للتواصل مع الوزير المليفي

[عنووود]

صراحه وجود ابو انس مطمئن الله يعطينا خيره يارب ..​

ملينا من التربويات واللي سووة فينا..​

من قراراته الغاء امتحانات الفترة الاولى والثالثه واللي بيحس بحلاوة هالقرار​

الي تخصصهم انجليزي اهلكونا بالتصحيح الجماعي بامتحان فترة..!
نركض عالحصص ونرجع نصحح
والكل يلومنا ليش خلصنا او ليش فيه اخطاء؟​

القرار الثاني الغاء اختبار النظري الحاسوب والالعاب وبجد قرار منطقي مواد عمليه شلون يختبرونها نظري؟​

امور مطمئنه جدا اللي حبيته اكثر انه مقدم دعوة للكل على توتر انه راح يكون موجود كل جمعه عشر ونص لسماع مقترحاتكم​

وهذا الرابط​

http://twitter.com/#!/almelaifi​

والبشارة ترى امس كتب انه ضد بقاء المعلمين لنهايه الشهر بعد انتهاء مهامهم​

 

[أحلى^حياه]

مشكور ه عالاخبار الحلوة

 

[gogona]

والله جان زين احنا نخلص 8-6 شماله نداووم لي اخر 6

 

[the white heart]

يااااارب تعطينا خير هالوزير وتسخره وتهديه لنا .... قولوا آمين .... والله العظيم نص التعب الي نتعبه في وزارة التربية عالفاااااااضي وروتين ماله داعي ... أنا درست فترة في مدرسة أمريكية قبل الوزارة والله العظيم ما نسوي شي ماله معنى وكنت اداوم من 7 إلى 3 وقسما بالله أدش مستانسة واطلع مستانسة لأني عارفة شغلي لا وبعد نصاب أعلى بس فس شي اسمه نظام وما في شي بدون فايدة ولو حسيتي انه في شي ماله معنى تتكلمين والمديرة كلها آذان صاغية .. بوزارة التربية ما أحس بوجودي جني أكرمكم الله حمار قاعدين يسحبونه ...

 

[ابله اريام]

الله يهدي لنا يااااااااااااااااااااااااااااااااااااااااااااااااارب قولوا امين

 

[عنووود]

مشكور ه عالاخبار الحلوة

العفو احلى حياه

 

[عنووود]

قوقونا كلنا ناطرين هالقرار المهم


ذا وايت هارت صدقتي بالمدارس الخاصه على الرغم من ان النصاب اكبر والراتب اقل بس فيه متعه وشغلهم بس تدريس


ابله اريام امين يارب

 

[توتي فروتـي]

..
ردوده تبشر بالخير .,

شكرا عنود

 

[أميرة-]

يقول المعلم ماله داعي يداوم بعد انتهاء مهامه يعني بعد غياب الطلبة .. بينجلطون ديناصورات التربية وعجايزها من كلامه

اول وحده بتنجلط ناظرتنا ههههههههههههههههههههههههههه هي الود ودها تخلينا نداوم يوم الجمعة والسبت بس مو حاصل لها

 

[روولاف]

الله يبشركم بالخير..

وربي تعبنا ع قولتكم تصحيح جماعي مناوبات احتياطات ووالورش اللي اهلكتنا واالله لو فيها فايده حنا رحنااا نركض بس وربي مافيها فايده بس زيادة ضغط واذا تكلمتي او اعترضتي صرتي بالقائمه السوداء وانتي كله معترضه

ذاك اليوم جاني احتياط مع التدريس وانقهرت لاني ناويه اخذ اضافي وامشي صفي كنت متاخره لاني نصاب كامل والناس

سبقوني وبس قلت شلون انا ابي صفي بناتي اولى فيه ميه مدرسه فاضيه ابفضفض الا على طول وصل للناظرة من منفذة الخدمه

تقول هاذي كله معترضه ومدري ايش وانا كل يووم اراكض ادور اضافي لصفوفي صرت معترضه حسبي الله ونعم الوكيل على

ذاك اللقرار اللي فيه وبعد مدري صدق ولا لا ؟؟ الي هو لاتكلمين ولاتعارضين منفذات الخدمه ولو وصلنا منهن شكوى على طول

مااذكر ياافاده يالفت نظر وبصراااحه نحس مرااات اننا بسلك عسكري مو بمدرسه الناظرات معطين نفسهم صلاحيات مو من

حقهم ربي يطرح فيك الخير يالمليفي ويسسعدك وعساك ذخر لنااااا ..

 

[بنوتة كول]

الله يبيض وجهه يا رب ويسخره لنا

 

[عنووود]

توتي فروتي العفو

اميرة جان زين نفتك من شرهم هههههه قطيعه لاعت جبودنا من الضيم

رولاف انتي غلطانه نصابج كامل من حقج تعترضين ومو منحقهم يغصبونج اصلا يخافون من اللي يعرف القانون

قولي مابي اوقع عالاحتياط واذا كلموج قولي من حقي انا نصابي كامل وتعبانه المفروض ما اخذ احتياط بيسكتون غصب عنهم

ولو تعطيج افادة لشي مو مقتنعه فيه ومو غلطانه لا توقعين ما تقدر تدخل ورقه بملفج انتي مو موقعه عليها ولو اصرت تدخلها بتنادي المراقب عشان يناقشج ليش مو راضيه توقعين او الموجهه وعالاغلب ماراح تنادي احد بتخاف


الله يعينج يارب بس ارد واكرر يخافون من اللي يعرف القانون

 

[عنووود]

بنوته اللهم امين

 

[روولاف]

حبييبتي اللعنود انا عارفه القوانين بس نادتني مرة الناظره وقلتلها نصابي كامل ومن هالكلام قالت نصاابكم ياصل لعشرين

وبعد هذا شغلكم المفروض ماتعترضون والواحد يحلل معاشه وعطتني محاضره وانتم توكم شباب انا كنت مدري كم نصابها وبدون كلل وملل ومن هالسوالف انا مدري ليه دايم يقارنون انفسهم فينا بهالوقت قبل التدريس احسه اسهل يمكن النصاب كثير بس ممتع هذا الي سمعته انا رياضيات واجباري مرحلتين ووسائل وحوسه ومع ذلك ماشكينا بس مانبيهم يضغطوناااااا لكن الحمدلله على كل حاال ..الواحد يخاف الله هو من نفسه يطلب اذا حس انه متاخر او مقصر بحصه عرفتي..

على طاااري الرياضيات ياابلات الرياضيات توقعون يلغون قرار تدريس مرحلتين ياليت يمسكونااا مرحله وحده والله كان نبدع ..

يـــــــــــــــــــــــــــارب خيــــــــــــــــــــــــــر ..

 

[نجمة كويتية]

اكيد عنده احد يصيرله وظيفته معلم من جذي حس فيكم لووول يلا يعطيه العفاية

 

[بارك هايين]

الله يوفقه ويطول بعمره ويديمه وزير للتربيه
احسن من اللي قبل