للخبيرات في مستلزمات القطاوه ساعدوني

[سهم وردي]

السلام عليكم كويتيات
انا راح اشتري قطوه بس المشكله اني ما اعرف اي شي عنه مستلزماتهم يعني من وين اشتري السرير التربه الاكل واي شي مهم
كمالياتهم من شابو والعاب مشط مقراضه يعني اساسيات عشان اخلي حياتهه سهله ومريحه

وبعد البيطري واهو الاهم شلون اروح لهم ومنو احسن بيطري سعره حلو والاهم شغله عدل ما بيه يلعوذها

يا ريبي حاسة كاني بزهب حق مولود يديد
بليز بنات مربيات القطط من ذوي الخبرة افيدوني ولكم اجر قطويتي:tek:

 

[AmOoNa-]

رد: للخبيرات في مستلزمات الفطاوه ساعدوني

شوووووفي سهله السالفه مايبيلها شي كل شي موجود بمركز سلطان الشمبوات اشكال وانواع وبالنسبه حقي اشوف كلهم نفس المفعول

اما الاكل انا انصحج بالبسكووووت وبس اما ملعبات اللحم وهالسوالف خليها كل بين فتره وفتره عطيها لاتعودينها عليهم لانه ريحتهم موحلوه وبتدمر نفسها فيهم وهي تاكل وراح تصير ريحتها خايسه منهم وفوق هذا حتى لمه توصخ الريحه بتكون اقوا والبسكوت مافي ريحه وفي كل القيمه الغذائيه الي يحتاجونها القطاوه واهم شي الماااي طبعا انتي اكيد بتاخذينها صغيره اخذيلها بسكوت حق اللي عمرهم تحت السنه

والتراب في بمركز سلطان تراب كرستال زين ومايطلع ريحه وعلى الحمام اتوقع عندهم الطشت الخاص مال الحمام تحصلينه هناك ولا بالبيطري واخذي الشبل المقضض عشان تنظفين التراب بدون ماتغيرينه كله

والبيطري جبال سوق الحمام في الدهماء والري قبل الدهماء كان ارخص لكن الحين جنه صارو نفس الشي انا عن نفسي دايما اروح الدهماء عند اندرو

 

[سهم وردي]

رد: للخبيرات في مستلزمات الفطاوه ساعدوني

مشكورة حبوبه على المعلومات ما قصرتي يعطيج العافيه
بنات يالله ابي تجاوب ترا اكثر عشان الكل يستفيد ولكم الاجر من الله بعد

 

[GAP^^الكبيرة]

رد: للخبيرات في مستلزمات الفطاوه ساعدوني

حبيبتي جاوبتج بالموضوع المثبت

 

[سهم وردي]

منقول من الاخت الغالية GAP^^الكبيرة

مشكووووووووووووووووووووووووووووووووووووره شربوت بعد جبدي على التثبيت ... وان شاء الله افيدكم بكل ما عندي

حبيبتي سهم وردي... شوفي كل المستلزمات اللي تبينها تحصلينها بسيتي سنتر و لولو ماركت وكارفور وتروفاليو ومركز سلطان>>> هذيل تحصلين اماكن الاكل والعاب والذي منه
تحصلين بعد بسوق الحمام
وبيطريه الري عندكم كورنر صغير يبيع هالسوالف

شوفي لا تكودين بالاغراض.. انتي تحتاجين الصحن المقسم للكل و اهم شي ليتر بوكس (( حمام)) و شامبو واكل ولعبه او لعبتين ومشط ... الاشياء الثانيه اشتريها اذا احتجتيها... وانا ما انصح انج تقرضين القطو بنفسج اذا ما عندج خبره وديه البيطري احسن

في كان محل اسمه بت هاوس بس سكر وان شاء الله اذا البنات يعرفون وين بيفتح يقولون لنا

والاكل تحصلينه باغلب الجمعيات مع تراب الليتر بوكس

بالنسبه للتسجيل في عيادات وايد في صوب مينا عبدالله ووحده صوب الوفره و2 بالري وحده اسمها الدهماء والثانيه الري قبال سوق الحمام
بالنسبه لي افضل الدهماء... اسعارهم مو غاليه ومستوى البيطريه وايد زين
اهم بيفحصونه وبيطعمونه وبيعطونج كرت
وانا اطلب انهم يحطون لهم الشيب عشان اذا ضاع كرتهم او ضاعو وهالشي انتي حره فيه


واي استفسار بخصوص اي شي انا حاضره

--------------------------------------------------------------------------------
آخر تحرير بواسطة GAP^^الكبيرة : اليوم الساعة 11 :39 11:39:58 PM

 

[Me Myself & i]

البنات ما قصروا الله يعطيهم العافيه.. بس حبيت اقول شغله
اذا شريتي القطوه على طول رأسا وديها البيطري حتى يكشف عليها ضروري على شان صحتكم و صحتها ولا تهملين التطعيمات اذا ما كانت امطعمه من قبل و قولي للدكتور يتاكد ان ما فيها فطريات او جرب

ولا تنسين اتصورين لنا القطوه نبي نشوفها ^________^

 

[سهم وردي]

مشكورين على الردود السنعه بس ما يخالف ابي اكثر معلومات توني ام يديده للقطوه ههه

 

[رماد الحب]

حبيبتي شوفي عندج هاردوير الى بشويخ عند الدايسون
كل شي عندهم من اكل (كل الانواع عندهم وفي بعد نوع حق الى اقل من سنه حيل حلو بس عندهم ما القي بمكان ثاني ) لي الالعاب والبوكس حق اذا بتطلعينها والليتر بوكس(حمام) و المشط والطوق للرقبه والتراب والكرستال يعني كككككل شي والطبيب انا اشوف الدهماء افضل شي

 

[سهم وردي]

مشكورين ما فصرتو يعطيكم العافيه

 

[7non]

RO7AII ELBAI6RII ELII YAM SOG EL7MAM WAYED ZAIN RA7 TLGAIN KEL SHAII TBEEENA :ggdw:

 

[بشاريه طربانه]

افدتون انا بعد مشكورين