امي وخالتي يقولون حق البنات اللي تأخرو بالانجاب
، حبيبتي اخذيلج عسل مقري عليه طبيعي،،
انا بنت خالتي 3 سنين ماحلمت بس بعدين امي نصحتها وقالت لها اخذي عسل والحمدلله يابت ولد والحين عندها بعد بنت،

ماتدرين سبحان الله وكله طبيعي وفيه قرايه قران الحمدلله يارب، في عسل مخصوص حق التخصيب والانجاب
فيه محلات معروفه يبيعونه

يعني انتي اكلي وتوكلي على الله وسوي الانابيب او الحقن وانشالله اتيبين احلى بيبي


تقبلي مروري يالغاليه

 

[كويتيه مذهله 87]

توكلي علي الله وانا ارشح د خالد حموده ود فوزيه القطان

هما خبره بالحقن

الله يرزقج يارب