للاهميه ..

[هموم مبعثره]

السلام عليكم ورحمه الله و بركاته ..
انا عندي استفسار وان شالله ماتقصرون معي
انا خريجه بكالريوس قسم تاريخ
من المملكه العربيه السعوديه وتزوجت كويتي
لي 4 سنوات ..
وكل مااقدم اوراقي للوزاره يقولون تخصصك مو مطلوب!!
وعلى هالحال لين اللحين .
انا يأست اني اتوظف بصراحه
فقررت ادرس بالكويت
بـ كليه التربيه الاساسيه بالكويت او الجامعه بس كيف الطريقه !؟
يسوون لي معادله ؟
وايش الاوراق المطلوبه؟
ياليت تفيدوني واكون شاكره لكم.

 

[sick]

انا مادري اذا يسوونلج معادله بلكليه, بس انتي روحي سألي او خلي ريلج ايروح يسألهم اذا يصير, بس عندي لج نصيحه اذا دشيتي تربيه اساسيه راح اتصيرين تربويه وحكرآ تشتغلين بوزارة التربيه سواء عجبج او لأ, فاذا هذا اللي تبينه اخذي اوراقج كلها وروحي سألي التربيه الاساسيه, او تقدرين تدرسين بمعهد خاص على حسابج سكرتاريه ويوظفونج التربيه سكرتيره بمدرسه اذا حبيتي, موفقه حبيبتي

 

[هموم مبعثره]

اختي sick
يعطيك العافيه ماقصرتي ..
وبخصوص المعهد تنصحين بمعاهد معينه ؟
لان انا ناويه ادرس بس مابي ادرس شي وتكون شهادته مو معتمده
واذا عندك فكره عن رواتب السكرتاريه ؟

 

[عادت ذكرياتي]

روحوا العمادة بالشويخ ))) واستفسروا عدل إذا يعادلولج ولا لأ

بس في سعوديات مع اختي عادوا الثانوية العامة عشان يكملون عندنا بالجامعة فما أدري شنو صار معاهم بالضبط


سئلي بالشويخ أفضل واخذي الخبر الأكيد


ومووووفقة

 

[sick]

اختي sick
يعطيك العافيه ماقصرتي ..
وبخصوص المعهد تنصحين بمعاهد معينه ؟
لان انا ناويه ادرس بس مابي ادرس شي وتكون شهادته مو معتمده
واذا عندك فكره عن رواتب السكرتاريه ؟

اي اختي, عندج المعهد الأثري معتمد 100% و في ايام خاصه للنساء مع مواصلات متوفره, رواتب السكرتاريه حلوه, انا رفيجتي بحرينيه متزوجه كويتي كان معاشها تقريبآ 700 وعندها شهادة معهد خاص تخصص سكرتاريه + ثانويه, و هم اذا خذيتي هلشهاده تقدرين تشتغلين فيها بمدرسه خاصه بعد بس مادري عن معاشات المدارس الخاصه صراحه

بس اهم شي روحي سألي اذا يعادلولنلج شهادتج هذا اهم شي, روحي التربيه الأساسيه وسأليهم وموفقه حبيبتي

 

[هموم مبعثره]

روحوا العمادة بالشويخ ))) واستفسروا عدل إذا يعادلولج ولا لأ

بس في سعوديات مع اختي عادوا الثانوية العامة عشان يكملون عندنا بالجامعة فما أدري شنو صار معاهم بالضبط


سئلي بالشويخ أفضل واخذي الخبر الأكيد


ومووووفقة

الله يعطيك العافيه حبيبتي ..
بس صدمه اللي عادو الثانويه
انا مخلصه البكالوريوس مااتوقع اعيد الثانويه
يمكن هم معهم ثانويه بس .
على العموم ماقصرتي حبيبتي ..
راح استفسر بخصوص العماده اللي بالشويخ
وان شالله ربي يكتب لي اللي فيه خير

 

[هموم مبعثره]

اي اختي, عندج المعهد الأثري معتمد 100% و في ايام خاصه للنساء مع مواصلات متوفره, رواتب السكرتاريه حلوه, انا رفيجتي بحرينيه متزوجه كويتي كان معاشها تقريبآ 700 وعندها شهادة معهد خاص تخصص سكرتاريه + ثانويه, و هم اذا خذيتي هلشهاده تقدرين تشتغلين فيها بمدرسه خاصه بعد بس مادري عن معاشات المدارس الخاصه صراحه

بس اهم شي روحي سألي اذا يعادلولنلج شهادتج هذا اهم شي, روحي التربيه الأساسيه وسأليهم وموفقه حبيبتي

حبيبتي والله ماقصرتي ..
الاحد بروح لكليه التربيه استفسر ..
وان شالله خيير.
واذا مالي نصيب بدرس معهد

 

[elegantway]

للرفع

 

[هموم مبعثره]

يسلمووو حبيبتي ..

 

[sick]

حبيبتي هموم بشري..؟ اشصار معاج؟