للمره الثانيه !!! بتليفون زوجي رقم وحــــــــــــــــده :(

[حصة اللولو]

السلام عليكم ورحمة الله وبركاته



بنات انا بدخل بالموضوع على طول من غير مقدمات
لقيت بالبلاك بيري قبل فتره مع الكونتاكت اسم ريال والصوره ماكانت صوره تدل على ان ريال
ويوم دخلت عالبروفايل لقيته مسوي ريسيت ومغير الاسم وطلع اسم بنت
ولقيت سوالف بينه وبينها ولما واجهته نكر
ومن ردة فعله عرفت ان مايبي يطلع نفسه غلطان وقعد يقولي تعوذي من ابليس ووانا بنسيج واللي تبينه بيصير ومر شهر وسافرنا فيه ونسيت اللي صار

والحين !!!
قبل يومين كنت ماسكه تلفونه ووصل مسج مادري شاللي خلاني افتحه
والاسم كان " الجمال التونسي "
ويوم سألته انفعل كالعاده وقال يعني لازم تعرفين كل ربعي وخلاني اتاكد انها بنت
وطلعت رقمها ودقيت عليها طلعت تونسيه في البحرين
ولما قتلها ان انا زوجة اللي تدلعينه فلان وارسلتي له مسج
توهقت وقامت تقول لاتخافي انا اسفه انا تبع سفريات
وانا اقولها مشالله خوش سفريات وراسلتله مسج تدلعينه باسمه
ولما ييت وواجهته وقتله اني كلمتها هم رد نكر ويقولي تبين احلف بالقرآن يعني عشان تصدقين
وقام قالي تبين تصدقين صدقي منتي مصدقه روحي بيت اهلج
ولما مارضيت اطلع قام اتصل على اخوي وقاله تعال اخذ اختك
والحين انا فبيت اهلي
وهالسالفه من يومين وللحين ماكلف نفسه واتصل علي



الحين انا ماادري شسوي وشلون اتصرف معاه
لان صعبه اقدر اثق فيه عقب كل اللي شفته منه

بنات بليز اللي عندها حل يقدر يفيدني او صارلها نفس مشكلتي تفيدني



مشكورين مقدما

 

[خالف تعرف]

ياربي الله يعينج على بلواج

 

[الأميرة جوري]

الله يكون بعونج ويهديه

 

[كادى الحب]

اللة يهديج ليش تفتشين بتلفونة هذا الى حصلتية اكيد الريال مسافر يشوف اشكال والشيطان مامات واحمدى ربج انها برا الديرة يعنى بيكلمها اليوم بكرة يمل منها ومردة لج ولبيتة وعيالة واللة يهدى لج

 

[! بــدويه وآآيــد !]

،


دايما اقول الي تطوف لزوجها مره لازم تتوقعها مره ثانيه
والحين صارت معاج للمره الثانيه لا خاين وبايع المشكله الحين تصرفي عدل وتفكير
لان اذا رديتي بعد ياخوفي كل شي يصير جدام عينج واذا ماتبين الباب يوسع جمل < الله لايقول طبعا ويصير هذا وضعج
يارب صبر قلبج ويريح بالج

 

[بنوتة طرر]

السلام عليكم
اختي ماحبيت ادخل الموضوع بدون مافيدج
بس والله انا وايد قاريه قصص مالت ناعمه الهاشميي وكلها عن خيانه الازواج
وفالنهايه الزوج يرجع ندمااااااان لزوجته
اناا بقولج الزبده

حبيبتي الريال مايحب وحده تفتشش فوونه ويحس انه مراقبب
انتي صح بتعرفين بخيانته وكل شي لكن اسكتي .. لا تستغربين هييي صح بتعرفين راقبي من بعيد لبعيد
لكن يوم بتكتشفين هالشيي اسكتي وسجلي كل شي عندج من معلومات وصوور ومكالمات وخليها عندج وانا بقولج شو تسوين فيها
انتي لا تركضين وراه ولا تتحسسينه انج اهملتييه ..
غيري من نفسج من طريقه لبسج وكلامج وكل شي خليه يعشقج !!
مثلا لو كنتي تطلعين وياه وكلللله تتكلمين غيري هالطبع فيج خليج ساكته خليج غاامضه بس ردي على قد السؤال
وتدلعييي واذا طلبتي شي كله تدلعي
واذا طلع مع ربعه وماتبغينه يطلع هههه تدلعي قوليله حبيبي لا تطلع اخااف بروحي
خليي يتعلق فيج
لا تخلينه هوو اغلب اهتماماتج مثلا رووحي الجمم او الحديقه مع خوااتج
حسسيه ان هو شي ثانوي ههههههههه بيحسسس بعدين
انا ماعرف طبع زوجج انتي ادرى لكن الريايل اغلبهم جذي
طبعا يبيغيله صبر ليييي مايتعلق فيج مو يوم ولا يومين
انتي اسكتي عن خياناته تجاهليييي حتى لو رن التلفون جدامج سوي نفسج ماتشوفييين بس بنفس الوقت لا تبينين انج هبله

حزتها يوم بتحسين انه يحبج و متعلق فيج اخرتها واجهيه بالصور والمكالمات لكن صدقيني هذيج اللحظظه بيكون مستعد يسويلج اي شي بس عشان ترضين
لاني قريت ان الريال لو عشق زوجته وعرف ان في شي خرب بينه وبين زوجته يكررره العشيقه
لانها خربت بينه وبين زوجته حبيبته

سامحيني طولت عليج لكن حبيت الكل يستفيد ولو تبغوني افتح موضوع بكتب كل هاا واكثر ان شاءالله انا مستعده هههه
كلامي موو مرتب ادري

 

[Australia girl]

الله يعينج ويهديه

 

[روزي25]

الله يعييينك يارب ويهديه ان شاء الله

 

[انا لحبيبي .]

الله يهدي البال ويصلح الحال حبيبتي

 

[مجنونه هواهـ]

حبوبهـــ انتي لا تقولين له الا لما تتاكدين 100% عشاما تضلمينه ويطلع الخطا عليج هاي نصيحه والله يصبرج عليه

 

[الريم اللعوب]

الله المستعان بس والله لاترجعين له الين يبوس تراب رجولك بهالسهاله يقولك روحي بيت اهلك
ولابعد يتصل بخوك ويقله خذ اختك
الحين علا شينه قوات عينه
ادبيه

 

[ام القمرالمطيري]

اشتري بلاك بيري
وكل مادش مسكي التلفون وابتسمي وحطي رقم سري
خلي ينحرق قلبه ويخاف

 

[مواصله]

الله يهديه خليج عزيزه واذا حاول يصالحج ويرضيج رجعي البيت معاه لاتطولينها واخذي بكلام بنوته

 

[MoTHaWi]

الله يهديه ان شاء الله ريلج وانتي ادرى باي نوع من الرياييل هل ترجعين و تضمنيين ما يعيدها و لا نزوه وتعدي نطري مده طويله تغلي عليه اكثر وشوفي اذا دق شاريج تعوذي من ابليس وردي ومره ثانية لا تعبين قلبج وتفتشين بتلفونه محد بيتعب الا انتي هذا حال نص حريم الكويت مع رياييلهم

 

[Ms.Roon]

هالبلاك بيري والايفون
يسوي مشااكل و
قع يخرب بيوت ويفرق احباب
حسبي الله ونعم الوكيل
يا رب نسالك الهدايه والصلاح للريايل

 

[زوجة عزيز]

لازم بيعصب عشان مايطلع نفسه غلطان صج يقهر والله انتي اشلج تبين اتردين خليه يتحسف تالي ردي

 

[om.shahoda]

اؤيد كلام بنوته طرر


الله يعينج ع بلوااج ..

 

[يارب اشرح صدري]

الله يهديه "لا تخلين الجو يفضي له أنا مع كلام بنوته طرر صيري انتي العشيقه والحل @خلي احد يناديه انت قلت أخذوها شمعني هالكلام وأدعية ربج وارجعي بيتج وحلي مشكلتك. بهدو ورويه لاتصارخين بويه الريال *

 

[a-a-alrajhe]

الله يهديه ويرجعه لج يارب..

 

[ظل الياسميـن]

السلام عليكم
اختي ماحبيت ادخل الموضوع بدون مافيدج
بس والله انا وايد قاريه قصص مالت ناعمه الهاشميي وكلها عن خيانه الازواج
وفالنهايه الزوج يرجع ندمااااااان لزوجته
اناا بقولج الزبده

حبيبتي الريال مايحب وحده تفتشش فوونه ويحس انه مراقبب
انتي صح بتعرفين بخيانته وكل شي لكن اسكتي .. لا تستغربين هييي صح بتعرفين راقبي من بعيد لبعيد
لكن يوم بتكتشفين هالشيي اسكتي وسجلي كل شي عندج من معلومات وصوور ومكالمات وخليها عندج وانا بقولج شو تسوين فيها
انتي لا تركضين وراه ولا تتحسسينه انج اهملتييه ..
غيري من نفسج من طريقه لبسج وكلامج وكل شي خليه يعشقج !!
مثلا لو كنتي تطلعين وياه وكلللله تتكلمين غيري هالطبع فيج خليج ساكته خليج غاامضه بس ردي على قد السؤال
وتدلعييي واذا طلبتي شي كله تدلعي
واذا طلع مع ربعه وماتبغينه يطلع هههه تدلعي قوليله حبيبي لا تطلع اخااف بروحي
خليي يتعلق فيج
لا تخلينه هوو اغلب اهتماماتج مثلا رووحي الجمم او الحديقه مع خوااتج
حسسيه ان هو شي ثانوي ههههههههه بيحسسس بعدين
انا ماعرف طبع زوجج انتي ادرى لكن الريايل اغلبهم جذي
طبعا يبيغيله صبر ليييي مايتعلق فيج مو يوم ولا يومين
انتي اسكتي عن خياناته تجاهليييي حتى لو رن التلفون جدامج سوي نفسج ماتشوفييين بس بنفس الوقت لا تبينين انج هبله

حزتها يوم بتحسين انه يحبج و متعلق فيج اخرتها واجهيه بالصور والمكالمات لكن صدقيني هذيج اللحظظه بيكون مستعد يسويلج اي شي بس عشان ترضين
لاني قريت ان الريال لو عشق زوجته وعرف ان في شي خرب بينه وبين زوجته يكررره العشيقه
لانها خربت بينه وبين زوجته حبيبته

سامحيني طولت عليج لكن حبيت الكل يستفيد ولو تبغوني افتح موضوع بكتب كل هاا واكثر ان شاءالله انا مستعده هههه
كلامي موو مرتب ادري

كلامج عدل
وانا معاها بنفس الراي

:rerrerek: :rerrerek: :rerrerek: