للاسف ... مشكلتي امـــــي

[عيني عليه]

السلام عليكم بناااات,,,

قاعده اكتب لكم وولدي بيدي ... مشكلتي تحسسني بالمسؤوليه العضيمه اتجاه ولدي ... وتخليني اتعهد على نفسي اني اكون ام بكل ماتحمله هالكلمه من معنى ... واذا ماكنت قد هالكلمه لاجان جبته ...

بناااات ...

تتخيلووون احد لمن يسمع بغلاة الام وحنانها وتضحياتها وانها الملاك النازل من السما يستغرب ؟؟

تتخيلوون انه في احد مااعمره طب على صدر امه يضمها ويشكي لها ؟؟

تتخيلووون ام ماتنسمع منها دعوه لضناها كثر ماتنسمع منها دعوه على ضناها ؟؟

تتخيلووون ام بداااال ماتوجه عيالها عيالها يوجهونها ؟؟

هااااذي امي ...يعززز علي اني اوصل لهالمرحله معاها ... بس من جد الوضع لايطااااق ... لو بيدي اختاار امي عمررري ماكان هذا اختياااري ...

بسوولف لكم من البدايه وانتوا قولوا لي علموووني وجهوووني ... ابي اعرف وصايا رب العالميين على كل ام حتى لو كانت بنفس شخصية واطبااع امي ؟؟ وهقه والله وهقه ....

واحنا صغااار مااذكر انه امي كانت كذاااا ... كانت قاسيه في تربيتها شوي من النوع اللي يضرب واللي يصوووت ... بس اذكر كانت حنووونه علينا ... ماترضى احد يأذينا تبدينا على نفسها ... ماتبي تروح ولا تجي الا واحنا معاها ... حريصه على مستوانا بالمدرسه ...كنت انا احبببببببها حيييل ... ال درجة اني لمن يجي يوووم وانام فيه بيت احد عماامي مع عيااالهم اصيييح رجعوووني لامي ....

حتى ماكانت فيه مشاكل بين امي وابوووي ... لمن يصادف يوم متزاعلين فيه مع بعض ومايكلمون بعض ... نصيح انا وخواتي يماااا كلمي ابوووي ...

لمن استقاااال ابووي من عمله .... من هذيييك السنه كل شي معفووس فووق تحت ... شخصيه ابووي مو قوويه كثييير ... فلمن استقاااال شبه تحطم ... وصارت ماعنده ثقه بقدراااته ... ميين اللي صار يوجهه ؟؟ امي ..

بنااات لو تشوفووون تعامل امي مع ابوووي شلون صااار ؟؟ ماافي وحده ترض تشووف ابوووها بهالوضع ... ذللللل والله ذلللل ... امي صارت تهين ابووي قدااامناااا ... تخيلوا انها تتعمد تسوي مشكله عشااان تحسسه انه ضعيييف ... واقل شي يصير تعايره انه اهي اللي تصرف عليييه وانها بتقطع عنه الصرف واشووف يلا شرااح تسوي ... وخلي وحده من خواتي تتكلم ... تصير من المغضوب عليهم ... طبعا تكلمت لكم عن الوضع من هالجانب بشكل عاام ولو اتكلم لكم عن تفاصييل واصور لكم شكل ابووووي شلووون والله حتى الصيااح تصيحووون ...

طبعا امي فيها جنووون العظمه ... اي احد تنقهررر منه في شي على طووول قاطعته .. وكله اهي كرامتها ماتسمح .. لمن الحين ثلاث ارباع العالم متهاوشه معاهم وماتكلمهم .... ومن ضمنهم اهل ابوووي ... والله اني بس قاعده وارقع لها قداام الناااس منقص وجهي ... وامي مو قصدها وامي حليوه بس شوي عصبيه وهااات ياتبريراااات ... طبعا اهل ابوي الحين علاقتنا فيهم مو ذااك لزود والسبه امي ... في عرسي واقفه ماجنبي احد من اهلي وانا مااالي ذنب ... الا انه امي امي...

حنا خمس بناااات ... والله اقمااار وشهاداااات واخلاق ... بس مااااااااااااااحد يطق بابنااا ... لانه السمعه خلاص رايحه فيها ... مره انا انخطبت لواااحد وتركني لانه وصل له كلام عن امي انهاااا راعية مشااااكل ...

امي شكااااااااااااااااااكه ... عااادي من نظراااتج تألف سااالفه وتصدقهاااا ... وطبعا كل الشكووك شكووك سوووء ... وابوي واعليا ماكلها ... عشاان لاتقولووون انه هالشي مايستدعي اشيل على امي عشاانه ... امي تشك فييي ابووي حتى مع وحده من خواااتي اللي اهي بنته ... مع بنت اختهاااااا حتى << شي يفشللللللللللل انه ينقاااااال والله يفشللللللل بس ابي احسسكم بشي تافه من هالمعانااة ....

طبعا تمشي وتوعوع على البناااات .... لانها جايبه خمس بنااات وعليهم في الاخير ولديييين ... كبروا الولديين ... صارت تعبد الولد الكبير خصووصا ... وتميزه عن البنات بشكل مبالغ فييه ... الى اي درجه ؟؟

الحاله الماديه رايحه فيها وبس يستوي فلس في يد هالبنات لازم تعطووونه اخوووكم لانه الولد ينخاف عليه انتوا بنااات ماتحتاجون الريال ... خل يسوي فيكم هالولد للي يسوي ... لانه حرام مرااهق ... وبس احد يمسك هالمراهق ينصحه صار مايحب ولدها وتحطه في القائمه السوداء ...

بنات انا اكبر وحده في خوااتي ... هالاوضاااع اللي ماذكرت لكم الا شي تافه منها مااقدر اشوفها واسكت ... اجي كلم امي افهمها تنقلبببب علي .... لان امي اللي مايوافقني اعاديييه ... متخيليين ؟؟

تخيلوا انه اللي بعمرها صاار همهم ربهم ... واهي للحين همها الفلوووس وشلون تجمعهم .. مفتقده للام اللي الدعوه لعيالها على لسانها ... والله اني كبرت وانا اللي صرت ابي اثقف نفسي دينياااا ... امي ويين وهالاشيااء وييين ...

شوي شوي احس الحب اللي في قلبي حق امي قاعد يقل ... الى درجه اني دايما احلم فيها تهااوش والا تصاارخ وانا اعاتبها في الحلم ....

شاسوووووووي؟؟ ماابي وزصل لهالمرحله مع امي ... خوااتي يقولوون انهم صاروا يرتاحوون بس يطلعون عن بيتنا ... لانها مسويته حرييييييييييقه .... حراااام اذا قطعت امي عشااان ارتاااااح ؟؟؟ والله بس اشوووفها لااازم تسوي سالفه ومشكله ... من جد شالحل ؟؟

 

[dl3 × dl3]

رد : للاسف ... مشكلتي امـــــي

مدري وش اقوولك حيآتو

بس مالك الا الدعآء ثم الدعآء ثم الدعآء

واعليا ع ابووك كسر خاطري

اهم شي انتو برووها واحسنوا معاملتها وان شاء الله تلين

الله يسخرها لكم ويخليها يارب

 

[عذآب إلـ أنآ]

امج في وضع لاتحسد عليه تشوف كل اللي جدامها ناس ما تقدر تاخذ منهم الامآن ،
الموضوع ومافيه امج لازم تصحى من اللي قاعد تسويه ،

لازم كلكم تواجهونها ( الموضوع وصل لآبعد الحدود )
انتي متضايقه وخواتج منقهرين ويعز عليج تشوفين امج بهالوضع ،
ترى مآفيها غلط اذا علمتو امكم الصح،

اول صلي ركعتين واقري سورة البقره لو شوي منها بس وخليها تشوفج بهاللحظه ،
عقب روحي لآمج وقعدي يمها ، قوليلها يمه آنا حآسه فيج ،
والله كل اللي تسوينه هذا مو عشان شي
انتي تسوينه لآنج مجروحه من الدآخل وقاعده تنفسين عنه بطريقه غلط ،
يمه خلاص الموضوع محد يقدر يتحمله الحين ،، وصلتي وين ووين تبين توصلين اكثر من جذي ،
وصدقيني الكلام راح يطلع ورآح تبجين عآدي !
خل تشوف دموعج جود تصحى من اللي هي فيه ،

قوليلها الدنيآ مآتسوى والله ومآتسوى عليج بآجر واحد منه يفارق عيونج تقعدين تتحسفين طول عمرج ،
آحنا كلنا معاج بس نبيج للآفضل مثل ماكنتي قبل ،
ذكريها بسوآلف قبل خليها تحس،
يمكن تصرخ عليج وتزفج بس عالاقل كلمتين منج راح يكونون ببآلهآ،
آنتي تقولين رآح تعآديج عادي خل تعاديج مو اول مره تسويها فيج ،
بس صج اذا تحبون امكم وتبون راح الخير لآزم تصححون لها ولو شنو مآصآر،
لآتتحسفون باجر تقولون ليتنآ علمنآها وفهمناها ،
اعتبروها اختكم الصغيره ووجهوها

ترى الدنيآ فآنيه وماتسوى اللي امكم تسويه، ونطرتكم مامنها فايده لآزم تتصرفون

وانشاءالله ماكو الا الخير حبيبتي .. خليج متفآءله الحياه حلوه :hjy5jewf:[/

 

[R-el.'3hanem]

وعليكم السلآم ورحمة الله وبركآته ..

يمكن من كثر اللي شآفته من الزمن !
وتبي تأكد إنكم قد المسؤوليه :/
ويمكن كل هذآ خوف منهـآآ عليكم .. وتبيكم تأمنون مستقبلكم

الله يصبرج إن شاء الله
ويصلح إمج ،

 

[بدورة القمورة]

:denya:

حياتي الله يصبرج إن شاء الله وعسي الله يصلح إمج ،

 

[محرومة من الحب]

رد : للاسف ... مشكلتي امـــــي

:denya:

:yaaaaaarb:

 

[الفيروزيه]

سبحان الله
اللي متوفيه امها ........اتمنا لو لحضه بس ترجع وتضمها
واللي معاها امها وامها موزيينه معاها ....يقل محبتها بقلبج

ليت هذي امـــي
راضيه فيها ...يكفي وجودد امي معي..ولا اعيش هالحرماان اللي عشته
مرت ابو وحرمان من حنان الام .....والناس ونضرتهم المكسووره لي.....
ادعييلها ان الله يهدييها .....وجود الام بحيااه اككبر نعمه ..ومايحس فيها الا اللي فاقدها​

​

 

[شندوخه]

رد : للاسف ... مشكلتي امـــــي

لاحول ولاقوه الا بالله
الله يصلح حالها ويسخرها لكم :yaaaaaarb:
ادعيلها يا اختي لان امج وصلت لحاله ماتبي نصيحه ولا شور احد تبي دعائكم انتوا بناتها لها

 

[عواار قلب]

رد : للاسف ... مشكلتي امـــــي

والله مادري شأقووول
لازم تصارحينهاااا بسلبياتها بشكل يرضيهاااا
وتقولين لها الدنيااا ماتسوااا كل هذا يايمآ
ادعيلهااا ان الله يصلح حالهااا يارب

 

[كتكوته نورة]

ميخالف حبيها على راسها ... وعاملها بمعامله زينه ... لان مثل ما تعاملينها عيالج باجر بعاملونج .. والله يهيدها يمكن تعبانه او شي قعدي معاها ..عاااااااااااااااااااااادي

 

[طويت صفحة الماضي]

رد : للاسف ... مشكلتي امـــــي

لله يهديها لكم يمكن امج تعبانه نفسيتها او فيها شي بس ماقالت لكم مومعقوله جذي يعينكم الله

 

[amoonii]

رد : رد: للاسف ... مشكلتي امـــــي

امج في وضع لاتحسد عليه تشوف كل اللي جدامها ناس ما تقدر تاخذ منهم الامآن ،
الموضوع ومافيه امج لازم تصحى من اللي قاعد تسويه ،

لازم كلكم تواجهونها ( الموضوع وصل لآبعد الحدود )
انتي متضايقه وخواتج منقهرين ويعز عليج تشوفين امج بهالوضع ،
ترى مآفيها غلط اذا علمتو امكم الصح،

اول صلي ركعتين واقري سورة البقره لو شوي منها بس وخليها تشوفج بهاللحظه ،
عقب روحي لآمج وقعدي يمها ، قوليلها يمه آنا حآسه فيج ،
والله كل اللي تسوينه هذا مو عشان شي
انتي تسوينه لآنج مجروحه من الدآخل وقاعده تنفسين عنه بطريقه غلط ،
يمه خلاص الموضوع محد يقدر يتحمله الحين ،، وصلتي وين ووين تبين توصلين اكثر من جذي ،
وصدقيني الكلام راح يطلع ورآح تبجين عآدي !
خل تشوف دموعج جود تصحى من اللي هي فيه ،

قوليلها الدنيآ مآتسوى والله ومآتسوى عليج بآجر واحد منه يفارق عيونج تقعدين تتحسفين طول عمرج ،
آحنا كلنا معاج بس نبيج للآفضل مثل ماكنتي قبل ،
ذكريها بسوآلف قبل خليها تحس،
يمكن تصرخ عليج وتزفج بس عالاقل كلمتين منج راح يكونون ببآلهآ،
آنتي تقولين رآح تعآديج عادي خل تعاديج مو اول مره تسويها فيج ،
بس صج اذا تحبون امكم وتبون راح الخير لآزم تصححون لها ولو شنو مآصآر،
لآتتحسفون باجر تقولون ليتنآ علمنآها وفهمناها ،
اعتبروها اختكم الصغيره ووجهوها

ترى الدنيآ فآنيه وماتسوى اللي امكم تسويه، ونطرتكم مامنها فايده لآزم تتصرفون

وانشاءالله ماكو الا الخير حبيبتي .. خليج متفآءله الحياه حلوه :hjy5jewf:[/

صح كلامها و انا معاها !! سوي اللي قالته وانشالله منتي خسرانه شي .. و صدقيني راح تتغير .. حتى لو شي صغير فيها !! و الله يهديها :* !

 

[الحراير]

ياحياتي انتي ذكرتي لما كنتوا صغار كانت حنونه بس صدقيني الكبر شين استحملوها وهذي امكم مهما تسوي وربي يخليها لكم ويهديها

 

[Fe6aMi]

رد : للاسف ... مشكلتي امـــــي

كل انسان له نقطة ضعف وباب تدخلين له منه شوفي امج شنو نقطة ضعفها حاولوا تكلمونها او تخلون احد اهيا تسمعله وتاخذ بكلامه يكلمها وادعيلي لها والله كريم انشالله ​

 

[mona q8]

رد : للاسف ... مشكلتي امـــــي

أنا أمي جذي ولما كنت أنا صغيره كانت معاملتها غير
بس صدقيني هذا كله من اللي سواه الزمن فيهم
ويعتقدون ان اللي يسونه صح
أنتي حاولي أنج ماتسوين اللي يزعلها
لان هذي بالنهايه امج ولابد يجي يوم وترجع مثل ماكانت وأحسن
وأنصحي أبوج يدورله على شغل إذا كان يقدر ع الشغل
ومثل ماقالوا البنات حاولي تكلمينها بتفاهم
قوليلها أنكم محتاجين حنانها
لا تقولين ان اللي تسويه غلط لانها جذي راح تعاند بزياده
قوليلها ان العصبيه وايد مو زينه عليها ولازم تخفف منها
وقوليلها أنكم محتاجين حب وحنان
وحاولي تفتحين موضوع انكم ماتزوجتو ليم الحين
وان البنات بدو يكبرون من غير زواج
افتحيلها مواضيع مشابهه لموضوعكم وشنو النتيجه بدون ما توضحيلها انج تقصدينها
حتى لو كانت المواضيع تأليف
والله وياج ولا تنسين الدعاء والإستغفار

 

[حلوة مووت]

أنا حلي غريب شوي .. بس شكلي عرفت نوع أمج
انتي قلتي أمج همها الفلووس
يمكن تستفيدين من هالنقطة إذا كنتي تقدرين
بريها مادياً ..لأني بصراحة أحس صعب معاها العواطف والكلام الحنون
يمكن تفرح ويبرد خاطرها .. ويمكن من هالباب تدخلين لقلبها
والله لا تستغربين أعرف نمااذج ماتفتح قلوبهم اللا الهدية
والرسول قال: تهادوا تحاابو .. والهدية مرسال القلوب
أدري إن غريب تكون كذا العلاقة بين أم وبنتها
بس انتي جربيها ونيَتج تقرب العلاقة وتوصلين لها اللي تبينه
ونستنى ردج

 

[(ميادة الحسن)]

الله يفر ج لكم ويفرج لنا يارب

 

[حرم الاسد]

الله يعينج


وايد امهات نفس امج الزمن والبعد عن الله ووايد شغلات

في اسباب

الحلول

العودة الى الله استغفري وايد ادعي لهااااااااا بكل وقت

تصدقي عنها لانها مريضة

والله يعينكم

 

[TIC TOK]

رد : للاسف ... مشكلتي امـــــي

عاد كلشي ولا امي

الله يعين

الله يهديها

 

[<<ام تركي>>]

مادري شقولج
الله يكون بعونكم