للامهات سبونج بوب يروج للماسونيه

[تكييف]

رد : رد: رد : رد: للامهات سبونج بوب يروج للماسونيه

والله كلامج صح واقنعتيني ؟؟؟ وبحط صح بتقييمج بس ماصار ؟؟؟

 

[تكييف]

رد : رد: رد : رد: للامهات سبونج بوب يروج للماسونيه

والله كلامج صح واقنعتيني ؟؟؟ وبحط صح بتقييمج بس ماصار ؟؟؟

اسفه عالخطا ؟؟؟هذا الكلام حق الاخت شادو:yaaaaaarb:

 

[مستغانميـة]

رد : للامهات سبونج بوب يروج للماسونيه

عاد هالبباي اموت فيه والله

الله يجيرنا وعيالنا من فتن وبلاوي هالزمن بس

 

[معلمة شيسمونه]

اضم صوتي لاختي شادووو
انا من عشااااااااااق سبونج بوب وهالحلقه ما شقتها للامانه
صج اني كبيره ومتعلمه وعارفه برموز الماسونيه لكني ما انتبهت ولا حطيت هالشي ببالي باختصاااار
اشوف سبونج مجرد اسفنجه تعبر عن طفل طيب القلب وقمه بالبرااااااءه
ودايم يبحث عن الجانب الحلو بالاشياء السيئه واهم شي على نيته وهالكارتون يمثل الناس بشخصياتهم المختلفه واشوووفه حلو ورائع وبس
اليهال لما يطالعونه يشوفون اسفنجه طيبه وحبوبه بسسسس
تقبلي رايي الشخصي بحياديه مو لاني من عشاقه

 

[^نوف^]

رد : للامهات سبونج بوب يروج للماسونيه

عاااد اخوي الصغير غراامه شي اسمه سبوونج بوب يااكثر ما يتابعه ليل ونهار مو بس سبونج بوب قناه نيكلودين كلهاا 24 مجابلها وانا ملاحظه انه للقناه فيهاا حركات ما تناسب اليهال كلش :eh_s(4):

بس ما اعتقد اليهال يلقطون هالحركات بس يلقطون الكلمات :eh_s(14):

 

[وهج الخير]

ياربي هالكرتون فيه سحر والله مو بس ولدي يتابعه حتي انا لووووووووووووووووول

اون شفته تنحححححححححت عليه بشكل موووطبيعي

معاها احبه لوووول

 

[اينااس]

انا تونى متاابعه حلقه من يومين

مع بنتى يقول فيه سبونج

انت سخيف انتحقير بصراحه عصبت قالت موومسلسل اطفال هذي:rgewrg:

 

[نآعِمْ آلعُود]

رد : رد: للامهات سبونج بوب يروج للماسونيه

أستغفر الله !

حسبي الله و نعم الوكيل عليهم

معقولة ؟! حتى سبونج بوب :eh_s(14):

أخوي إدمان على هالإسفنجة

اممم بصراحه ماادري وش معنى الماسونيه ؟


بس الاطفال مايلاحظون يعني خواني يموتون عليه واخوي عمره 15 سنه يتااابعه ولا يعرف للماسونيه وبنت خالتي عمرها عشرين تشوفه ولا عمرررها انتبهت لحركات الماسونيه بالكرتون


يعني الطفل صغييير ماراح ينتبه لهيك اشياء

إذا ممكن بس أنا حابه أعلق على كلامج

الطفل ممكن ما ينتبه أو يركز على الشغلة

بس يحفظها و يخزنها في عقله

و خصوصاً الأطفال لأنه عقلهم يستقبل و يحفظ كل شي

و هالشي إسمه الغزو الفكري و العقلي و هالشي معروف عند اليهود

و هذا ألعن أنواع الغزو

تابعي حلقات [ القادمون ] على يوتيوب و راح تعرفين كل شي قاعد يصير و أشياء عمرها ما مرت عليج

تقبلي مروري

:eh_s(17):

 

[miss_math]

صراحة انا تابعت جم حلقة بالبداية انجذبت له

عقب لاحظت أشياء المفروض ما تنعرض للأطفال

فيه بعض الكلمات البذئية والحركات النص كم ..

المصيبة أنهم يدسون السم بالعسل

ونحن مطالبون بتوفير البديل ..

 

[أهداب]

رد : للامهات سبونج بوب يروج للماسونيه

قال صلى الله عليه وسلم (كلكم راع وكلكم مسؤل عن رعيته )

والله ماتسوا علينا نضيع الامانه الي استرعانا الله ايها..... واللي يغش رعيته له عذاب عظيم


لا وعشان قنوات ساقطه والله ان ضررها كبير لدرجة ان البعض يقول حرام نحرم عيالنا منها ليش اهيا ضروره من ضرورات الحياه والحمد لله فيه بديل لاكن هنا الانسلال والاستسلام للكافرين ووالله الاباء الي يتركون عيالهم عندها هم لازالو يحتاجون لتربيه

الحمد لله الان القنوات الاسلاميه مثل المجد وسمسم والله تكفي وتوفي وغطت على الساقطين واقامة الحجه على الامهات المضيعات للامانه والامهات الي فعلا تستحق تكون ام وتخاف على عقائد وعقول ابنا ئها مثل ما تخاف على اجسادهم
ومولازم الطفل يجلس مقابل التلفزون طوال الوقت
العلما يقولون بالكثير يشوفه ساعتين لانه يقتل ابداع الطفل وافضل شيء الطفل يتحرك يلعب يرسم يكون له انشطه موبس يتنح قدام التلفزون وذا قام طبق الي شافه على اخوانه والام تقول ولدي شيطان لانه شاف الامثله في القنوات الساذجه ولاقنوات الطقطقه الي والله تخلي العيال يستخفون مثل طيور الجنه

ليش الاعلم الساقط الموجه لنا من الكفار يغرس الكفر والفساد في ابنائنا واحنا ما نغرس فيهم الاسلام ونبين لهم حقيقة الكفار

شوفو ا البوذيين واليهوديين وهم على باطل يغرسون في اطفالهم من قبل سن الروضه عقائدهم الباطله

واحنا مسلمين ونقول لا حرام مايفهمون

لا الاطفال يفهمون والشي الي ينغرس فيه لابد تطلع ثمرته
ابناءنا اليوم قادة الغد
اريد ابنائنا قادة الغد لا ساقطين
لانريدهم على هامش الحياه بل قاده يفتخر بهم المسلمون​

 

[Ya7aLaTY]

حسرتنا عاد اختي تعشق سبونج بوب

 

[*ماي الورد*]

عاد اموت عليه حده عبيط
فيه اشياء ما يفهمها الا الكبار انا معاج

 

[إيطالـيـة شقرا]

رد : للامهات سبونج بوب يروج للماسونيه

حبيبتي اشكرج على طرح الموضوع

بس انا راي من راي الاخت (شادو كويتيه) الصراحة كلامها رائع ومنطقي وانا وياها 100%

تحياتي .. إيطالـيـة شقرا

 

[أمـونة]

رد : رد: للامهات سبونج بوب يروج للماسونيه

حبيبتي أهداب ​

أنا ابي انتقد نقد بناء و ما ابيج تزعلين مني​

الكلام اللي قلتيه شكله كله من حلقه وحده أو حلقتين (إذا كلامي غلط صلحي لي)​

و على قولة مزيونة الهيلا اليهال اشفهمهم و اشدعوه يا حافظ بيلكشون الهرم اللي بالرف الاخير فوق على اليمين و يقلبون ماسونيين ​

انتي اصلاً اشلون شفتيه ، والله العظيم قاعده اطالع الصوره اللي حاطتها و حاطه دائره على الهرم اللي بالزاويه و مو امثبته قاعده اقول جنه الصوره هذي ما فيها شي ياااالله انتبهت على الدائره​

انزين احنا اشلون نحكم انه سبونج بوب قاعد يروج للماسونيه ولا قاعد ينتقدها ولا قاعد يتطنز عليها (لان الاجانب معروفين بالانتقاد و بالتطنز مثل ما معروفين بالترويج لاجندات خاصه)​

انا ارجو انه احنا لا انسوي من الحبه قبه حبيبتي أهداب ، لانه باجر بيقولون سبايدرمان يروج للماسونيه علشان إشارة إيده (و في الواقع اشارة ايده طلعت من الفلم القديم يوم سبايدرمان يسوي جهاز اللي يطلق الشبك و خلى الزر تحت كمه)​

هذا الشي يذكرني بازمة البوكيمون يوم قالو انه يزرع فكرة التطور و الارتقاء لدارون في ذهن الاطفال ، خل عيالنا يذاكرون ادروسهم قبل لا يتناقشون في نظرية دارون للتطور و الارتقاء .​

انا حبيبتي مو قصدي شي لكن أشوف انه الناس ما يصدقون و يبدون يزيدون حجي مثل ما قالو عن بيكاتشو انه اسم للجن الاصفر اللي راح يدش بعيالكم اذا طالعوا بوكيمون - بالله عليج هذا حجي ينقال يعني إحنا هالكثر فينا جهل علشان انصدق الحجي هذا؟؟​

الجواب نعم - في ناس صدقوا - انزين يعني اليابانيين ولا الامريكان ما عندهم طريقه ثانيه ينشرون فيها القصه الكرتونيه هذي - ​

الجواب : بلى عندهم - اسمها ديجيمون ​

حبيبتي هذا كله كلام فاضي اليهال اللي يطالعون سبونج بوب بعاد عن فهم الماسونيه و الكبار اللي مثلي اللي يفهمون الماسونيه يعني شنو ما راح يتأثرون بسبونج بوب و يقلبون​

فلا نعطي بعض الامور أكبر من حجمها ​

آسفه على الاطاله و لكن عندي تعليق أخير​

على قولة [--fmk--] صج ليش امغطين ويوههم ، يعني مجرمين ولا عيب و لا شنو ههههههههه :d :d​

و مثل ما قلت بالبدايه انه نقدي بناء أرجوا ان تتقبلينه بصدر رحب من أخت لج​

:eh_s(15): عين العقل

حبايبي تذكرون و احنا صغار شنو كنا نتابع ؟؟

عدنان و لينا - الأميرة ياقوت ,,,

ماأتذكر إن تأثرنا فيهم بالعكس ،،

والحين قمنا نسمع بلاوي ،،

عدنان ولينا = قصة الأرض الموعودة لبني اسرائيل !!
الأميرة ياقوت = تشبه بنت بالأولاد !!

والحمدلله جيلنا (السبعينيات + الثمانينيات) ماتأثرنا بهالأشياء ابداً ،،


انا عن نفسي ماأحب هالكرتون ،، ولا أي كرتون ينعرض بقنوات (نيكلوديون - كارتون نت ورك - ام بي سي 3)

كارتون مستوى هابط ،، افكار متحررة عن علاقات الجنسين ،، وصاخه بمعنى الكلمه (الي اصبعه بخشمه و الي ايده مادري وين والي يطلع اصوات وريحه !!)

فعلاً شي وصخ والمصيبه مدبلج عربي ،، ابي الي دبلجوه مااستحوا من هالحركات الي بيطلعونها لليهال !!


الحل بسيط : ديليت على نت ورك + نيكلوديون
مراقبة الاطفال وشنو يشوفون
شجعوهم على نشاطات ثانيه أو قنوات ثانيه

قرقت وايد ،،،،، سلامتكم :eh_s(17):

 

[koko~4]

رد : للامهات سبونج بوب يروج للماسونيه

حسبي الله ونعم الوكيل

 

[LuLiTa]

ما اتابعه

 

[Meekakitty]

رد : للامهات سبونج بوب يروج للماسونيه

انا ضد هالتخويف من الكرتون شدعوا كل شي بهالدنيا خليتوه يدعو للماسونيه لليهوديه للمادري شنو من وانا صغيره اسمع انه كوكا كولا لو تقلبينه يطلع كلمة شرك وعدنان ولينه مادري شنو وعدييييي خربطي ايي شيي بالدنيا تقدرين تخلينه يدعو للشي الي تبينه اللي علينا نزرع بعيالنا الايمان وكان الله غفور رحيم

 

[ام محمد الشمري]

صح فيه اشياء قله ادب وخياس مثل علي طول يتريعوون يلوعون الجبد ووخصوصا بسيط

والله اتابع شسوي مجبر اخاك لابطل اقعد مع الجعده الله يحفظه

 

[مسكرة سكرة]

ههههههههههههههههههههههههههههههههههههههههههه
انتباه رجاءا على الكلام اللي بقولة عدل

 

[مسكرة سكرة]

رد: رد : للامهات سبونج بوب يروج للماسونيه

انا ضد هالتخويف من الكرتون شدعوا كل شي بهالدنيا خليتوه يدعو للماسونيه لليهوديه للمادري شنو من وانا صغيره اسمع انه كوكا كولا لو تقلبينه يطلع كلمة شرك وعدنان ولينه مادري شنو وعدييييي خربطي ايي شيي بالدنيا تقدرين تخلينه يدعو للشي الي تبينه اللي علينا نزرع بعيالنا الايمان وكان الله غفور رحيم

يا حبيبتي
و يا حبيباتي بنات المنتدى
ماكو شي عادي
بما إني باحثة ودكتوراه مع مرتبة الشرف في اليهودية و النصرانية
اقروا اللي بكتبة
أولا : الماسونية حركة يهودية أصولها صهيونية بحتة
ثانيا : الاعلام اللي ماسكة كلهم ماسونيين ؟
ثالثا: مو عادي للي تقول عادي ما أثر فينا أول ما بدو على الخفيف
لكن كل ماله يزيدون الجيلة
فهمتوا؟
حركات و رموز يخلونها شي عادي
لا والله مو عادي
هالحركا و الرموز يتوسلون فيها للشيطان
يناجون الشيطان.
الماسونية (إلههم إبليس) متعاطفين وياه فيشوفونه المظلوم الخير
و الله و العياذ بالله الجبروت الشرير
لا ينكرون وجود الله
لكن ينتظرون المسيح الدجال عشان تتحد القوى الشيطانية مع المسيح و يقاتل الله
اللهم اني استغفرك و اتوب إليك
بنات من حبس علما ألجمه الله بلجام من نار
عشان جذي ما حبيت أخفي عليكم المعلومات اللي عندي
بس لاحظو معاي
في لعبة سوني اسمها
ذا وور أو قود
يعني الحرب مع الله
ولاحظوا ترا بكل بباي يحطون العين الحارسة مو بسفونج بوب بس
99%إذا مو كلهم من الببايات وراح أحط صور توضح بموضوع بروحة عشان الكل يستفيد​