للتخلص من النمل (( طريقتي الخاصة ))

[@ الرسامة @]

عزيزتي ربة المنزل​

اذا شعرت بوجود النمل في منزلك
قومي باحضار مرش فاضي وقومي بملئه بالماء ثم ضعي ملعقة كبيرة من الديتول + ملعقة كبيرة من صابون فيري الخاص بالاواني المنزلية

ثم قومي بخض المرش


بعد ذلك رشي النمل بهذه الخلطة


سوف تلاحظين احتراق النمل في مكانه



قومي بالرش دائما عند اطراف المنزل خصوصا في المطبخ


سوف تلاحظين اختفاء النمل من منزلك وايضا الرائحة الجميلة التي اكتسحت منزلك​

 

[الغلاااااااكله]

رد : للتخلص من النمل (( طريقتي الخاصة ))

الرسامه يعطيج العافيه

 

[^SwEeTa^]

رد : للتخلص من النمل (( طريقتي الخاصة ))

يعطيج العافية يا الرسامة على الموضوع

عاد انا توني سامعة .. ان اذا نثرتي بالبيت سمسم .. النمل ما يدشه .. تصدقين عاد !

 

[srabeel]

رد : للتخلص من النمل (( طريقتي الخاصة ))

بصراحه خوش طريقه لأنى ما أحب أستعمل البودر أخاف اليهال يروحون يلحسونه
بس طريقتج وايد حلوووووووووووه
الله يعطيج العافيه

 

[xxx]

رد : للتخلص من النمل (( طريقتي الخاصة ))

مشكورة يالرسامه على الطريقه

انا ذبحني النمل

بجربها ان شاءالله

 

[^SwEeTa^]

رد : للتخلص من النمل (( طريقتي الخاصة ))

بنت الكويت ليش ما ترشين بيتج و تفتكين ؟

 

[xxx]

رد : للتخلص من النمل (( طريقتي الخاصة ))

هلا سويتا

انا المشكله انه في فتحات بالطوفه يطلع منهااا

نمشي ونسكر خف شوي

 

[^SwEeTa^]

رد : للتخلص من النمل (( طريقتي الخاصة ))

واي الله يعينج

جربي طريقة السمسم يم الفتحات !! بعد شتسوين !!

 

[@ الرسامة @]

رد : للتخلص من النمل (( طريقتي الخاصة ))

السلام



هلا فيكم يا حبيباتي


شهالتجمع الحلو



واضيف لكم ان النمل اختفى من البيت نهائيا من بعد ما استعملت هالخلطة
اتصدقون عاد ان النملة تحترق بمكانها
لو انج اتطبقين هالطريقة ببيتج لمدة شهر يوميا جان افتكيتي من النمل
وانا طفارتي النمل
بس وين وراهم وراهم​

بشوره --- هلا فيج عزيزتي

^SwEeTa^ ----- خوفج اذا رشيت سمسم ازهيوية اتييلي

srabeel ----- اتصدقين عاد انا ما اواطن البودر وكله اوسوس منه اخاف يطير على الاكل والا اليهال يلعبون فيه وبعدين البودر ما تقدرين تحطينه بكل مكان

^^بنت الكويت^^ ----- جربيها وبتدعيلي اما بالنسبة للفتحات فبما اني مدرسة رسم فانصحج بالخزف الطين الاحمر او الابيض علشان اتسكرين الفتحات اللي فيه وتلقينه بالجمعيات وسعره 865 فلس (( شفتي شلون احفظ الاسعار )))

-----​

 

[^SwEeTa^]

رد : للتخلص من النمل (( طريقتي الخاصة ))

واي .. كلش و لا الزهيويه .. لا تجربون الطريقه عيل .. هونت

 

[@ الرسامة @]

رد : للتخلص من النمل (( طريقتي الخاصة ))

هههههههههههههههههههههههههههههههههههههههههههههههه


سويتا



ضحكتيني

 

[Raveena]

جنج حاسة فيني

انا اعاني من النمل و كل يوم لازم اكت البودر اللي يموت النمل بس النمل اللي يطلع كبير حتى بالحمام لقيت فتحة تطلع من النمل الخدامة راحت سكرت الفتحة بصابون

ان شاء الله راح اجربها الحيييييين و اعلم الخدامة عنها

 

[كسرة عود]

مشكوووووووووورة

 

[نموله_77]

يعطيك العافيه وما تقصرين

 

[الغاليه نونو]

تبين تقضين عالنمل مووليه شوفي اخذى عظمة ديايه صغيره وقطيهااا ويتيمع عليها النمل ورشيه فليت واستمري علي هالطريقه اسبوع وينقطع موليه النمل

والطريقه الثانيه سوي لج خلطة اسميت وسدي كل الفتحات اللي بساس الطوفه وتفتكين

الطريقه الثالثه اخذى اسفنيك وطحنيه سويه بودر واخذى بودر النمل خلطيه مع بعض وتحت اطراف الزوليه رشي البودر واذا بيتج سيراميك رشيه بودر يوم زوارتج وانتي طالعه الصبح ولما ترجعين البيت بالليل نامي وقعدي ثاني يوم الصبح ومسحيه عن اليهال لايحوسون بالبورد

والطريقه الرابعه اخذى سرنقه مالت الطبيب وترسيها بودر وخلي بوز الرسنقه داخل الفتحه ورشي البودر يكون داخل الجحر مال النمل ويموتون وترتاحين

ترا كل هالافكار مجربتها والله موقاريتها ولاناقلتها لكم بس تطبيق عالهوا مباشره والنتايج مدهشه

 

[اعييز]

مشكوووووووووورين حبايبي ماقصرتو

آنه من كثر رشاش الماي بسوي لي رف بالصالة احطهم عليه


بس اعجبتني وايد .. ديتول وصابون خوووش عساني ماانسى

 

[رنين]

عسى الله يعطيج العافيه الرسامه بس واي لا حرام تحرقونه ....

عندي لج طريقه سلميه لا ذبح و لا هم يحزنون.....

النمل ما يواطن الفلفل....
احط مكان ما اتوقعه يدخل منه فلفل اسود عدل و قهوة عربيه نص طحان....

و كان الله غفورا رحيما.....

بس يعني يا ولد الحلال ما نبيك ببيتنا روح دور رزقك بعيد


و الله فقدتهم

 

[منورة]

مشكووووووووورة الرسامة بجربها وان شاء الله نقضي علييييييية


ذبحنا هالنمل >ــــــ<

 

[q8_hala]

حلوه الطريقه بس مو حرام نحرقهم

 

[Iron]

مشكوره00ويعطيج العافية