للخوات أللي يعرفون عاجل ...

[أميره بحزني]

صباح الخير




خلوني أدش بالموضوع أنا قبل سنه تقريبا سمعت من وحده من رفيجات الوالده تقول أنه أللي يفزون لها أو تنحسد أول يوم ماتنام يطير النوم وأنا بالأخير أقول حقيقه موواضحه ولاأفهم بهالسوالف وايد سبحان الله ومادري أذا هالشي حقيقه ولا لأ ....بقولكم ليش أخوي أمس مسوي أستقبال عود بمناسبة ولادة زوجته بالسلامه ويابت ولد المهم أخوي عزم أهلنا وأهلها وماشاء الله الحضور كبير من حريم ورياييل أنا من أنا بنيه ضد ضد أني أقص شعري والله بنات تزوجت والله ماقصيته اللهم بس صبغته وليما ألحين مو حابه اقصه عاجبني طووله أنا دايما ألمه لفوق ماأحب أخليه مبطل سبحان الله الناس ماتعطي خير بس رفيجتي وزت براسي قالت بطليه وسويه شسوار سبحان الله يمكن يكون نصيبج من أستقبال أخوج لأن أنا مطلقه وحنت علي حلفتني وزينة البنت شعرها ومادري شنو قلت حق امي قالت كيفج وفعلا سويت شسوار ولميت من صوب القذله والله يابنات صرت حديث الأستقبال أللي تقول توصيل وأللي تقول حلفي بالله شعرج طبعا قرايبنا أللي مايعرفون أنه شعري الطبيعي وأللي تقول شنو خلطات تحطين رديت البيت ألم صداع نصفي موطبيعي وغيره بنام من أمس مو قادره أكلت حبوب حساسيه هم ماكو فايده تخيلوا علي قومتي من أمس لصلاة الفير واليوم الثاني مانمت حاسه راسي بينفجر والله كثر ماأقدر قاعده أقرأ قرأن وأخذت شور دافي ومن أمس لاقهوه ولا جاي حاسه بيصير فيني شي.. يعني لو أدش باليوم الثالث ومانمت أروح للطبيب شسوي ...​

 

[أضعف بطة]

الله يفرج كربتج يالغاليه الله يهداهم الناس يحسدون الميت على موتة اليمعة
استغفري ربج وادعي بالثلث الاخير بتصير امورج كلها تمام ان شالله والله يبعد عنج شر كل حاسد ... آآآمين

​

 

[رود111]

ان شاء اللة ماكو الا العافية. واقري دعاء الأرق يساعدج تنامين فكرى باشياء حلوة و خرى عن التفكير السلبي

 

[مس دلال]

يمكن لان الكلام اللي قالته امك واحساسك انك انحسدتي هو السبب
حاولي تطيرين هالكلام من مخك او تتناسين علشان تقدرين تنامين
او اذا انك محصنه نفسك اقنعي عمرك ان اللي فيك مجرد صداع عادي علشان لا يتئزم الوضع وياك

طبعآ اللي سويتيه غلط من فتره ماشافوا شعرك وجيتي مره وحده فتحتيه كله المفروض شوي شوي عليهم

اقري الاذكار صبح ومغرب وحافظي ع الرقيه وان شاء الله مايجيك شيء

 

[uniqueah]

رد : للخوات أللي يعرفون عاجل ...

آقري سورة البقره والمعوذات

 

[نونه الزعفرانه]

ما تشوفين شر حبيبتي
انتي دامج شفتيهم فزو فيج جان قلتي اي وصلات مو طبيعي

 

[miss_toota]

الله يهداج كان مفروض ترقين نفسج

 

[مملوحه السهول]

رد : للخوات أللي يعرفون عاجل ...

جآآن قريتي المعوذات على نفسج قبل لا تطلعين الله يهديج

كثري من الاستغفار

والله يفرج كربج

دعاء الحسد

أعود بكلمات الله التامات من شر ما خلق
أعود بكلمات الله التامات من شر عباده
أعود بكلمات الله التامات من كل عين حاسدة
أعود بكلمات الله التامات من كل غير راضية
بسم الله خير الأسماء بسم الله الدي لا يضر مع اسمه داء
بسم الله خير الأسماء بسم الله الدي لا يضر مع اسمه شئ في الأرض ولا في
السماء وهو السميع العليم
ما شاء الله ولا قوة الا بالله
ما شاء كان وما لم يشاء لم يكن ولا حول ولا قوة الا بالله العلي العظيم
اللهم أبرئ اليك من حولي وقوتي إلي حولك وقوتك
فادفع عني عين الحاسدين وحسد الحاسدين
برحمتك يا أرحم الراحمين
اللهم احفظني بعينك التي لا تنام
اللهم اكلئني برعايتك فالله خير حافظا وهو أرحم الراحمين
اللهم لا يأتي بالحسنات الا أنت ولا يدفع السيئات الا أنت ولا حول ولا
قوة الا بالله ولا حول ولا قوة الا بالله العلي العظيم
اللهم لا خير الا خيرك ولا طير الا طيرك ولا اله غيرك​

 

[mona q8]

رد : للخوات أللي يعرفون عاجل ...

الله يكون بعونج
بس أنصحج بالرقيه الشرعيه

 

[Diva-Q8]

رد : للخوات أللي يعرفون عاجل ...

جآآن قريتي المعوذات على نفسج قبل لا تطلعين الله يهديج

كثري من الاستغفار

والله يفرج كربج

دعاء الحسد

أعود بكلمات الله التامات من شر ما خلق
أعود بكلمات الله التامات من شر عباده
أعود بكلمات الله التامات من كل عين حاسدة
أعود بكلمات الله التامات من كل غير راضية
بسم الله خير الأسماء بسم الله الدي لا يضر مع اسمه داء
بسم الله خير الأسماء بسم الله الدي لا يضر مع اسمه شئ في الأرض ولا في
السماء وهو السميع العليم
ما شاء الله ولا قوة الا بالله
ما شاء كان وما لم يشاء لم يكن ولا حول ولا قوة الا بالله العلي العظيم
اللهم أبرئ اليك من حولي وقوتي إلي حولك وقوتك
فادفع عني عين الحاسدين وحسد الحاسدين
برحمتك يا أرحم الراحمين
اللهم احفظني بعينك التي لا تنام
اللهم اكلئني برعايتك فالله خير حافظا وهو أرحم الراحمين
اللهم لا يأتي بالحسنات الا أنت ولا يدفع السيئات الا أنت ولا حول ولا
قوة الا بالله ولا حول ولا قوة الا بالله العلي العظيم
اللهم لا خير الا خيرك ولا طير الا طيرك ولا اله غيرك​

سوي اللي قالت عليه الاخت والله يستر عليج ويكفيج شر العين