للمتزوجات فقط ( ايجابيات وسلبيات ) الكل يجاوب

[Moim]

السلام عليكم
بنات اليوم بحط موضوع كل وحده تقول شنو الشي اللي تحبه بزوجها وشنو الشي اللي ما تحبه

يعني مثلا انا احب شي بزوجي ويضحكني هالشي بس ما ابينله
كل ما يرد من الدوانيه ( واهو يوميا دوانيه ) اسأله ها منو فاز بالجنجفه؟
دايما جوابه يكون ( ما يبيله طبعا انا كسرت راسهم تخيلي لما ..... ويبدي بالقصه المعتاده ان بالنهايه قالوله انت ملك الكوت )

هالسالفه تقتلني ضحك وانا كله اقوله اي كفوووووو زين تسوي فيهم وبقلبي اقول ( خف علينا يا جنقر يا سوبر مان يا امبراطور الكوت )
بنفس الوقت اتخيل ان بنفس هالوقت كل ربعه يم حريمهم ويقولون نفس جملته

فديت ملك الكوت والله اراهن كل اللي بيردون علي رياييلهم ملوك الكوت

--------------


والحين الشي اللي ما احبه فيه
ان ما يقولي اللي بقلبه اذا مضايق يسكت ويعكر المزاج :bbbiu:


يلا دوركم :eh_s(22):

 

[قموشه21]

رووووعه موضوعج خاطري جي اسولف وافضفض

شوفي انا اللي احبه بزوجــي طيب طيب طيب لدرجه ان لو اقوله السماء تمطر ذهب:eh_s(9):

والله يصدق مادري هالشي يغث ساعات بس حيل يمشي علي نياته :eh_s(11):

واللي مـآآآ احبــه فيـــه ..

اذا عصصب يطلع عيوبي كلهــأأأ

يعنـي مـثـلا هوشتنــا عن طباخـي مو ششي يروح يقول الاولي والتالي انتي وانتي من تزوجنا لي يومج هذا :eh_s(16):

بسسس ويصصلموا علي هالموضوع :eh_s(7):

 

[قمر كويتي]

انا الشي الي احبه بزوجي الله يخليه ان طيب وقلبه نظيف ماكو منه
الشي الى ما احبه اذا عصب انا اعصب ونعصب تعصيبه كلها اعصاب بس هم حبيب والله :krkrkr::j013:

 

[ام كوثر2007]

حتي انا ريلي ملك الكوت .:eh_s(9):


ههههههه عيل اذا ريلي وريلج وريل فلانه كلهم ملوك الكوت منو اللى تكسر راسه بالله ؟:bbbiu:


المهم ما علينا ... اللى احبه فيه حنانه علي .. وطيبته ووقفاته معاي طول هالسنين .. اللى صج من كل هالاشيااء اللى سواها لي وعشاني مخليني مكسوره عيني ما اقدر ازعله ولا اغثه ..


ومشكلتي انه مافي شي ما احبه فيه يقولج الحب عمي وانا اختج


تسلمين علي الموضووع .. :eh_s(7):​

 

[تامي العسل]

اللي احبه فريلي طيب واطيب مني بعد ههههههههه

اللي مااحبه: ساعات مايحاسب على كلامه وهو يطلعه ادري انه مايقصد بس انا اضايج

 

[Moim]

هههههههههه يلا ناطرين ردود الباجي

 

[ابي اصير ممثلة]

اهى اهى ما عندي ريل بس بقول لكم حبيبي وما ابي هجوم كفاية الي فيني طيب وحنون ووقف معاي وقفه ما انساها وعوظني حنان الابو لدرجة انادية يبا

 

[Um Rashed]

[أنا الشي اللي احبه فيه طيبته وحبه وحنينه الحمدلله دائماً يلبي رغباتي واللي ابيه واللي ما احبه فيه انه ساعات احب يدخل وبايده هديه او اييب لي شي أنا احبه لَا ما اييب شي من نفسه ساعات مثلا مسافر يدق علي هلا تبين شي اييب لج من أهني أنا أهني اطنقر وارد إبروورد لا عندي كل شي مشكور وعمن اكون ناظره يمكن يايب لي شي بس للأسف يوم أسأله هاا ما يبت لي شي يقول لي ما ادري انتي قلتي ماتبين شيsize="3"][/size]

 

[أم ميميتو]

الي احبه بزوجي اسلوبه شخصيته طبعه و احبه اهتمامه و خوفه على ولدنا يعني كله على بعضه احبه اما الشي الي ماحبه ان لما يصير موقف او اي شي انا اعطي رايي و اهو ما يعجبه و يعاند وبعد جم يوم اكتشف ان سوى انا قلته و يقولي تصدقين كلامج صح اي اسمع الكلام من البدايه يعني لازم تعاند و ترفع ضغطي

 

[شادن33]

اللي احبه في زوجي خوفه وحرصه الشديد علي وعلى اعياله
اللي اكرهه ان بسرعه ينرفز بس بسرعه يرضا

 

[رق رق]

اهى اهى ما عندي ريل بس بقول لكم حبيبي وما ابي هجوم كفاية الي فيني طيب وحنون ووقف معاي وقفه ما انساها وعوظني حنان الابو لدرجة انادية يبا

اشفييييييييها ابوه ، ابي اكلمج اعطيج حنان الاموه هههههه
علي عموم ان شاءالله يكون من نصيبج
انا الي احبه ابريلي حنانه اذا مرضت مايخليني وخوفه علي واذا عنده فلوس مايقصر معاي .
الي مااحبه فيه شكه الزااااايد وايد يشك ويغار الله يهديه وتنبل بعد نفسي لووووول *

 

[بنت الفوزان]

كل شي بريلي حلو الحمدالله

 

[Moim]

اشوه العموم راضين بزوجهم هههههههههههه
يلا نبي بعد ردود واشياء تضحك

 

[! بــدويه وآآيــد !]

،


احب فيه طيبته ويحب يسوي خير حيل بالناس يعني لما احد يدق عليه يسأله عن شي مو بس يجاوب الا يركض ويفزع وحالته حاله ولما اسأله هذا عمره وقف معاك يقولي لا والله حتى لما احتجته ماوقف معاي بس انا اسوي باصلي < يبط جبدي وافرح احس بطيبته
احب غشمرته واستعباطه ولما اعصب غصب ابطها ضحك
احب انه مايحب يجرحني حتى لو عصب:$
احب طبعه لما يروح السوق يذكرني حتى لو بشباطه او تاج اقل شي
احب طبعه لما يآخذ رأيي بلبسه واذا مو عاجبني او ضيج اقوله ويروح يبدل بدون نقاش


اكره فيه لما ينفس بدون سبب !
اكرهه لما يرفع الجام علي ومايتنازل يحاجيني
اكرهه لما يتصيد علي شغل البيت شنو مو مرتب وشنو مو مسويته !
اكره حكرته وممنوع الطلعه بدونه !
اكرهه لما يخشش تليفونه ويشككني فيه اقعد افكر ان وراه شي !
اكرره لما لما يحلل كل شي له ويحرمه علي !


اوووووووووووووف واجد شغلات احبهم واكرهم ماقلتهم بس هذا الي طرى على بالي :/

خوووش موضوع

 

[امـ خــزامـى]

احب فيه طيبته وحنانه وكرمه واهتمامه بنفسه

اللي اكرههههههههههه فيه يفهمني دايما غلط

ولازم اصرح باللي ابيه عشان يسويه

مستحيل يفهم من نفسه

وللحين مافهم طبعي


واشياء كثيرررررررررررررررره بس ناسيتها

 

[Moim]

بدويه وايد
هههههه يلا فيه اشياء حلوه تغطي على عيوبه
الله يخليكم لبعض

ام خزامى
اي انا مرات جذي احس اني انا افهمه وهو ما يفهمني لووول

 

[mira]

مالت عليييييه ولاشيء فيه زين

 

[Moim]

وي وي وي وي

 

[ام زهقانه]

الله يتمم عليكم
احب فيه خزفي علي في لما امرض
واكره نفسه الخايسه

 

[مس عسولة]

الي ما احبه انه عصبي حيل نار وشرار وحكر معاي
والي احبه انه يوافقني باشياء