السلام عليكم ورحمة الله وبركاته
خواتي وحبيباتي انا متابعة المنتدى من زمان وعندي حساب ثاني بس سويت هالحساب بس عشان اكتب مشكلتي لأني منحرجة ومابي احد يعرفني
المهم انشالله الاقي الحل عندكم وادري ما تقصرون
عمري ٢٨ والحمدالله حلوة ورشيقة وذكية<<< ما امدح نفسي بس عشان تكونون بالصورة
انا متزوجة من ٩ سنوات وعندي عيال اثنين الله يحفظهم اعمارهم ٦ و ٧
بنات انا زوجي مريض الله يشافيه يارب صارله سنوات مرض مزمن
الحمدالله ياربي هذي كتبة رب العالمين اللهم لا اعتراض ومالي الا الصبر والدعاء
بنات انا ماحب اشكي لاحد ولا حتى لأمي والله بس احيانا احتاج افضفض والله افرش سيادتي وادعي وابكي واشتكي لربي سبحانه ادري ما راح يرفعني ويصبرني غير ربي
بس الحين بشوركم بشي وانا ما فتحت الموضوع لا مع زوجي ولا امي ولا احد بس احتاج راي ثاني
بنات انا تعبت وايد وصبرت على زوجي بس مو متحملة حياتي ابدا
ما احس اني متزوجة احتاج ريال يهتم فيني مو انا اهتم فيه انا الابو والام في البيت
اسوي كل شي المفروض الابو يسويه ابدل اللمبات واصلح السيارات واودي عيالي الطبيب والمدرسة وكلشي وانا اطلعهم العبهم وادرسهم واونسهم وكلشي
تعبت من كوني الام والابو مع بعض
والشي اللي متعبني اكثر ان انا وزوجي ما بينا علاقة ابدا ما يلمسني الا كل شهر مرة كله نفسيته مو حلوة وكله متضايق ودايما مزاجه متعكر ولا يحب يطلع وااييب القمته باختصار
مهما حاولت اعدل نفسيته والله البس واكشخ واتسنع واتعطر واشب شموع وحركات ولا يلتفت علي ولا حتى يبوسني ابدا ابدا.. ولما احاول اتقرب منه يقول مو وقته الحين مالي مزاج<<
يعني صحته تسمح له انه يسوي شغلات وايد بس ما يحاول عشاني كله متعكر مزاجه
انا تعبت سنييين على هالحال واتعوذ من ابليس عشان اتحمل واقرا قرآن كل يوم واصوم كثر ما اقدر بس بنات والله احتاج زوج في حياتي مو هذا الانسان احتاج زوج يحبني ويهتم فيني وبعيالي ويحسسني اني مرغوبة عالاقل صدقوني ما راح تفهمني الا اللي زوجها ما يلمسها
على فكرة اهو يعاملني باحترام كبير وما يقصر معاي ماديا ويحب عيالنا وايد ويهتم فيهم
لكن دايما نفسيتي تعبانة وثقتي بنفسي انعدمت
وايد أوسوس فكرت اني انفصل عنه اقول توني صغيره احس اني ضيعت شبابي معاه و بعدين بس اذكر عيالي يكسرون خاطري مابيهم يعيشون بأسرة متفككة بدون أبو.. ابيهم يعيشون حياة مستقرة وسعيدة واصبر عشانهم
بس مو معقولة لي متى اقعد افكر لي متى انا بصبر بعيش عمري كله بألم عشانهم.. شلون بقدر اسعدهم وانا مو سعيدة...
بنات ساعدوني شنو اسوي حتى حبي له قام يقل تدريجيا احس انه سبب تعاستي واحس اني انظلمت انا وعيالي معاه... وفوق هذا حارمني من حقي الشرعي ولا اكو بينا علاقة تربطنا..
بنات تكفون ساعدوني انا في قمة التعاسة بسبته راح اكون اسعد بمليون مرة لو انفصلت بس عيالي شنو ذنبهم وانا شنو ذنبي اصير مطلقة عقب صبري وتعبي سنين وخوفي من الله.. ابي الستر خايفة من كلام الناس...
انشالله تنحل مشكلتي والله كريم
بنات ادعولي والله اني ابجي كل يوم لما انام
خواتي وحبيباتي انا متابعة المنتدى من زمان وعندي حساب ثاني بس سويت هالحساب بس عشان اكتب مشكلتي لأني منحرجة ومابي احد يعرفني
المهم انشالله الاقي الحل عندكم وادري ما تقصرون
عمري ٢٨ والحمدالله حلوة ورشيقة وذكية<<< ما امدح نفسي بس عشان تكونون بالصورة
انا متزوجة من ٩ سنوات وعندي عيال اثنين الله يحفظهم اعمارهم ٦ و ٧
بنات انا زوجي مريض الله يشافيه يارب صارله سنوات مرض مزمن
الحمدالله ياربي هذي كتبة رب العالمين اللهم لا اعتراض ومالي الا الصبر والدعاء
بنات انا ماحب اشكي لاحد ولا حتى لأمي والله بس احيانا احتاج افضفض والله افرش سيادتي وادعي وابكي واشتكي لربي سبحانه ادري ما راح يرفعني ويصبرني غير ربي
بس الحين بشوركم بشي وانا ما فتحت الموضوع لا مع زوجي ولا امي ولا احد بس احتاج راي ثاني
بنات انا تعبت وايد وصبرت على زوجي بس مو متحملة حياتي ابدا
ما احس اني متزوجة احتاج ريال يهتم فيني مو انا اهتم فيه انا الابو والام في البيت
اسوي كل شي المفروض الابو يسويه ابدل اللمبات واصلح السيارات واودي عيالي الطبيب والمدرسة وكلشي وانا اطلعهم العبهم وادرسهم واونسهم وكلشي
تعبت من كوني الام والابو مع بعض
والشي اللي متعبني اكثر ان انا وزوجي ما بينا علاقة ابدا ما يلمسني الا كل شهر مرة كله نفسيته مو حلوة وكله متضايق ودايما مزاجه متعكر ولا يحب يطلع وااييب القمته باختصار
مهما حاولت اعدل نفسيته والله البس واكشخ واتسنع واتعطر واشب شموع وحركات ولا يلتفت علي ولا حتى يبوسني ابدا ابدا.. ولما احاول اتقرب منه يقول مو وقته الحين مالي مزاج<<
يعني صحته تسمح له انه يسوي شغلات وايد بس ما يحاول عشاني كله متعكر مزاجه
انا تعبت سنييين على هالحال واتعوذ من ابليس عشان اتحمل واقرا قرآن كل يوم واصوم كثر ما اقدر بس بنات والله احتاج زوج في حياتي مو هذا الانسان احتاج زوج يحبني ويهتم فيني وبعيالي ويحسسني اني مرغوبة عالاقل صدقوني ما راح تفهمني الا اللي زوجها ما يلمسها
على فكرة اهو يعاملني باحترام كبير وما يقصر معاي ماديا ويحب عيالنا وايد ويهتم فيهم
لكن دايما نفسيتي تعبانة وثقتي بنفسي انعدمت
وايد أوسوس فكرت اني انفصل عنه اقول توني صغيره احس اني ضيعت شبابي معاه و بعدين بس اذكر عيالي يكسرون خاطري مابيهم يعيشون بأسرة متفككة بدون أبو.. ابيهم يعيشون حياة مستقرة وسعيدة واصبر عشانهم
بس مو معقولة لي متى اقعد افكر لي متى انا بصبر بعيش عمري كله بألم عشانهم.. شلون بقدر اسعدهم وانا مو سعيدة...
بنات ساعدوني شنو اسوي حتى حبي له قام يقل تدريجيا احس انه سبب تعاستي واحس اني انظلمت انا وعيالي معاه... وفوق هذا حارمني من حقي الشرعي ولا اكو بينا علاقة تربطنا..
بنات تكفون ساعدوني انا في قمة التعاسة بسبته راح اكون اسعد بمليون مرة لو انفصلت بس عيالي شنو ذنبهم وانا شنو ذنبي اصير مطلقة عقب صبري وتعبي سنين وخوفي من الله.. ابي الستر خايفة من كلام الناس...
انشالله تنحل مشكلتي والله كريم
بنات ادعولي والله اني ابجي كل يوم لما انام
