كلامك رائع
وجزاك الله خيرا
بس وين اللي يطبق
واذا طبقت راح اعاني
والله يعيني علي التطبيق والثبات
وياج يارب
لكن ليش تعانين
هو مجرد شعور يترسب بالنفس ويحاول يتغلب عليها لكن أنتي أغلبيه مره مرتين عشره ليما خلاص يروح،،
أنا مريت بحالة لما أطلع من البيت لازم كل شوي اتأكد معاي الفون او لا كل شوي ابطل الشنطه وأشوف انا نسيته ولا لا وأنا متأكده أني ماخذته معاي بس أبليس شاطر يحب يعيشنا بقلق، شلون بديت أتغلب عليه: اذا جاني الشعور الي يحرضني اتأكد معاي الفون بالشنطه؟ أطنشه . مره ثانيه أطنشه ولا أتذكر شلون طلعت شحطيت بشنطتي الى ان اتأكد اني حطيته فما في داعي اشوف الشنطه، يعني أبعد فكرته من راسي،،كل يوم يصير نفس الشي أغلب نفسي وانساه وماعمره صار الي انا خايفه منه !! بس وسواس تخويف
وشئ ثاني لو أمي مو في البيت خلاص أنا ماأنام لا ليل ولا نهار وسواس خوف أتأكد من الكهربا أتأكد من الفرن أتأكد مافي حريق بالبيت اتأكد من البيبان مسكره أو لا،كله قلق قلق ،، بديت احاول اقوي قلبي وماأهتم خلاص تأكدت مره مو لازم اتأكد ثانيه وهالوسواس للحين فيني بس أخف من قبل ...
الفكره انه أنتي لازم تحاولين تقتلين هالشعور ماتخلينه يملي افكاره السلبيه عليج..
خلاص وكلي امرج لله تمام تمام
وسوي مثلي الحين بنحترق مثلا بنموت بيصير شي كله مو مهتمه له لأني موكله أمري لربي ولازم اخلي الثقه بالله قويه ماخلي يهزها فكرة شيطان ...
وعسى الله يشافي الجميع ويعينهم على أمور حياتهم.
