للمتزوجات فقط

[رمشه]

قوه يا بنات انا بعرض عليكم مشكلة رفيجتي .. رفيجتي متزوجه من ١٠ سنوات واختارت زوجها من بين الكل عشان اخلاقه وسمعته الطيبه مع انه مقارنه بكل ئللي تقدمو لها مافي اي ميزه يعني لا جنسيه ولا حاله ماديه زينه ولا شهاده جامعيه بس اللهم اخلاقه حتى بيئته تختلف عن بيئتها الاجتماعيه يعني عيشته تختلف عن عيشتها المتعوده عليها ممنوع يكون عندها رفيجات ممنوع تطلع بس طبعا اتأقلمت مع الموضوع وقالت هذا ئللي ينفعني وحيستر علي ولا يفكر يطالع حق غيري ... مرت ال ١٠ سنوات واهما سمنه على عسل لغاية قبل اسبوعين شافت على موبايله كلام حب وغزل حق بنت ثانيه طبعا انصدمت وانهارت ان انا تحملت كل الفروق ئلي بيني وبينك عشان اخلاقك واخر شي حتى اخلاقك تغيرت وخنتني .. يعني لو تزوجت غيرك كنت على الاقل عشت حياتي اطلع واروح واشتري ئلي ابيه ومافي شي مقصر علي وحتى لو خاني عادي لاني ما حكون دافنه نفسي معاك واخر شي تكون نفس باجي الشباب ... طبعا اهوا يقولها انا اسف واعتذر ،مابي اخرب بيتي ويقسم ويحلف ومن هالحجي .. اهي الحين مو عارفه تتصرف وانا صراحه ما عرفت اعطيهاا نصيحه لاني اصلا مو متزوجه ُأبي المتزوجات يعطوني نصايحهم .. اهي مو حابه تخرب بيتها بس تبي تأدبه وتحسسه ان ئللي صار شي وايد كبير مو شي عادي لان زوجها يقولها انت مكبره الموضوع يعني شايف الموضوع بسيط وبسرعه ينحل ... بس انا قتلها لا تتساهلين معاه عشان لا يتعود ان كل ما تغلطين تسامحينه بسرعه وبعدها يتعود على الغلط بدون ما يحسبلج حساب ... ناطره نصيحتكم :eh_s(17):

 

[حبيبتي إختي]

رد : للمتزوجات فقط

لا طبعا الموضوع مو سهل والخيانة ما ينفع تتساهل معاه فيها .. لازم تقعد معاه وتتفاهم وتحط النقاط على الحروف .. يا ابن الحلال انا ما يناسبني هالوضع بتعدل من احوالك ولا لأ اذا التزم واعتذر خل تعطيه فرصة ثانية وبنفس الوقت تفتح عيونها عدل .. وان شاء الله ربي بيسخره لها

 

[ســتارز]

ياقلبي الزواج ماله ضمان لا تقولين دين وملتزم ولا عاصي

الحين تحاول تعاتبه وتبين له ردة فعلها وعدم تقبلها للخيانة ويمكن يحس بغلطته والله يهدي الجميع

 

[رمشه]

رد : للمتزوجات فقط

مشكورين بنات عالرد بخليها تقرا ردودكم

 

[رمشه]

رد : للمتزوجات فقط

يعني الحين 72 وحده شافت الموضوع وبس 2 عطو نصيحه

 

[ابداعات كويتيه]

والله مدري شقولج بس صج الموضوع موسهل بس لازم تعطيه فرصه لاتخرب بيتها ترا هذا فعل الشيطان
الله يهديه ويهديها ويبعد عنهم الشيطان

 

[عانيت بسكااات]

الله يصلح حالهم

 

[aldanaha]

رد : للمتزوجات فقط

فوق ضيمه وفقره خاين امبيه مو صج

 

[&أم عبودي&]

شوفي حبيبتي تبي تضبطه عدل وتتوبه ترفع ايدها عن كل شي مو من واجباتها تخليه يحس بالتضحية اللي هي تسويها والطيب اللي هي تسويه واذا بتصير زوجة عادية شوف شبيصير فيك يعني بالبلدي (((((((((((((( تأدب )))))))))))))))) مالها شغل لابمصرف ولامشاوير ولا غيره خله هو بروحه يتحمل المسؤولية والمصرف عالبيت ميخالف راح تنضغط شوي بس بعدها راح يتوب واذا هي من النوع الليالي احمرا وتدليك وسوالف توقف هالنشاطات الى اجل مسمى لازم يحس بالفرق موتضعف بسرعة وتسامح خليج قوية شوي
وسلامتج الله يوفقها
حبوبات لحد يقول تحرشينها لان هالشي عيب عرفا وحرام شرعا موموضوع عادي اسامح وخلاص وبعدين حتى سمعة عيالها تصير موحلوة

 

[تركوووه]

رد : للمتزوجات فقط

حياتي صحيح انها صدمة كبيرة عليك انه يخونج بس قلبي الحين ماعاد فيه ريييايل تمسكي بزوجك باسنانك وضروسج فهالزمن كل البنات تتمنى ولو ظل رييال لاتخربين بيتك بايدك وهذي نصيحة الدكتورة فوزية الدريع

 

[فوفو22]

رد : للمتزوجات فقط

الانتفاضة اللي سوتها هي بذاتها قرصة ودن له

بعد 10 سنوات زواج

بالتاكيد الزوجه وثقت حيل بزوجها فقلت اتصالاتها

وانشغلت بامور اخرى اشغلت الزوجه عنه

وهو جاله احساس انه مرغوب من البنات

والشيطان حاضر

كل هالامور تساعد الزوج على الخيانه

التجديد والتطوير بالشخصية مهم للزوجين لاستمرار حياة زوجية افضل

فوفو

 

[dnyay_mll]

رد : للمتزوجات فقط

اللـه يعينها ويصبـرها

والله هالرياييل مامنهم امان

 

[الشيخة@]

رد : للمتزوجات فقط

الله يصبرها ويسخرلها
انااقول خلها عينها عليه من يوم رايح ماعد في ثقه بهل الوقت الله يكفينا شره

 

[ام شووووق]

رد : للمتزوجات فقط

الله يعينها

 

[رمشه]

رد : للمتزوجات فقط

مشكورين عالردود بنات -- بس اهي حرام ما انشغلت عنه وبالعكس حتى جوتيه تمسحه حقه مالت عليه واهي وايد حلوه وملتزمه ومو مقصره بشي وبشهادة الكل وحتى اهل ريلها وايد يمدحونها كثر ما اهي نظيفه وخدومه ومهتمه في بيتها .. الحين اهي قالت ماتبي تعطيه حقه الشرعي انتو فاهمين طبعا بس بنفس الوقت قالت خاف تاخذ اثم اذا ما عطته لان المراءة تحاسب من هالناحيه لازم توفر هالشي لزوجها بس بالنسبه لوضعها مادري اذا تتحاسب ولا لازم تحرمه هالشي عشان يتأدب

 

[نـعـومـه]

رد : للمتزوجات فقط

انا رايي خلها تعاقبه وتزعل عليه عشان يحس انه هالشي كبييييير

خلها تقوله بروح عند اهلي ماأتحمل الخيانه عشان يحس

 

[شذى الحب]

الله يفكني ويفكم من شر الخيانة يارب

 

[Vouge]

رد : للمتزوجات فقط

فرصتها يت عشان تنطلق للحياة مرة ثانية

خل تقعد ببيتها و عند زوجها لكن ترفض إنها تدفن نفسها عشانه
ختعيش حياتها بالطول و العرض و تطلع و تشيل و تحط و زوجها طاف لا تخاف على احاسيسه و مشاعره
واحد ما خاف على احساسها ما يستاهل ان ينخاف على احساسه

ختكون قوية و هي تاخذ قرار الانفتاح من جديد و لا تضيع الفرصه منها

 

[رمشه]

رد : للمتزوجات فقط

نـعـومـه اي اهي الحين سافرت تبي تفتك منه 10 ايام وقالت بس ترد تبدأ معاه العقاب

شذى الحب آمين يا رب العالمين

 

[رمشه]

رد : للمتزوجات فقط

نـعـومـه اي اهي الحين سافرت تبي تفتك منه 10 ايام وقالت بس ترد تبدأ معاه العقاب

شذى الحب آمين يا رب العالمين