للحوامل. مذكرات يوميه.

[بدون بس مغتربه]

مرحبا بنات شلونكم وشخباركم موضوع بسط.
تكتبين انتي باي يوم بالحمل وشنوو تحسين تصير مثل مذكرات..

وهذه الاعراض المشهوره

ترقق عنق الرحم
الإمساك
تقلصات
تشنجات
الإسهال

دوخة
إغماء
تعب
النفور من الطعام
شهوة تناول الطعام
حرقة في المعدة

البواسير
عسر الهضم
الحكة
تشنجات الساق
تقلب المزاج
غثيان الصباح
احتقان الأنف
غثيان
وجع الحلمة
نزف الأنف
خدر / تنميل
الألم الصدر

علامات التمدد

تورم
تبول
النزيف المهبلي
توسع الأوردة
قيء

حموضه
حب الشباب
انتفاخ
حساسيه الثدي


اعراض اخرى سجلي... يمكن في ناس تستفيد...
واذا صار عندج من الاعراض كتبي شلون تحملتيها وعديتها او شنو الحل اللي سويتيه...

لاجل نفيد ونستفيد


وشكرا

 

[ملح الكون]

انا بالرابع وبعد يومين ادش الخامس صدااااااع لاني انشغلت وماشربت ماااي واجد
وامساااااااااك من امس )؛ الله يعين قاااعده اشرب ماي قلاص ورا قلاص وان شاء الله خييير ..

 

[نور الضي]

انا باخر الرابع
التهابات وامساك

 

[سور المدينه]

انا بدخل السادس بعد يومين
امساك من بدايه الحمل
وصداع يروح ويرد
حموضه مستمره

والبول المتكرر كل ساعه او نص ساعه وساعات اقل

وربي يتمم لنا جميعا بخير

 

[أمورته]

انا باخر شهر الثاني مادري بالضبط جم لي لان راجعت مره وحده ومافادتني دكتوره الي رحت لها



احس بلوعه مرات وحاليا مثل اعراض دوره تروح وترد وساعات صداع والله ياجرنا ويتمم حملنا ع خير وسلامه ويبعد عنا عيون خلقه الحاقده والحاسده ويشغلهم بانفسهم يارب كل من. فيه سوء

 

[لوولوو_88]

انا حامل آب 8 أسابيع .. شهر ونص

أعاني من لوعه .. ما تروح لمن اغير ريجي و اتحاشى الروايح ما خذيت علاج
خمول و إرهاق .. مالها علاج الا التمدد و الراحه
دخل الحمام وايد تكرمون بول .. هم مالها حل جد
آلام بالخصر جهه وحده و الظهر .. كماداااات او دهان زيت زيتون دافي
آلام بالصدر .. مالها حل

الله ياجرنا بس و اتمم علينا و يحفظ اجنتنا من كل شر يا رب

 

[HoD'HoD]

انا بالاسبوع الثاني من الشهر السابع الحمدلله

شد عضلي بالريل خصوصا وقت النوم ،، ليلحين مالقيت حل

عوار الظهر والحوض ويزيد مع النوم او القعدة مدة طويلة ،، الحل اقوم امشي شوي واذا نايمة احط مخدة بين ريولي واقلب يمين ويسار واذا زاد العوار انام وانا قاعدة لما يخف وارد انسدح

حالياً رد معاي الامساك بس اخف من الاشهر الاولى وكل يوم اشرب عصير برتقال على الريج عشان يلين بطني

والتبول زايد وانتو بكرامة كل شوي رايحة الحمام ومالها حل

 

[# غنوجة بيبي #]

انا باخر اسبوع بالسادس و الحمدلله

احس وقت النوم يحوشني شد عضلي بالحوض و نهاية الصدر عوار

يحوشني فقط وقت النوم و لما اقعد فتره طويله

الله يسهل يا رب

 

[Barbiea]

انا بالاسبوع الـ 17 ويايني امساك

ونفسسسسسسيه تعبانه ادمع ع اي شي وايد فيني ضيجه

ومالي خلق اداوم كله اغيب عن الدوام صار لي اسبوعين وشي مارحت من النفسيه الزفت


لكن الحمدلله ع كل حال

 

[بدون بس مغتربه]

في الاسبوع السادس وابدا اعد للسابع...

احساسي طعم غريب الصدر قاعد يكبر... والجبن كرهته...

في الالم ونغزات وايد بالخواصر والظهر واسفل الظهر


الم الدور يجي مرات اذا حسيت بتعب والم الظهر.