للامهات

[lyale]

كل ام داومو عيالها تقول لنا شنو اجراءات المدرسه بالنسبه لانفلونزا الخنازير :eh_s(1):

 

[حلم الطفولة]

مشكوره عالموضوع المهم ليالي .. نبي نشوف المشاركات يا خواتي ..

 

[ملكة بيتها]

خوش موضوع ليال ...انا مدرسه بنتي الخليج الإنجليزيه بصراحه إستعداداتهم هي في كل صف معقم لليد وسبراي ديتول وحسب النشره اللي دزوها لنا أول يوم كاتبين إنهم ينظفون الصفوف ويعقمونها كل يوم وبس ....الله المستعان على هيك إستعدادات

 

[lyale]

مشكوره حلومه كلج ذوووووووووق والله صاجه نبي مشاركات ان بدت افقد تواصلي مع بعض الامهات الي تدخلين عليهم تسلمين عليهم وما يردون في جم تجمع الله المستعان وعلي قولتهم السلام لله وصدقه
ملكه شكرا عالمشاركه ومانبي هيك استعدادات بس يشسووون بعد ازود عندج مقترحات

 

[mr000]

السلام أمهات اشلونكم ليالي مشكوره عالموضوع القيم حلومه اشلونج ملكه اشلونج شخبار بنتج مع المدرسه مبروك دخولها غريد 1 يارب تشوفينها متخرجه وعروس! آنا راح أجاوب باختصار مابي أدلي بدلوي لاأسبحكم لأن قلبي متروس! المهم مدرسة ولدي العالميه الأمريكيه حاطين معقم بالصفوف وعلى كلام ولدي أنه كلما ينتقلون من صف لي صف لازم يعقمون أيدهم ومنبهينهم مايسلمون باليد وno hugs بس ماسمعت غير جذي بس يمكن قبل لايدخلون الطلبه الصف كل يوم يمسحونه بالمطهر مادري آنا شفتهم بالأداره كل ماأدش الفراشات قاعدين يمسحون حتى الطوف! أي بعد وكل ماتطلع عندهم حاله يعقمون الصف ويسوون check على طلبة المرحله كلها ويتأكدون من سلامتهم! هذا على كلامهم!هذا يعني باختصار بس ربع الدلو

 

[bella bambina]

هاي أمهات آنا مدرسة عيالي العالمية الأمريكية حاطين بالصفوف والممرات مطهر وعندهم غرف عزل في حال الاشتباه بحالة طالب التنبيه على الطلبة بشكل يومي على النظافة الشخصية وأهمية التعقيم تواجد طبيبة و4 ممرضات ويقومون بفحص درجة حرارة الطلبة عند الحاجة وقامو باعلامنا بحدوث حالات انفلونزا الخنازير لطلبة على عكس بعض المدارس التي لم تبلغ عن الحالات فيها وعند ارتفاع درجة حرارة طالب يعيدونه للمنزل وما نقول إلا الله يستر على عيالنا ويكافينا شر الأمراض

 

[+بسبوسة+]

الله يكافي عيالكم وعيالنا شر الامراض

 

[ملكة بيتها]

هلا مرووو ... الله يبارك فيج الحمد الله أنا بخير وبنتي بخبر

 

[lyale]

مروو بيلا هلا والله واشكركم عالمشاركه فعلا هذي الاجراءات باغلب المدارس وهم ما منعت من وجود حالات وعلي قولتج بيلا العالميه عطت خبر بس في مدارس تكتمت علي الحالات الي عندها انتو برايكم شنو الحل للمدارس اذا اصروو علي دوام الطلبه
مرووو هذا بس الربع من الدلو وين الباجي الثلث تربع فضفضي احنا نبيج تفضفضين لنا

 

[lyale]

بسبوسه امين
يارب يحفظ عيالنا وعيال المسلمين جميعا

 

[mr000]

ليالي أحنا اللي عيالنا كبار مشكلتنا أن صعب نغيبهم أذا ماتأجلت الدراسه رسمي والمدرسه يقولون لنا قرار الغياب هذا راجع لكم يعني خلصوا نفسهم من الموضوع وقطوها براسنا لاقادرين نغيبهم ولو لاسمح الله تعادوا بيقولون لنا أحنا ماغصبناكم اتييبونهم هذا قراركم!!!!الله كريم يارب تحفظ عيالنا وعيالكم!

 

[حضاره]

السلام عليكم00

انا بنتي بالتكامل ولما داومت سألت الرسبشن شنهي استعداداتكم حق هالوضع قالوا لي (اذا الطالب كح00بنرجعه البيت)!!!!!

اترك لكم التعليق00

 

[lyale]

مرووووو اي والله مساكين الكبار الاجواااء ما اطمن وهم دراسه بالله شلون يبونهم يدرسون ونفسيتهم متوتره وخايفين من المرض
حضاره لاااااااااا قمة الابدااع بدعوووو باهتمامهم بالطلبه

 

[Miss_Tiger79]

ولدي بالتكامل
واستعداداتهم حاطين معقم بالصف ويعقمون ايدهم كل ما يدشو الصف ويطلعون منه وقايليلهم ى تاخذون من اغراض بعض ويقيسون حرارتهم الصبح
وطالبي منا حتى سبري مال الجو على ديتول
وكل يوم ينظفون الصفوف الصبح ويعقمونهم

والله كريم يحفظ عيالنا وعيالكم انشالله

 

[Miss_Tiger79]

ولدي بالتكامل
واستعداداتهم حاطين معقم بالصف ويعقمون ايدهم كل ما يدشو الصف ويطلعون منه وقايليلهم ى تاخذون من اغراض بعض ويقيسون حرارتهم الصبح
وطالبي منا حتى سبري مال الجو على ديتول
وكل يوم ينظفون الصفوف الصبح ويعقمونهم

والله كريم يحفظ عيالنا وعيالكم انشالله

 

[bella bambina]

هلا ليالي صح كلام مروو اهمه دزو لنا رسالة يخلون مسؤوليتهم المنهج ماشي وامتحانات يومية تقريبا والتطعيم مطول فماراح نقدر نغيبهم مع إني حارمتهم من الطلعه والسفر بعطلة العيد بس المدرسة أهم من هذا كله ودراستهم صعبة لو درس يطوفهم نتوهق فما جدامنا حل إلا نوصي عيالنا يهتمون بالتعقيم ونرقيهم كل يوم والله الحافظ وبنتي الصغيرة اللي بالكيجي دوامها عقب العيد بس ناوية أغيبها

 

[lyale]

مس تيقر هلا والله فيج معانا ومشكوره علي الدعوه الله الحافظ بس زين مهتمين شوي ان ياخذون حرارة الطلبه لان في مدارس سمعت ما تقيس حرارة الطلبه شي احسن من ولا شي
وهم فكرة السبراي ديتول حلووه حق التعقيم وقتل الجراثيم
بيلا اييي مساكين شلون تغيبونهم منهج ودراسه وامتحانات هم حرااام تضيع سنه من عمرهم الله يحفظهم لكم ويرفع عنهم البلا يارب
امبيه انا بالعيدد بسافر عيالي من الحكره ويشوفون وايد ناس سافرو ويتكلمون جدامهم حنووو علي علي السفر هم التعقيم ونرقيهم والله الحافظ

 

[mr000]

سلام أمهات اشلونكم!ليالي اذا بتسافرون بالسلامه تروالي الأفضل لوتلبسون كمام بالطياره وحتى بالمطار لأن ماتدرين الناس اللي حواليج بالطياره سبحان الله أحد مريض مادري آنا أحاتي اليهال بالذات! والله آنا عيالي كبار وبيسافرون الأمارات وقاعده أوصيهم يحطون الكمام بالطياره! الله يحفظكم ويحفظ عيالنا ان شاءالله ماكو الا العافيه!

 

[bella bambina]

صح كلام مروو آنا رفيجتي انعدت اهيه وعيالها من الطيارة توكلو على الله و حاولو تعقمون كثر ما تقدرون والله الحافظ

 

[lyale]

هلاااا مرووو وبيلا اي صح كلامكم انا هم سمعت ان في ناسو انعدو من واحد كان يمهم يعاطس بالطياره
وانشاء الله تعقيم وما يتحركون من يمي هاليهال ما نقدر نمسكهم الله يحفظهم بس
وييي ياريت يرضون يلبسون كمام بنتي تقولي ليش تبين الناس تضحك علينا هالنتفه
شسوي شكلي بلبسه قبلهم يمكن يتشجعون